ເອົາງ້າວຟັນ ຍ້ອນຖືກທ້າທາຍ ແລ້ວເຂົ້າມອບຕົວ

1 min


0
1 share

ທ້າວ ໝາຍ ຫຼື ໄນ ອາຍຸ 21 ຢູ່ບ້ານໂພລົມ ເມືອງຄຳເກີດ ແຂວງບໍລິຄຳໄຊ ໄດ້ເຂົ້າມອບຕົວກັບ ເຈົ້າໜ້າທີ່ພະແນກຕໍາຫຼວດສືບສວນ-ສອບສວນ ປກສ ແຂວງອຸດົມໄຊ ໃນວັນທີ 4 ມິຖຸນາ 2017 ພາຍຫຼັງກໍ່ເຫດເອົາງ້າວຍາວ 80 ກວ່າຊັງຕີແມັດ ຟັນໃສ່ຕົນຕົວຄູ່ກໍລະນີ ໃນຂະນະກໍາລັງນັ່ງດື່ມເບຍຢູ່ຕະຫຼາດກາງຄືນ ຢູ່ເມືອງໄຊ ໂດຍອ້າງວ່າຢາກສັ່ງສອນທີ່ທ້າທາຍ.

ພະແນກຕໍາຫຼວດສືບສວນ-ສອບສວນ ປກສ ແຂວງອຸດົມໄຊ ໃຫ້ຮູ້ວ່າ: ພາຍຫຼັງໄດ້ຮັບລາຍງານຈາກປະຊາຊົນວ່າ ໃນເວລາ 22 ໂມງ ຂອງວັນທີ 3 ມິຖຸນາ 2018 ຢູ່ທີ່ຕະຫຼາດກາງຄືນ ແຂວງອຸດົມໄຊ ມີໄວລຸ້ນໃຊ້ງ້າວຟັນກັນຈົນໄດ້ຮັບບາດເຈັບສາຫັດ. ຈາກນັ້ນ, ຈຶ່ງນໍາກໍາລັງວິຊາສະເພາະໄປຈຸດເກີດເຫດ ພົບເຫັນຜູ້ໄດ້ຮັບບາດເຈັບສາຫັດ ຊື່ ທ້າວ ຄຳຫຼ້າ ອາຍຸ 45 ປີ ອາຊີບຕີຄຳ ຢູ່ບ້ານດອນໄຊ ເມືອງໄຊ ແຂວງອຸດົມໄຊ, ພົບບາດແຜຕາມຕົນຕົວ, ຖືກຂອງມີຄົມຢູ່ມື, ແຂນ, ໃບໜ້າ, ຫູ ແລະ ຂາຂອງຜູ້ກ່ຽວຈຳນວນຫຼາຍບາດ. ຈາກນັ້ນ, ໄດ້ປະສານພາກສ່ວນທີ່ກ່ຽວຂ້ອງນໍາສົ່ງໄປໂຮງໝໍ. ວັນຕໍ່ມາຜູ້ກໍເຫດຄື ທ້າວ ໝາຍ ໄດ້ເຂົ້າມາມອບຕົວກັບເຈົ້າໜ້າທີ່ ເພື່ອຮັບໂທດຕາມກົດໝາຍ.

