ປກສ ແຂວງຄຳມ່ວນ ເຜີຍແຜ່ເອກະສານສະພາບຊາຍແດນ ລາວ-ກຳປູເຈຍ


0
1 share

ກອງພັນປ້ອງກັນເຄື່ອນທີ່ ກອງບັນຊາການ ປກສ ແຂວງຄຳມ່ວນ ໄດ້ຈັດພິທີເຜີຍແຜ່ເອກະສານສະພາບຊາຍແດນ ລາວ-ກຳປູເຈຍ ຂຶ້ນໃນວັນທີ 7 ມິຖຸນາ 2018, ເຜີຍແຜ່ໂດຍ ພັທ ວັນ ຟອງວິຈິດ ຮັກສາການຫົວໜ້າກອງພັນປ້ອງກັນເຄື່ອນທີ່, ມີຮອງຫົວໜ້າກອງພັນ, ຄະນະກອງຮ້ອຍ, ຫົວໜ້າກອງຮ້ອຍ-ຮອງກອງຮ້ອຍ ແລະ ນາຍຕຳຫຼວດເຂົ້າຮ່ວມ.

ພັທ ວັນ ຟອງວິຈິດ ກ່າວວ່າ: ການເຜີຍແຜ່ເອກະສານສະພາບຊາຍແດນ ລາວ-ກໍາປູເຈຍ ຄັ້ງນີ້ ເພື່ອເຮັດໃຫ້ພະນັກງານຫຼັກແຫຼ່ງນຳພາ-ຄຸ້ມຄອງຂອງກໍາລັງ ປກສ ກອງບັນຊາການ ປກສ ແຂວງຄໍາມ່ວນ ເວົ້າສະເພາະກໍແມ່ນພະນັກງານ-ນັກຮົບອ້ອມຂ້າງກອງພັນປ້ອງກັນເຄື່ອນທີ່ ໄດ້ຮັບຮູ້ຄວາມເປັນມາທາງດ້ານປະຫວັດສາດ ລະຫວ່າງ ລາວ-ກຳປູເຈຍ ນັບແຕ່ໄລຍະປົດປ່ອຍຊາດ ເພື່ອເປັນຄວາມເອກະລາດຈົນເຖິງປັດຈຸບັນ ເຊິ່ງໃນປີ 1995 ລັດຖະບານສອງປະເທດ ໄດ້ຕົກລົງກັນເຫັນດີໃຫ້ມີການສຳຫຼວດ ແລະ ປັກຫຼັກໝາຍຊາຍແດນຮ່ວມກັນ ໂດຍອີງໃສ່ 4 ຫຼັກການພື້ນຖານ ຄື: 1. ພື້ນຖານຮັບຮູ້ເຂດແດນຕິດຈອດກັນ, ເຂດແດນທີ່ມີມາແຕ່ຕອນຕົກເປັນຫົວເມືອງຂຶ້ນ ໂດຍອີງຕາມແຜນທີ່ 1/100,000 ແລະ ແຜນທີ່ອື່ນໆທີ່ກ່ຽວຂ້ອງທີ່ໄດ້ຈັດພິມອອກແຕ່ປີ 1933-1953 ໂດຍພະແນກແຜນທີ່ອິນດູຈີນ; 2. ບົນພື້ນຖານຫຼັກການຕ່າງໆທີ່ສາກົນຮັບຮູ້ກ່ຽວກັບການຂີດເສັ້ນຊາຍແດນ; 3. ບົນພື້ນຖານທີ່ຄຳນຶງເຖິງປະຊາຊົນຄຸ້ມຄອງຕົວຈິງທີ່ສືບທອດກັນມາຫຼາຍເຊັ່ນຄົນ ແລະ 4. ບົນພື້ນຖານຄວາມສະເໝີພາບ, ທ່ຽງທຳສົມເຫດສົມຜົນ, ຜ່ອນສັ້ນຜ່ອນຍາວໃຫ້ກັນ, ເຄົາລົບສິດຜົນປະໂຫຍດຕໍ່ກັນ ແລະ ເປັນເອກະພາບຢ່າງສົມບູນ.

