ມຊ ສຳເລັດການແຂ່ງຂັນກີລາ ຊີງຂັນອະທິການບໍດີ 2018


0
2 shares
loading…

ມະ­ຫາ­ວິ­ທະ­ຍາ­ໄລ​ແຫ່ງ​ຊາດ (ມຊ) ສຳ­ເລັດ​ການ​ຈັດ​ແຂ່ງ­ຂັນ​ກິ­ລາ 5 ປະ­ເພດ​ຄື: ເຕະ­ບານ ບານ­ສົ່ງ ກະ­ຕໍ້ ເປ​ຕັງ ແລະ ແລ່ນ-ລານ ຊີງ​ຂັນ​ທ່ານ​ອະ­ທິ­ການ​ບໍ­ດີ​ມະ­ຫາ­ວິ­ທະ­ຍາ­ໄລ​ແຫ່ງ​ຊາດ ປະ­ຈຳ​ສົກ­ຮຽນ 2017-2018 ໃນ​ອາ­ທິດ ຜ່ານ​ມາ ທີ່​ສະ­ໜາມ​ກີ­ລາ​ກາງ ມຊ ມີ​ທ່ານ ສົມ​ສີ ຍໍ​ພັນ​ໄຊ ວ່າ­ການ​ອະ­ທິ­ການ​ບໍ­ດີ​ມະ­ຫາ­ວິ­ທະ­ຍາ­ໄລ​ແຫ່ງ​ຊາດ ພ້ອມ​ດ້ວຍ​ຄະ­ນະ ບັນ­ດາ​ຄະ­ນະ­ບໍ­ດີ 13 ຄະ­ນະ ພະ­ນັກ­ງານ ວິ­ຊາ​ການ ຄະ­ນະ​ນຳ ຄູ​ເຝິກ ນັກ­ກີ­ລາ ແລະ ນັກ​ສຶກ​ສາ 1 ພັນ​ກວ່າ​ຄົນ ເຂົ້າ​ຮ່ວມ.

ໂອ­ກາດ​ນີ້ ທ່ານ ເປີ້ນ ອິນ​ທະ​ໜໍ່ ຮອງ​ຫົວ­ໜ້າ​ຫ້ອງ­ການ​ກິດ­ຈະ­ກຳ​ນັກ​ສຶກ​ສາ ມະ­ຫາ​ວິ­ທະ­ຍາ ໄລ​ແຫ່ງ​ຊາດ ໄດ້​ລາຍ​ງານ​ໃຫ້​ຮູ້​ວ່າ: ການ​ແຂ່ງ­ຂັນ​ກີ­ລາ​ຄັ້ງ​ນີ້ ເພື່ອ​ສະ­ເຫຼີມ­ສະ­ຫຼອງ​ປີ​ທ່ອງ​ທ່ຽວ​ລາວ ແລະ ວັນ​ໂອ​ແລມ​ປິກ​ສາ­ກົນ ຄົບ­ຮອບ 124 ປີ ການ­ຈັດ­ຕັ້ງ​ແຂ່ງ­ຂັນ​ກີ­ລາ​ນັກ​ສຶກ​ສາ​ມະ­ຫາ­ວິ­ທະ­ຍາ­ໄລ​ແຫ່ງ​ຊາດ (ມຊ) ປະ­ຈຳ​ປີ 2018 ນີ້ ເຖິງ​ຈະ​ບໍ່​ມີ​ຫຼາຍ​ປະ­ເພດ ແລະ ບໍ່​ໄດ້​ດຳ­ເນີນ​ໄປ​ຕາມ​ຂັ້ນ​ຕອນ​ຂອງ​ການ​ແຂ່ງ­ຂັນ (ເປີດ-ປິດ) ແຕ່​ໄດ້​ປະ­ກອບ​ມີ​ການ­ຈັດ­ຕັ້ງ​ຢ່າງ​ຄົບ​ຊຸດ​ທັງ​ຄະ­ນະ​ປະ­ທານ ຄະ­ນະ​ກຳ­ມະ­ການ​ເຕັກ­ນິກ-ຈັດ­ການ​ແຂ່ງ­ຂັນ ກຳ­ມະ­ການ​ຕັດ­ສິນ ແລະ ຜູ້​ຊ່ວຍ​ວຽກ​ຕ່າງໆ ລວມ​ທັງ​ໝົດ​ມີ 146 ທ່ານ ແລະ ນັກ­ກີ­ລາ​ເຂົ້າ​ຮ່ວມ​ແຂ່ງ­ຂັນ​ທັງ​ໝົດ 1.036 ຄົນ ຍິງ 410 ຄົນ.

ການ​ແຂ່ງ­ຂັນ​ກີ­ລາ​ນັກ​ສຶກ​ສາ​ຄັ້ງ​ນີ້ ແມ່ນ​ໄດ້​ປະ­ຕິ­ບັດ​ຕາມ​ແຜນ​ຍຸດ​ທະ​ສາດ 5 ປີ ຂອງ ມຊ (2016–2020) ຕາມ​ແຜນ​ງານ​ທີ 4 ກ່ຽວ​ກັບ​ການ​ພັດ­ທະ­ນາ​ນັກ​ສຶກ​ສາ ໃຫ້​ມີ​ຄຸ­ນະ­ພາບ​ຮອບ­ດ້ານ ເຊິ່ງ​ກີ­ລາ​ແມ່ນ​ໜຶ່ງ​ໃນ 5 ຫຼັກ​ມູນ​ຂອງ​ການ​ສຶກ​ສາ​ແຫ່ງ​ຊາດ  ສະ­ນັ້ນ ການ​ແຂ່ງ­ຂັນ​ກີ­ລາ​ໃນ​ຄັ້ງ​ນີ້ ຈຶ່ງ​ຖື​ເປັນ​ການ​ເຕົ້າ­ໂຮມ​ຄວາມ​ສາ­ມັກ­ຄີ ຂອງ​ນັກ​ສຶກ​ສາ​ເປັນ​ບ່ອນ​ເຝິກ­ແອບ​ຮ່າງ­ກາຍ-ແນວ​ຄິດ ອາ­ລົມ​ຈິດ­ໃຈ ແລະ  ພ້ອມ​ທັງ​ເປັນ​ການ​ເຝິກ­ຝົນ​ທາງ​ດ້ານ​ລະ­ບຽບ​ວິ­ໄນ ແລະ ເຝິກ­ແອບ​ໃຫ້​ເປັນ​ຜູ້​ທີ່​ຕົງ​ຕໍ່​ເວ­ລາ ແລະ ເປັນ​ທີ່​ສັງ­ເກດ​ເຫັນ​ໄດ້​ວ່າ​ມີ​ທຸກໆ​ຄະ­ນະ​ວິ­ຊາ​ໄດ້​ມີ​ການ­ຈັດ­ຕັ້ງ​ນຳ­ພາ ແລະ ເອົາ­ໃຈ­ໃສ່​ຕິດ­ຕາມ​ຊຸກ ຍູ້​ໃຫ້​ກຳ­ລັງ​ໃຈ​ແກ່​ນັກ­ກີ­ລາ​ຂອງ​ຕົນ​ເປັນ​ຢ່າງ​ດີ.

ຂໍຂອບໃຈ ວຽງຈັນໃຫມ່

loading…


Like it? Share with your friends!

0
2 shares
admin

0 Comments

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

This site uses Akismet to reduce spam. Learn how your comment data is processed.

ເລືອກຮູບແບບໂພດສ໌
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format