ຄາດວ່າຈະຮັບເອົາທົ່ງໄຫຫີນ ເຂົ້າເປັນມໍລະດົກໂລກ ໃນປີ 2019


0
2 shares
loading…

ທົ່ງ​ໄຫ​ຫີນ​ແຂວງ​ຊຽງ​ຂວາງ ເປັນ​ສະ­ຖານ­ທີ່​ທ່ອງ​ທ່ຽວ​ແຫ່ງ​ໜຶ່ງ​ທີ່​ສ້າງ​ຄວາມ​ສົນ­ໃຈ​ໃຫ້​ແກ່​ນັກ​ທ່ອງ​ທ່ຽວ​ທັງ​ພາຍ​ໃນ ແລະ ຕ່າງ­ປະ­ເທດ ເນື່ອງ​ຈາກ​ໄຫ​ຫີນ​ແຕ່​ລະ​ໜ່ວຍ​ມີ​ຂະ­ໜາດ​ແຕກ​ຕ່າງ​ກັນ ທີ່​ຕັ້ງ​ຢັ່ງ­ຢາຍ​ຢູ່​ຫຼາຍ​ແຫ່ງ​ທີ່​ຖືກ​ສ້າງ​ຂຶ້ນ​ໃນ​ຍຸກ​ສະ­ໄໝ​ບູ­ຮານ ມີ​ອາ­ຍຸ​ໄດ້​ຫຼາຍ​ຮ້ອຍ​ຫຼາຍ​ພັນ​ປີ ແລະ ໄດ້​ຖືກ​ປົກ​ປັກ​ຮັກ­ສາ​ໄວ້​ໃຫ້​ຄົນ​ຮຸ່ນ​ຫຼັງ​ໄດ້​ສຶກ​ສາ​ຮຽນ​ຮູ້ ໄດ້​ເບິ່ງ​ໄດ້​ຊົມ​ຈົນ​ມາ​ທຸກ​ວັນ​ນີ້ ແລະ ປັດ­ຈຸ­ບັນ​ທົ່ງ​ໄຫ​ຫີນ​ກຳ­ລັງ​ສະ­ເໜີ​ເຂົ້າ​ເປັນ​ມໍ­ລະ­ດົກ​ໂລກ.

ທ່ານ ບຸນ​ຕົ້ນ ຈັນ­ທະ​ພອນ ເຈົ້າ­ແຂວງ​ຊຽງ​ຂວາງ ໄດ້​ໃຫ້​ສຳ­ພາດ​ວ່າ: ສຳ­ລັບ​ການ​ກະ­ກຽມ​ຄວາມ​ພ້ອມ​ໃນ​ການ​ສະ­ເໜີ​ເອົາ “ທົ່ງ​ໄຫ​ຫີນ​ເຂົ້າ​ເປັນ​ມໍ­ລະ­ດົກ​ໂລກ” ຊາວ​ຊຽງ​ຂວາງ ແລະ ພາກ­ສ່ວນ​ກ່ຽວ­ຂ້ອງ​ຂອງ​ສູນ​ກາງ​ໄດ້​ມີ​ການ​ກຽມ​ຄວາມ​ພ້ອມ​ໃນ​ການ​ສະ­ເໜີ​ເອົາ​ທົ່ງ​ໄຫ​ຫີນ​ເຂົ້າ​ເປັນ​ມໍ­ລະ­ດົກ​ໂລກ​ໄດ້​ແບ່ງ​ເປັນ 5 ໄລ­ຍະ ຄື: ໄລ­ຍະ​ທີ 1 ແຕ່​ປີ 1998-2000 ໄດ້​ເລີ່ມ​ຈັດ​ຕັ້ງ​ປະ­ຕິ­ບັດ ໂດຍ​ສຸມ​ໃສ່​ການ​ສຳ​ຫຼວດ​ເກັບ​ກຳ​ຂໍ້​ມູນ​ທາງ​ດ້ານ​ທີ່​ຕັ້ງ ແລະ ພູມ​ສັນ ຖານ​ຂອງ​ແຫຼ່ງ​ມໍ­ລະ­ດົກ​ໄຫ​ຫີນ ເພື່ອ​ເປັນ​ພື້ນ­ຖານ​ຕອບ​ສະ­ໜອງ​ໃຫ້​ແກ່​ການ​ກຳ­ນົດ​ຂອບ​ເຂດ​ອະ­ນຸ​ຮັກ ແລະ ປົກ​ປັກ​ຮັກ­ສາ​ແຫຼ່ງ​ມໍ­ລະ­ດົກ ໄລ­ຍະ​ທີ 2 ໄດ້​ດຳ­ເນີນ​ການ­ຈັດ­ຕັ້ງ​ປະ­ຕິ­ບັດ​ປີ 2000-2002 ເພື່ອ​ລົງ​ເລິກ​ວຽກ​ງານ​ສຳ​ຫຼວດ​ພາກ​ສະ­ໜາມ​ໃນ​ການ​ເກັບ​ກຳ ແລະ ສັງ​ລວມ​ເອົາ​ຂໍ້​ມູນ​ລະ­ອຽດ​ຂອງ​ແຫຼ່ງ​ມໍ­ລະ­ດົກ​ໄຫ​ຫີນ​ແຕ່​ລະ​ແຫ່ງ