ຜ່ານການສອບສວນ ທ້າວ ໝາຍ ຫຼື ໄນ (ຜູ້ກໍ່ເຫດ) ສາລະພາບວ່າ: ໃນເວລາ 19 ໂມງ ຂອງວັນທີ 3 ມິຖຸນາ 2018 ຕົນເອງ ແລະ ແຟນສາວ ໄດ້ພາກັນໄປດື່ມເບຍຢູ່ຮ້ານກິນດື່ມ ເຂດບ້ານນາແລ ເທດສະບານແຂວງ, ເວລາທີທັງສອງໄດ້ດື່ມເບຍຢູ່ນັ້ນ, ທ້າວ ຄຳຫຼ້າ ໄດ້ຂັບຂີ່ລົດກະບະມາຈອດແລ້ວຍ່າງເຂົ້າມາຫາຕົນເອງ ແລະ ແຟນສາວ ແລ້ວໄດ້ເວົ້າທັກທາຍສະບາຍດີ ເພາະ ທ້າວ ຄໍາຫຼ້າ ເຫັນໜ້າ ທ້າວ ໝາຍ ຢູ່ໂທລະສັບຄົນໃນຄອບຄົວ. ໃນລະຫວ່າງລົມກັນນັ້ນ, ທັງສອງແມ່ນມີປາກສຽງກັນ ແລ້ວ ທ້າວ ຄໍາຫຼ້າ ເຄີຍເວົ້າວ່າ: ຖ້າແມ່ນຜູ້ອື່ນມຶງເຈັບຕົວແຕ່ດົນແລ້ວ ແລະ ທ້າວ ຄຳຫຼ້າ ຍັງເອົາແຂນສອກຕີໃສ່ຫົວ ທ້າວ ໝາຍ ຈຳນວນ 2 ບາດ. ຈາກນັ້ນ, ທ້າວ ໝາຍ ພ້ອມແຟນສາວ ຈຶ່ງອອກຈາກຮ້ານດັ່ງກ່າວໄປບ່ອນເຮັດວຽກ ພໍໄປຮອດໄດ້ປະມານ 10-20 ນາທີ. ດ້ວຍຄວາມຮູ້ສຶກຄິດລະອາຍທີ່ ທ້າວ ຄໍາຫຼ້າ ເອົາສອກຕີໃສ່ຕໍ່ໜ້າຕໍ່ຕາແຟນສາວຕົນເອງ, ຈຶ່ງຄິດຢາກແກ້ແຄ້ນ, ຕົນເອງຈຶ່ງເຂົ້າໄປໃນຫ້ອງນອນ ຈັບເອົາງ້າວ ຍາວ 82 ຊັງຕີແມັດ ແລ້ວຂັບຂີ່ລົດຈັກອອກໄປຊອກຫາ ທ້າວ ຄຳຫຼ້າ. ພໍຂັບຂີ່ໄປຮອດຕະຫຼາດກາງຄືນ ພົບເຫັນ ທ້າວ ຄຳຫຼ້າ ກຳລັງດື່ມເບຍກັບຜູ້ຍິງ 2 ຄົນ. ຕົນເອງຈຶ່ງຈອດລົດຈັກແລ້ວຖືດາບຢ່າງເຂົ້າໄປຫາ ທ້າວ ຄຳຫຼ້າ, ແລ້ວຖາມ ທ້າວຄໍາຫຼ້າ ວ່າ: ຈະເອົາແບບໃດແທ້. ໃນຂະນະນັ້ນ, ທ້າວ ຄຳຫຼ້າ ໄດ້ລຸກຂຶ້ນຈາກໂຕະ ບໍ່ຖາມຫຍັງແລ້ວຍື່ນແຂນໃຫ້ຟັນ, ດ້ວຍຄວາມໂມໂຫ ຈຶ່ງເອົາງ້າວທີ່ຖືມາຟັນໃສ່ມື, ແຂນ, ໃບໜ້າ, ຫູ ແລະ ຂາ ຂອງ ທ້າວ ຄໍາຫຼ້າ ຈໍານວນຫຼາຍບາດ. ຈາກນັ້ນ, ກໍບອກ ທ້າວ ຄຳຫຼ້າ ໃຫ້ຮູ້ວ່າ: ນີ້ເປັນພຽງການສັ່ງສອນ ແລະ ແກ້ແຄ້ນໃຫ້ເຂັດຫຼາບ ຢ່າຫຍຸ້ງກ່ຽວກັນອີກ. ພາຍຫຼັງກໍ່ເຫດ, ວັນຕໍ່ມາກໍເຂົ້າມອບຕົວກັບເຈົ້າໜ້າທີ່ຕຳຫຼວດ ປກສ ແຂວງອຸດົມໄຊ.

ທ້າວ ໝາຍ ຫຼື ໄນ ຍັງໄດ້ໃຫ້ການຕໍ່ເຈົ້າໜ້າທີ່ວ່າ: ຜ່ານມາທັງສອງບໍ່ເຄີຍຜິດຖຽງກັນມາກ່ອນ ແລະ ຜູ້ຖືກຫາເຄີຍຖືກສານຕັດສິນມາແລ້ວ 1 ຄັ້ງ ໃນປີ 2012 ຂໍ້ຫາລັກຊັບພົນລະເມືອງ. ສ່ວນ ທ້າວ ຄຳຫຼ້າ ປັດຈຸບັນອາການເລີ່ມດີຂຶ້ນ ແລະ ພົ້ນຂີດອັນຕະລາຍແລ້ວ.

ໂຄສະນາ


Like it? Share with your friends!

0
1 share
admin

0 Comments

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

This site uses Akismet to reduce spam. Learn how your comment data is processed.

ເລືອກຮູບແບບໂພດສ໌
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format