ຈັບເປົ້າໝາຍນັດຊື້-ຂາຍຢາເສບຕິດ ພ້ອມຢາບ້າ 2.000 ກວ່າເມັດ


0
3 shares

ສະພາບຄ້າຂາຍຢາເສບຕິດ ໂດຍສະເພາະຢາບ້າເປັນປະກົດການຫຍໍ້ທໍ້ທີ່ພົ້ນເດັ່ນ ເຖິງວ່າເຈົ້າໜ້າທີ່ ປກສ ເອົາໃຈໃສ່ ສະກັດກັ້ນ ແລະ ປາບປາມ ແຕ່ກໍຍັງມີກຸ່ມຄົນບໍ່ດີຈຳນວນໜຶ່ງສືບຕໍ່ເຄື່ອນໄຫວຊື້-ຂາຍຢາບ້າ, ເຊິ່ງໄລຍະຜ່ານມາ ການຈັບພວກລັກລອບຄ້າຂາຍຢາເສບຕິດຂອງເຈົ້າໜ້າທີ່ສ່ວນຫຼາຍຈັບໄດ້ ແຕ່ພວກຕົກເປັນທາດຂອງຢາເສບຕິດ ເຊັ່ນ: ຜູ້ຄ້າຂາຍລາຍຍ່ອຍ ແລະ ຜູ້ເສບ. ຈາກຄວາມພະຍາຍາມໃນການແກ້ໄຂບັນຫາດັ່ງກ່າວນີ້, ໃນທ້າຍເດືອນພຶດ ສະພາ ຜ່ານມາ ເຈົ້າໜ້າທີ່ກອງບັນຊາການ ປກສ ເມືອງໄຊທານີ ສາມາດມ້າງເປົ້າໝາຍທີ່ມາເຄື່ອນໄຫວ ນັດຊື້-ຂາຍ ຢາບ້າຢູ່ເຂດບ້ານຫ້ວຍຫົງ ເມືອງຈັນທະບູລີ ນະຄອນຫຼວງວຽງຈັນ ໄດ້ 2 ຄົນ ພ້ອມຂອງກາງຢາບ້າ 2.389 ເມັດ ໄປດຳເນີນຄະດີ.

ເຈົ້າໜ້າທີ່ ປກສ ເມືອງໄຊທານີ ໃຫ້ຮູ້ວ່າ: ໃນວັນທີ 22 ພຶດສະພາ 2018 ໄດ້ລົງແກ້ໄຂເປົ້າໝາຍເຄື່ອນໄຫວຄ້າ ຂາຍຢາເສບຕິດ ຢູ່ເຂດບ້ານຫ້ວຍຫົງ ເມືອງຈັນທະບູລີ ນະຄອນຫຼວງວຽງຈັນ ສາມາດກັກຕົວຜູ້ຖືກຫາໄດ້ 2 ຄົນ ຊື່ ທ້າວ ໂອເລ້ ຫຼື ເລ້ ອາຍຸ 42 ປີ ຢູ່ເຂດບ້ານດົງໂພສີ ເມືອງຫາດຊາຍຟອງ ແລະ ນາງ ຫວັນ ອາຍຸ 44 ປີ ຢູ່ບ້ານ ລາດຄວາຍ ເມືອງໄຊທານີ ນະຄອນຫຼວງວຽງຈັນ ພ້ອມຢາບ້າ 2.389 ເມັດ ແລະ ປືນສັ້ນດັດແປງ 1 ກະບອກ. ໃນຂະນະທີ່ນັດຊື້-ຂາຍໃຫ້ກັນຢູ່ບ້ານຫ້ວຍຫົງ. ຈາກນັ້ນ, ຂະຫຍາຍຜົນຫາຜູ້ຮ່ວມຂະບວນການນຳກັນອີກຄົນ 1 ຊື່ທ້າວ ແອ ອາຍຸ 30 ປີ ຢູ່ບ້ານລາດຄວາຍ ເມືອງໄຊທານີ ນະຄອນຫຼວງວຽງຈັນ ໄປດຳເນີນຄະດີ.

