ວິເຄາະກຸ່ມ E ໃນການແຂ່ງຂັນບານໂລກ 2018

1 min


0
1 share

ສື່ກິລາຕ່າງປະເທດລາຍງານ ໃນວັນທີ 11 ມິຖຸນາ ຜ່ານມາວ່າ: ເຮົາມາເບິ່ງກັນຕໍ່ທີ່ກຸ່ມອີ ເຊິ່ງກຸ່ມນີ້ມີເຕັງແຊັມບານໂລກໃນຄັ້ງນີ້ຢູ່ນຳ, ພວກເຂົາກຽມແກ້ແຄ້ນຫຼັງຈາກທີ່ຜິດຫວັງຢ່າງໜັກໃນບານໂລກຄັ້ງຜ່ານມາ ທີ່ພວກເຂົາເປັນເຈົ້າພາບ ຂະນະທີ່ອີກທັງສາມທີມມີລຸ້ນເປັນທີ່ສອງຂອງສາຍຢ່າງສູສີ, ເຮົາມາເບິ່ງກັນເລີຍວ່າມີທີມໃດແດ່.

1. ເບຼຊິນ:

ຄວາມຜິດຫວັງທີ່ເກັບສະສົມຈາກຄັ້ງຜ່ານມາ, ເບຼຊິນ ກຽມຈະມາແກ້ແຄ້ນໃນບານໂລກຄັ້ງນີ້ ໂດຍເຈົ້າຂອງແຊັມບານໂລກ 5 ສະໄໝນີ້ ຜ່ານເຂົ້າມາຮອບສຸດທ້າຍດ້ວຍການເປັນອັນດັບ 1 ໃນຮອບຄັດເລືອກໂຊກອາເມລິກາໃຕ້ ໂດຍມີແຕ້ມຫ່າງອັນດັບ 2 ເຖິງ 10 ແຕ້ມ, ຍິງໄປເຖິງ 41 ປະຕູ ແລະ ດ້ວຍຊະນະລວດໃນນັດອຸ່ນເຄື່ອງ ເຮັດໃຫ້ພວກເຂົາກາຍເປັນເຕັງແຊັມບານໂລກໃນຄັ້ງນີ້. ການຈັດມາຢູ່ໃນສາຍທີ່ບໍ່ຍາກຫຼາຍ, ຖ້າບໍ່ມີຫຍັງຜິດພາດ ພວກເຂົາກຽມຂຶ້ນເປັນທີໜຶ່ງຂອງສາຍ ແລະ ກຽມເຂົ້າຮອບເລິກໆໄດ້ເລີຍ ເຊິ່ງມີໂອກາດເຂົ້າຮອບເຖິງ 90%.

ຕົວເດັ່ນຂອງທີມ: ເນມາ ເຈົ້າຂອງຄ່າຕົວສະຖິຕິໂລກ ເປັນເຕັງສອງຂອງລາຍງານທີ່ຈະຄວ້າລາງວັນເກີບຄຳ ໃນບານໂລກຄັ້ງນີ້ ແລະ ຖ້າລາວພາເບຼຊິນຄວ້າແຊັມ ລາວກໍມີສິດເຂົ້າໄປລຸ້ນລາງວັນ ບັນລົງດໍ ກັບ ເມັດຊີ ແລະ ໂຣນານໂດ ແນ່ນອນ.

2. ສະວິດ:

ຜ່ານເຂົ້າຮອບສຸດທ້າຍດ້ວຍການເພຼອັອບ ຊະນະ ອຽກລັງເໜືອ, ພວກເຂົາມີກຳລັງທີ່ແຂງແກ່ນພໍສົມຄວນ ໂດຍມີນັກເຕະຊື່ດັງຢ່າງ ເຊີດານ ຊາກິຣີ, ກຣານິດ ຊາຄາ ແລະ ຣິກາໂດ້ ໂຣດຣິເກສ. ໜ້າເສຍດາຍທີ່ພວກເຂົາເສຍໃຫ້ ໂປໂລຍ ໃນການດວນຈຸດໂທດ ຕົກຮອບ 16 ທີມ ໃນບານເຕະເອີຣົບທີ່ຜ່ານມາ ແລະ ສຳລັບບານໂລກ ພວກເຂົາກໍມັກຈະຕົກຮອບ 16 ທີມສະເໝີ ມາຕັ້ງແຕ່ປີ 1954 ແລ້ວ. ດ້ານລູກທີມຂອງ ວະລາດິມີ ເພັດໂກວິສ ກໍຫວັງຈະຜ່ານຮອບ 16 ທີມໃຫ້ໄດ້ ແຕ່ອາດຈະຕ້ອງລຸ້ນທີ 2 ໃນກຸ່ມ ກັບ ແຊັກບີ ທີມເກັ່ງໃນເອີຣົບເຊັ່ນກັນ ເຊິ່ງ ສະວິດ ກໍມີໂອກາດເຂົ້າຮອບຢູ່ທີ່ 50%.

ຕົວເດັ່ນຂອງທີມ: ກຣານິດ ຊາຄາ ນັກເຕະກອງກາງຈາກ ອາເຊນໍ ກຽມຄຸມທີມໃນແດນກາງ ສ່ວນແນວບຸກຕ້ອງຝາກຄວາມຫວັງໄວ້ທີ່ ເຊີດານ ຊາກິຣີ ນັກເຕະຕົວບຸກຈາກ ສະໂຕຣກ ຊິຕີ.

