ບານສົ່ງລາວ ກຽມຈັດແຂ່ງຂັນທົດສອບຄວາມພ້ອມກ່ອນ ຊຽງຂວາງ ເກມ


0
5 shares
loading…

ຕາມ​ການ​ໃຫ້​ສຳ­ພາດ​ຂອງ​ທ່ານ ຈັນ​ສະ­ໝອນ ຜ່ອງ​ຈັນ­ທາ ປະ­ທານ​ສະ­ຫະ­ພັນ​ບານ­ສົ່ງ​ແຫ່ງ​ຊາດ​ລາວ ໃຫ້​ຮູ້​ວ່າ: ຕະ­ຫຼອດ​ໄລ­ຍະ​ຜ່ານ​ມາ ການ​ພັດ­ທະ­ນາ​ວົງ​ການ​ກີ­ລາ​ບານ­ສົ່ງ​ລາວ ໄດ້​ມີ​ບາດ­ກ້າວ​ເຕີບ​ໃຫຍ່​ຂະ­ຫຍາຍ­ຕົວ​ຢ່າງ​ກວ້າງ­ຂວາງ ໂດຍ​ສະ­ເພາະ​ພາຍ​ໃນ 6 ເດືອນ​ຕົ້ນ​ປີ 2018 ຜ່ານ​ມາ ສະ­ຫະ­ພັນ​ບານ­ສົ່ງ ໄດ້​ມີ​ການ­ເຄື່ອນ­ໄຫວ​ຈັດ​ເຝິກ­ອົບ­ຮົມ​ຍົກ​ລະ­ດັບ​ຄວາມ​ຮູ້​ຄວາມ​ສາ­ມາດ ໃຫ້​ແກ່​ກຳ­ມະ­ການ​ຕັດ­ສິນ ຄູ​ເຝິກ ແລະ ພັດ­ທະ­ນາ​ນັກ­ກີ­ລາ​ບານ­ສົ່ງ​ລາວ ດ້ວຍ​ຜົນ­ສຳ­ເລັດ​ທີ່​ພົ້ນ​ເດັ່ນ​ຫຼາຍ​ດ້ານ ພ້ອມ​ທັງ​ປຸກ­ລະ­ດົມ​ບັນ­ດາ​ຄະ­ນະ​ບໍ­ລິ­ຫານ​ງານ​ສະ­ຫະ­ພັນ ແລະ ພະ­ນັກ­ງານ​ຮັບ­ຜິດ­ຊອບ​ໜ້າ​ວຽກ​ຕ່າງໆ ພ້ອມ​ກັນ​ສືບ­ຕໍ່​ຈັດ​ຕັ້ງ​ປະ­ຕິ­ບັດ​ຂະ​ບວນ​ການ​ພັດ­ທະ­ນາ​ກີ­ລາ​ບານ­ສົ່ງ​ລາວ​ຢ່າງ­ຮອບ­ດ້ານ ໂດຍ​ສະ­ເພາະ​ດ້ານ​ການ​ປະ­ສານ​ງານ​ພົວ­ພັນ​ກັບ ສະ­ຫະ­ພັນ​ບານ­ສົ່ງ​ອາ​ຊຽນ ສະ­ຫະ­ພັນ​ບານ­ສົ່ງ​ອາ­ຊີ ແລະ ສະ­ຫະ­ພັນ​ບານ­ສົ່ງ​ສາ­ກົນ ເພື່ອ​ຍາດ​ແຍ່ງ​ເອົາ​ການ​ຊ່ວຍ­ເຫຼືອ​ມາ​ພັດ­ທະ­ນາ​ກີ­ລາ​ບານ­ສົ່ງ​ລາວ ໃຫ້​ແທດ­ເໝາະ​ກັບ​ຄວາມ​ເປັນ​ຈິງ ເປັນ­ຕົ້ນ​ຈະ​ເນັ້ນ​ສົ່ງ­ເສີມ​ການ​ພັດ­ທະ­ນາ​ນັກ­ກີ­ລາ​ຮຸ່ນ​ສືບ​ທອດ​ເປັນ​ຫຼັກ.

ທ່ານ​ກ່າວ​ຕື່ມ​ອີ​ກວ່າ:  ນັບ​ຈາກ​ນີ້​ເປັນ­ຕົ້ນ​ໄປ ກໍ່​ມີ​ເວ­ລາ​ເຫຼືອ​ພຽງ​ອີກ 6 ເດືອນ​ໃນ​ທ້າຍ​ປີ 2018 ກໍ່​ໄດ້​ວາງ​ແຜນ​ເປົ້າ​ໝາຍ​ຈະ​ຈັດ​ກິດ­ຈະ­ກຳ​ແຂ່ງ­ຂັນ​ກີ­ລາ​ບານ­ສົ່ງ ປະ­ເພດ​ທີມ​ຍິງ ແລະ ທີມ​ຊາຍ 2 ງານ​ໃຫຍ່​ລະ­ດັບ​ຊາດ​ຂຶ້ນ ກໍ່​ຄື​ການ​ແຂ່ງ­ຂັນ​ບານ­ສົ່ງ​ທົ່ວ​ປະ­ເທດ ທີ່​ແຂວງ​ຊຽງ​ຂວາງ ເພື່ອ​ເປັນ​ການ​ທົດ​ສອບ​ຄວາມ​ພ້ອມ​ໃຫ້​ແກ່​ບຸ​ຄະ­ລາ​ກອນ ທີ່​ເປັນ​ຜູ້​ຮັບ­ຜິດ­ຊອບ​ຈັດ­ການ​ແຂ່ງ­ຂັນ ກຳ­ມະ­ການ​ຕັດ­ສິນ ຄູ​ເຝິກ ແລະ ນັກ­ກີ­ລາ ກ່ອນ​ເຂົ້າ​ຮ່ວມ​ງານ​ມະ​ຫະ​ກຳ​ກີ­ລາ​ແຫ່ງ​ຊາດ ຄັ້ງ​ທີ 11 ຫຼື ຊຽງ​ຂວາງ ເກມ ທີ່​ແຂວງ​ຊຽງ​ຂວາງ ຮັບ​ກຽດ​ເປັນ​ເຈົ້າ­ພາບ ລະ­ຫວ່າງ​ວັນ​ທີ 11-21 ພະ­ຈິກ 2018 ຄຽງ​ຄູ່​ກັນ​ນັ້ນ ຍັງ​ຈະ​ມີ​ການ​ຈັດ​ແຂ່ງ­ຂັນ​ບານ­ສົ່ງ​ລີກ​ສູງ​ສຸດ​ຂອງ ສປປ ລາວ ທັງ​ນີ້ ກໍ່​ເພື່ອ​ເປັນ​ການ​ແນ່​ໃສ່​ສົ່ງ­ເສີມ​ຍົກ​ລະ­ດັບ​ຄວາມ​ສາ­ມາດ​ໃຫ້​ນັກ­ກີ­ລາ​ລາວ ໃຫ້​ມີ​ຄວາມ​ສາ­ມາດ​ທີ່​ພົ້ນ​ເດັ່ນ ແລະ ກ້າວ​ສູ່​ຜົນ­ສຳ­ເລັດ​ໃນ​ລະ­ດັບ​ພາກ​ພື້ນ ແລະ ສາ­ກົນ ໃນ​ອະ­ນາ­ຄົດ.

ຂໍຂອບໃຈ ວຽງຈັນໃຫມ່

loading…


Like it? Share with your friends!

0
5 shares
admin

0 Comments

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

This site uses Akismet to reduce spam. Learn how your comment data is processed.

ເລືອກຮູບແບບໂພດສ໌
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format