ຜ່ານການສອບສວນ ທ້າວ ໂອເລ້ ສາລະ ພາບວ່າ: ຜູ້ກ່ຽວເລີ່ມເສບຢາບ້າມາແຕ່ປີ 2016, ເສບມື້ລະ 2-3 ເມັດ, ຢາບ້າທີ່ນຳມາເສບແມ່ນຊື້ນຳໄວລຸ້ນມົ້ວສຸມຢາເສບຕິດຢູ່ພາຍໃນບ້ານ. ມາປີ 2017 ເລີ່ມເຄື່ອນໄຫວຄ້າຂາຍຢາບ້າ ໂດຍໄປຊື້ຢູ່ບ້ານດອນນົກຂຸ້ມ ເມືອງສີສັດຕະນາກ ນະຄອນຫຼວງວຽງຈັນ ຜ່ານມາເຄີຍຊື້ຫຼາຍຄັ້ງ ຄັ້ງລະ 2.000 ເມັດ ພາຍຫຼັງໄດ້ຢາບ້າມາ ແລ້ວກໍນຳມາເສບຈຳນວນໜຶ່ງ, ສ່ວນທີ່ເຫຼືອແມ່ນນຳໄປຂາຍໃຫ້ກັບ ນາງ ຫວັນ ແລະ ໄວ ລຸ້ນມົ້ວສຸມຢາບ້າຢູ່ພາຍໃນບ້ານ. ມາວັນທີ 20 ພຶດສະພາ 2018 ຜູ້ກ່ຽວໄດ້ໄປຊື້ຢາບ້າ ຈຳນວນ 2.400 ເມັດ ແລ້ວນຳໄປຂາຍໃຫ້ໝູ່ທີ່ເສບ ຈຳນວນ 10 ເມັດ ແລະ ເສບເອງ 1 ເມັດ. ມາວັນ ທີ 22 ພຶດສະພາ 2018 ໄດ້ນຳ ເອົາຢາບ້າໄປສົ່ງ ນາງ ຫວັນ ຈຳນວນ 1.000 ເມັດ ຢູ່ເຂດເສັ້ນ ທາງບ້ານຫ້ວຍຫົງ ເມືອງຈັນທະບູລີ ພໍໄປຮອດ ກໍຖືກເຈົ້າໜ້າທີ່ກັກຕົວພ້ອມຢາບ້າ ຈຳນວນ 1.385 ເມັດ. ນອກຈາກນີ້, ຜ່ານມາເຄີຍຖືກເຈົ້າໜ້າທີ່ ປກສ ກັກຕົວໄປດຳເນີນຄະດີເປັນເວລາ 5 ເດືອນ ໃນຂໍ້ຫາຊື້ຊັບຜິດກົດໝາຍ.

ນາງ ຫວັນ ສາລະພາບວ່າ: ເລີ່ມຄ້າຂາຍຢາເສບຕິດມາແຕ່ຕົ້ນປີ 2018 ໂດຍຕິດຕໍ່ຊື້ນຳທ້າວ ໂອເລ້ ຊື້ຄັ້ງລະ 800-1.000 ເມັດ ພາຍ ຫຼັງໄດ້ຢາບ້າມາແລ້ວກໍນຳໄປຂາຍໃຫ້ກັບ ທ້າວ ແອ ແລະ ໄວລຸ້ນມົ້ວສຸມຢາເສບຕິດ. ມາ ວັນທີ 22 ພຶດສະພາ 2018 ໄດ້ໂທລະສັບສັ່ງຊື້ຢາບ້າ ນຳ ທ້າວ ໂອເລ້ ໂດຍນັດຊື້-ຂາຍກັນຢູ່ເຂດເສັ້ນ ທາງບ້ານ ຫ້ວຍຫົງ ແຕ່ກໍຖືກເຈົ້າໜ້າທີ່ ປກສ ເຂົ້າກັກຕົວໄປດຳເນີນຄະດີ.

ທ້າວ ແອ ສາລະພາບວ່າ: ເລີ່ມພົວພັນຢາບ້າມາແຕ່ປີ 2017 ເປັນຕົ້ນມາ, ເສບມື້ລະ 1-2 ເມັດ ຢາບ້າທີ່ນຳມາ ເສບແມ່ນຊື້ນຳໄວລຸ້ນມົ້ວສຸມຢາເສບຕິດຢູ່ພາຍໃນບ້ານ. ມາຮອດຕົ້ນປີ 2018 ໄດ້ຊື້ຢາບ້ານຳ ນາງ ຫວັນ ຈຳນວນ ຫຼາຍ ຄັ້ງ, ຄັ້ງລະ 4-5 ເມັດ ກໍນຳມາແບ່ງຂາຍໃຫ້ໝູ່ມົ້ວສຸມຢາເສບຕິດນຳກັນ ສ່ວນທີ່ເຫຼືອນຳມາເສບເອງໝົດ. ມາວັນທີ 22 ພຶດສະພາ 2018, ໄດ້ໄປຊື້ຢາບ້ານຳ ນາງ ຫວັນ ຈຳນວນ 4 ເມັດ. ຈາກນັ້ນ, ເວລາຕໍ່ມາ ຖືກເຈົ້າໜ້າ ທີ່ກັກຕົວໄປດຳເນີນຄະດີ.

ປັດຈຸບັນ, ຄະດີດັ່ງກ່າວ  ແມ່ນຢູ່ໃນຂັ້ນຕອນຂອງການດຳເນີນຄະດີຂອງເຈົ້າໜ້າທີ່ ເພື່ອສະຫຼຸບສຳນວນຄະດີສົ່ງ ໃຫ້ໄອຍະການສັ່ງຟ້ອງສານ ຕັດສິນຕາມກົດໝາຍ.


Like it? Share with your friends!

0
3 shares
admin

0 Comments

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

This site uses Akismet to reduce spam. Learn how your comment data is processed.

ເລືອກຮູບແບບໂພດສ໌
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format