3. ຄອສຕາຣິກາ:

ອີກໜຶ່ງທີມທີ່ສ້າງເຊີໄພຣ ກຽມມາລຸຍບານໂລກຄັ້ງທີ 5, ພວກເຂົາຈົບອັນດັບທີສອງ ໃນໂຊນອາເມລິກາເໜືອ ເປັນຮອງ ເມັກຊິກ. ໃນ 4 ປີກ່ອນ ໃນບານໂລກ, ຄອສຕາຣິກາ ເປັນທີມເດັ່ນທີ່ຜ່ານເຂົ້າສູ່ຮອບ 8 ທີມສຸດທ້າຍ ແຕ່ເສຍໃຫ້ ໂຮນລັງ ໃນການດວນຈຸດໂທດ. ບານໂລກຄັ້ງນີ້ ຖືເປັນຄັ້ງທີ 3 ທີ່ພວກເຂົາຖືກຈັດມາຢູ່ໃນສາຍດຽວກັບ ເບຼຊິນ ແລະ ແນ່ນອນວ່າ ຖືກຈັດເປັນທີມອ່ອນສຸດໃນສາຍ ເນື່ອງຈາກປະສິດທິພາບຍັງສູ້ທີມທີ່ເຫຼືອບໍ່ໄດ້ ພ້ອມນັ້ນໃນຊ່ວງອຸ່ນເຄື່ອງ ພວກເຂົາກໍຫຼິ້ນໄດ້ບໍ່ດີ ເສຍເຖິງ 3 ນັດຕິດຕໍ່ກັນ, ການຈະລຸ້ນເຂົ້າຮອບ 16 ທີມນັ້ນ ຍ່ອມຍາກລຳບາກຫຼາຍ ແລະ ມີໂອກາດພຽງ 30% ເທົ່ານັ້ນ.

ຕົວເດັ່ນຂອງທີມ: ເກເລີ ນາວາສ ຜູ້ຮັກສາປະຕູ ທີ່ພາທີມ ເຣອານ ມາດຣິດ ຄວ້າແຊັມ ຢູຟ່າ ແຊັມປຽນລີກ 3 ສະໄໝຕິດຕໍ່ກັນ ເປັນນັກເຕະທີ່ໜ້າຈະມີຊື່ສຽງທີ່ສຸດໃນບັນດາ 23 ນັກເຕະຂອງທີມ.

4. ແຊກບີ:

ກຽມແຂ່ງບານໂລກເປັນຄັ້ງທີ 12 ຂອງພວກເຂົາ, ແຊກບີ ເຮັດໄດ້ດີທີ່ສຸດຄືຮອບ 8 ທີມສຸດທ້າຍ ແຕ່ຕ້ອງຢ້ອນກັບໄປໃນປີ 1930 ແລະ 1962. ແນວໃດກໍຕາມ, ພວກເຂົາຍັງບໍ່ເຄີຍຜ່ານຮອບແບ່ງກຸ່ມເລີຍ ນັບຕັ້ງແຕ່ປີ 1998, ບານໂລກຄັ້ງນີ້ ຖືວ່າມີໂອກາດຢູ່ຫຼາຍທີ່ຈະຜ່ານເຂົ້າຮອບໃຫ້ໄດ້. ດ້ວຍຟອມການຫຼິ້ນອັນໂດດເດັ່ນ ຜ່ານເຂົ້າຮອບມາເປັນຜູ້ນຳຂອງກຸ່ມດີ ໃນຮອບຄັດເລືອກ ພ້ອມນັ້ນຊ່ວງອຸ່ນເຄື່ອງກໍໂຊຟອມເກັ່ງ ເອົາຊະນະ ໂບລິເວຍ 5-0 ປະຕູ ເຊິ່ງໜ້າຈະເພີ່ມຄວາມໝັ້ນໃຈໄດ້ເປັນຢ່າງດີ. ການຖືກຈັດມາຢູ່ໃນສາຍທີ່ພໍຈະລຸ້ນເຂົ້າທີສອງໄດ້ ເຮັດໃຫ້ໂອກາດເຂົ້າຮອບມີຫຼາຍກວ່າ ສະວິດ ແລະ ຄອສຕາຣິກາ ເຖິງ 55%.

ຕົວເດັ່ນຂອງທີມ: ແຊກບີ ມີແນວຮັບອັນແຂງແກ່ນ ປະກອບໄປດ້ວຍນັກເຕະຂື່ດັງເຊັ່ນ ເນມານຢ່າ ມາຕິສ ນັກເຕະກອງກາງຈາກ ແມນເຊັສເຕີ ຢູໄນເຕັດ ແລະ ອາເລັກຊານເດີ ໂຄລາຣອບ ຕົວເກັ່ງຈາກ ໂຣມາ.

ໂຄສະນາ


Like it? Share with your friends!

0
1 share
admin

0 Comments

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

This site uses Akismet to reduce spam. Learn how your comment data is processed.

ເລືອກຮູບແບບໂພດສ໌
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format