ໄລ­ຍະ​ທີ 3 ໄດ້​ດຳ­ເນີນ​ການ­ຈັດ­ຕັ້ງ​ປະ­ຕິ­ບັດ​ປີ 2002-2005 ເລັ່ງ​ໃສ່​ການ­ຈັດ­ຕັ້ງ​ປະ­ຕິ­ບັດ​ບັນ­ດາ​ກິດ­ຈະ­ກຳ​ຕ່າງໆ​ໃນ​ການ​ປົກ​ປັກ​ຮັກ­ສາ​ແຫຼ່ງ​ມໍ­ລະ­ດົກ​ໄຫ​ຫີນ ເພື່ອ​ນຳ​ເອົາ​ຜົນ​ປະ­ໂຫຍດ​ສູງ​ສຸດ​ມາ​ໃຫ້​ປະ­ເທດ​ຊາດ ແລະ ປະ­ຊາ­ຊົນ​ລາວ ໂດຍ​ສະ­ເພາະ ຊາວ​ຊຽງ​ຂວາງ​ທີ່​ດຳ­ລົງ​ຊີ­ວິດ ແລະ ຕິດ​ພັນ​ກັບ​ແຫຼ່ງ​ມໍ­ລະ­ດົກ​ໄຫ​ຫີນ ໄລ­ຍະ​ທີ 4 ໄດ້​ຈັດ​ຕັ້ງ​ປະ­ຕິ ບັດ​ແຕ່​ປີ 2006-2010 ເຊິ່ງ​ໂຄງ­ການ​ໄລ­ຍະ​ນີ້​ໄດ້​ສຸມ​ໃສ່​ການ​ພັດ­ທະ­ນາ ແລະ ສ້າງ​ຄວາມ​ເຂັ້ມ­ແຂງ​ທາງ​ດ້ານ​ວຽກ​ງານ​ຄຸ້ມ​ຄອງ ດູ​ແລ ແລະ ບໍ­ລິ­ຫານ​ແຫຼ່ງ​ມໍ­ລະ­ດົກ​ໄຫ​ຫີນ​ໃຫ້​ເກີດ​ຜົນ​ປະ­ໂຫຍດ​ສູງ​ສຸດ ດ້ວຍ​ການ​ມີ​ສ່ວນ​ຮ່ວມ​ຂອງ​ຫຼາຍ​ໜ່ວຍ​ງານ ນັບ​ແຕ່​ທ້ອງ­ຖິ່ນ​ຈົນ​ເຖິງ​ສູນ​ກາງ ເພື່ອ​ສ້າງ​ຄວາມ​ສະ­ດວກ ແລະ ເງື່ອນ­ໄຂ​ອັນ​ເໝາະ​ສົມ​ໃນ​ການ​ສະ­ໜັບ­ສະ­ໜູນ​ໃຫ້​ແກ່​ທ່າ­ແຮງ​ຂອງ​ຊຸມ​ຊົນ​ທ້ອງ­ຖິ່ນ ແລະ ໄລ­ຍະ​ທີ 5 ພາຍ­ຫຼັງ​ທີ່​ໄດ້​ຮັບ​ອະ­ນຸ­ມັດ​ຈາກ​ລັດ­ຖະ­ບານ​ໃນ​ຕົ້ນ​ປີ 2015 ກົມ​ມໍ­ລະ­ດົກ ກະ­ຊວງ​ຖະ­ແຫຼງ​ຂ່າວ ວັດ­ທະ­ນາ​ທຳ ແລະ ທ່ອງ​ທ່ຽວ ໄດ້​ສົມ­ທົບ​ກັບ​ພະ​ແນກ​ຖະ ແຫຼງ​ຂ່າວ ວັດ­ທະ­ນາ​ທຳ ແລະ ທ່ອງ​ທ່ຽວ ແຂວງ​ຊຽງ​ຂວາງ ພ້ອມ​ດ້ວຍ​ອຳ­ນາດ​ການ​ປົກ­ຄອງ​ທ້ອງ­ຖິ່ນ​ແຂວງ​ຊຽງ​ຂວາງ​ທຸກ​ຂັ້ນ ໄດ້​ສືບ­ຕໍ່​ດຳ­ເນີນ​ການ­ຈັດ­ຕັ້ງ​ປະ­ຕິ­ບັດ​ຕົກ­ລົງ​ເປັນ​ເອ­ກະ​ພາບ​ກັນ​ຮັບ­ຮອງ​ເອົາ​ແຫຼ່ງ​ໄຫ​ຫີນ ເພື່ອ​ນຳ​ສະ ເໜີ​ຈົດ​ທະ­ບຽນ​ເປັນ​ມໍ­ລະ­ດົກ​ໂລກ ໂດຍ​ສະ­ເໜີ​ເອົາ​ສະ­ເພາະ​ທົ່ງ​ໄຫ​ຫີນ 11 ຈຸດ.

