ການສ້າງກົດໝາຍ-ນິຕິກຳໃຕ້ກົດໝາຍ ຕ້ອງມີການປະສານງານຢ່າງກົມກຽວ ເພື່ອຄວາມວ່ອງໄວ

1 min


0
2 shares

ໃນມື້ທີ 3 ຂອງການດຳເນີນກອງປະຊຸມສະໄໝສາມັນ ເທື່ອທີ 5 ຂອງສະພາແຫ່ງຊາດ ຊຸດທີ VIII ເຊິ່ງເປັນປະທານໂດຍ ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ໃນວັນທີ 7 ມິຖຸນານີ້, ບັນດາສະມາຊິກສະພາແຫ່ງຊາດ ໄດ້ຮັບຟັງບົດລາຍງານຂອງລັດຖະບານ ກ່ຽວກັບການຈັດຕັ້ງຜັນຂະຫຍາຍກົດໝາຍເປັນນິຕິກຳໃຕ້ກົດໝາຍ ທີ່ສະເໜີໂດຍ ທ່ານ ໄຊສີ ສັນຕິວົງ ລັດຖະມົນຕີກະຊວງຍຸຕິທຳ. ໂດຍມີບາງເນື້ອ ໃນທ່ານລາຍງານວ່າ: ການປັບປຸງກົນໄກໃນການສ້າງກົດໝາຍ ແລະ ນິຕິກຳໃຕ້ກົດໝາຍຕ້ອງມີການປະສານງານກັນຢ່າງກົມກຽວຂອງບັນດາພາກສ່ວນທີ່ກ່ຽວຂ້ອງ, ມີການຈັດຕັ້ງຝຶກອົບຮົມໃຫ້ພະນັກງານ ເພື່ອເຮັດໃຫ້ການຜັນຂະຫຍາຍມີຄວາມວ່ອງໄວ ແລະ ມີປະສິດທິພາບ.

ທ່ານລັດຖະມົນຕີກະຊວງຍຸຕິທຳ ໄດ້ຕາງໜ້າໃຫ້ລັດຖະບານລາຍງານຕໍ່ກອງປະຊຸມວ່າ: ໃນກອງປະຊຸມສະໄໝສາມັນ ເທື່ອທີ 2 ຂອງສະພາແຫ່ງຊາດ ຊຸດທີ VIII ໄດ້ມີມະຕິສະບັບເລກທີ 018/ສພຊ, ລົງວັນທີ 28 ພະຈິກ 2016 ວ່າດ້ວຍການຮັບຮອງເອົາແຜນການຕິດຕາມກວດກາ ກ່ຽວກັບການອອກນິຕິກຳໃຕ້ກົດໝາຍ; ເຊິ່ງມະຕິດັ່ງກ່າວໄດ້ຕີລາຄາຄວາມພະຍາຍາມຂອງລັດຖະບານທີ່ໄດ້ເອົາໃຈໃສ່ຄົ້ນຄວ້າ ແລະ ອອກນິຕິກຳໃຕ້ກົດໝາຍເຂົ້າສູ່ຊີວິດຕົວຈິງໃນຂົງເຂດການປົກຄອງ ແລະ ຍຸຕິທຳ, ການປ້ອງກັນຊາດ-ປ້ອງກັນຄວາມສະຫງົບ, ເສດຖະກິດ ແລະ ວັດທະນະທຳ-ສັງຄົມ ໄດ້ 243 ມາດຕາ ໃນຈຳນວນທັງໝົດ 515 ມາດຕາຂອງກົດໝາຍ. ຜ່ານການຈັດຕັ້ງປະຕິບັດເນື້ອໃນມະຕິດັ່ງກ່າວ ກ່ຽວກັບການຈັດຕັ້ງຜັນຂະຫຍາຍກົດໝາຍເປັນນິຕິກຳໃຕ້ກົດໝາຍມີຜົນສຳເລັດນັ້ນ, ລັດຖະບານ, ບັນດາກະຊວງ ແລະ ອົງການທຽບເທົ່າ ແລະ ອຳນາດການປົກຄອງທ້ອງຖິ່ນໄດ້ປະຕິບັດຢ່າງເປັນເຈົ້າການ. ໂດຍສະເພາະບັນດາກະຊວງ ແລະ ອົງການທຽບເທົ່າໄດ້ພ້ອມກັນຈັດຕັ້ງຜັນຂະຫຍາຍບັນດາມາດຕາຂອງກົດໝາຍທີ່ໄດ້ກຳນົດໃນມະຕິຂອງສະພາແຫ່ງຊາດ ລວມທັງໝົດ 321 ມາດຕາ ໃນນີ້ໄດ້ຜັນຂະຫຍາຍເປັນນິຕິກຳໃຕ້ກົດໝາຍ ແລະ ປະກາດໃຊ້ແລ້ວ ມີ 57 ມາດຕາ ເທົ່າກັບ 17,75% ແລະ ຍັງອີກ 49 ມາດຕາ ເທົ່າກັບ 15,26% ບໍ່ທັນໄດ້ຜັນຂະຫຍາຍ.

ແນວໃດກໍຕາມ, ການຈັດຕັ້ງຜັນຂະຫຍາຍກົດໝາຍເປັນນິຕິກຳໃຕ້ກົດໝາຍຂອງບັນດາກະຊວງ ແລະ ອົງການທຽບເທົ່າ ກໍຍັງພົບກັບຫຼາຍຂໍ້ຄົງຄ້າງ ເຊັ່ນ: ການບຳລຸງຍົກລະດັບໃຫ້ພະນັກງານວິຊາການທີ່ຮັບຜິດຊອບວຽກງານການສ້າງ ແລະ ປັບປຸງນິຕິກຳຍັງບໍ່ທັນໄດ້ເຮັດເປັນລະບົບຕໍ່ເນື່ອງ ຈຶ່ງເຮັດໃຫ້ຄວາມຮູ້ຄວາມສາມາດ, ບົດຮຽນໃນການສ້າງ ແລະ ປັບປຸງນິຕິກຳຂອງພະນັກງານຍັງຈຳກັດ. ດັ່ງນັ້ນ, ຜ່ານການປະຕິບັດຄັ້ງນີ້ ຈຶ່ງມີບົດຮຽນທີ່ຖອດຖອນໄດ້ວ່າ: ການປັບປຸງກົນໄກໃນການສ້າງກົດໝາຍ ແລະ ນິຕິກຳໃຕ້ກົດໝາຍຕ້ອງໄດ້ມີການປະສານງານກັນຢ່າງກົມກຽວຂອງບັນດາພາກສ່ວນທີ່ກ່ຽວຂ້ອງ, ພ້ອມທັງຈັດຕັ້ງຝຶກອົບຮົມໃຫ້ພະນັກງານທີ່ຈະເຮັດວຽກງານນີ້ ເຊິ່ງຈະເຮັດໃຫ້ການສ້າງກົດໝາຍ ແລະ ການຜັນຈະຫຍາຍກົດໝາຍເປັນນິຕິກຳໃຕ້ກົດໝາຍມີຄວາມວ່ອງໄວ ແລະ ມີປະສິດທິພາບ.

ໂຄສະນາ


Like it? Share with your friends!

0
2 shares
admin

0 Comments

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

This site uses Akismet to reduce spam. Learn how your comment data is processed.

ເລືອກຮູບແບບໂພດສ໌
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format