ປັດຈຸບັນ, ສະພາບການສຳຫຼວດບໍລິເວນຫຼັກຊາຍແດນ ແລະ ບັນຫາທີ່ເກີດຂຶ້ນທີ່ພົວພັນເຖິງຊາຍແດນແມ່ນມີຄວາມຫຍຸ້ງຍາກ ແລະ ໄດ້ສົ່ງຜົນສະທ້ອນໃນການຕົກລົງການປັກຫຼັກເຂດຊາຍແດນທີ່ສອງຫຼັກໝາຍ ເພື່ອເຮັດໃຫ້ມີຄວາມຈະແຈ້ງ ແລະ ຊັດເຈນຂຶ້ນກວ່າເກົ່າ. ລັດຖະບານທັງສອງຝ່າຍເຫັນດີ ບູລະນະລະບົບຫຼັກຊາຍແດນໃນປີ 2008 ແລະ ສຳເລັດໃນປີ 2016 ລວມມີຫຼັກໝາຍທັງໝົດ 1,002 ຫຼັກໝາຍ ແກ້ງຕໍມໍຄອຍ-ຫ້ວຍຕະເງົາ ໂດຍເລີ່ມມາແຕ່ໃນເດືອນກຸມພາ ປີ 2017 ເຊິ່ງຝ່າຍລາວໄດ້ກວດເຫັນການກໍ່ສ້າງເສັ້ນທາງຂອງຝ່າຍກຳປູເຈຍຢູ່ບໍລິເວນດັ່ງກ່າວ, ຝ່າຍລາວໄດ້ສົ່ງໜັງສືທັກທ້ວງ ແລະ ໄດ້ພົບປະຫາລືກັນແຕ່ລະດັບທ້ອງຖິ່ນຫາສູນກາງ ແລະ ຜ່ານກົນໄກການຮ່ວມມືຕ່າງໆ ເພື່ອສະເໜີໃຫ້ຝ່າຍກຳປູເຈຍຢຸດຕິການກໍ່ສ້າງເສັ້ນທາງດັ່ງກ່າວ ແລະ ຖອນກຳລັງອອກຈາກບໍລິເວນນັ້ນ ເພື່ອຮັກສາສະພາບເດີມໄວ້ຈົນກວ່າຈະສຳເລັດການສຳຫຼວດ ແລະ ປັກຫຼັກໝາຍຊາຍແດນການແກ້ໄຂບັນຫາເຂດຊາຍແດນ ຖືວ່າເປັນຄວາມລະອຽດອ່ອນ, ຫຼ່ໍແຫຼມ, ທ້າທ້າຍ ທັງເປັນການທົດສອບຕໍ່ຄວາມທໍລະຫົດອົດທົນໃນການຮັກສາຜົນປະໂຫຍດຂອງຊາດ ເພື່ອຊອກຫາວິທີການແກ້ໄຂຕາມແນວທາງນະໂຍບາຍຂອງພັກ, ເພື່ອຫຼີກລ່ຽງການປະທະກັນດ້ວຍອາວຸດ, ບໍ່ໃຊ້ຄວາມຮຸນແຮງແຂງກະດ້າງ, ບໍ່ໃຊ້ກຳລັງປະກອບອາວຸດ ເພາະມັນຈະເຮັດໃຫ້ເກີດຄວາມສູນເສຍທີ່ໃຫຍ່ຫຼວງ ບໍ່ວ່າຈະເປັນຊີວິດຂອງຄົນ, ຊັບສິນ, ງົບປະມານ, ບົດບາດຕໍ່ສາກົນ ແລະ ພາກພື້ນ ໂດຍຄົ້ນຄວ້າຊອກຫາວິທີທາງເພື່ອດຳເນີນການແກ້ໄຂຮ່ວມກັນ ຕາມຫຼັກການທີ່ສອງຝ່າຍໄດ້ເຫັນດີຕົກລົງກັນຈົນກວ່າເຂດຄົງຄ້າງ ຈະໄດ້ຮັບການສຳຫຼວດ ແລະ ປັກຫຼັກໝາຍຢ່າງຖາວອນ.


Like it? Share with your friends!

0
1 share
admin

0 Comments

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

This site uses Akismet to reduce spam. Learn how your comment data is processed.

ເລືອກຮູບແບບໂພດສ໌
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format