ໃນ​ຂະ­ນະ​ນີ້ ລັດ­ຖະ­ບານ​ໄດ້​ສົ່ງ​ເອ­ກະ­ສານ​ສຳ­ຄັນ​ທີ່​ກ່ຽວ­ຂ້ອງ​ຢ່າງ​ເປັນ​ທາງ​ການ ເຖິງ​ອົງ­ການ​ອຸຍ​ແນ​ັສ​ໂກ ຄາດ​ວ່າ​ຈະ​ໄດ້​ຮັບ​ເປັນ​ມໍ­ລະ­ດົກ​ໂລກ​ໃນ​ປີ 2019 ດັ່ງ­ນັ້ນ ຈຶ່ງ​ຂໍ​ເຊີນ­ຊວນ​ພີ່­ນ້ອງ​ຊາວ​ລາວ​ທຸກ​ຖ້ວນ​ໜ້າ ແລະ ນັກ​ທ່ອງ​ທ່ຽວ​ຈາກ​ທົ່ວ​ໂລກ​ເຂົ້າ​ມາ​ທ່ອງ​ທ່ຽວ​ແຂວງ​ຊຽງ​ຂວາງ ກໍ່​ຄື ແຫຼ່ງ​ທ່ອງ​ທ່ຽວ​ທົ່ງ​ໄຫ​ຫີນ ຊາວ​ຊຽງ​ຂວາງ​ຍິນ​ດີ​ຕ້ອນ­ຮັບ​ບັນ­ດາ​ທ່ານ​ທີ່​ມາ​ສຳ­ຜັດ ແລະ ຢ້ຽມ­ຢາມ​ທ່ຽວ​ຊົມ​ຊຽງ​ຂວາງ​ດ້ວຍ​ຄວາມ​ພາກ­ພູມ​ໃຈ​ເປັນ​ຢ່າງ​ຍິ່ງ.

ຂໍ້ມູນຈາກ: ນສພ ວຽງຈັນໃຫ່ມ

loading…


Like it? Share with your friends!

0
2 shares
admin

0 Comments

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

This site uses Akismet to reduce spam. Learn how your comment data is processed.

ເລືອກຮູບແບບໂພດສ໌
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format