ປກສ ແຂວງຫຼວງນ້ຳທາ ສົ່ງພະນັກງານໄປຍົກລະດັບຢູ່ ປກສ ຊັ້ນກາງ

1 min


0
1 share

ວັນທີ 4 ມິຖຸນາ ຜ່ານມານີ້, ກອງບັນຊາການ ປກສ ແຂວງຫຼວງນ້ຳທາ ໄດ້ຈັດພິທີສົ່ງພະນັກງານຢູ່ບັນດາກອງບັນຊາການ ປກສ ເມືອງຂຶ້ນກັບໄປຍົກລະດັບການສຶກສາຢູ່ໂຮງຮຽນ ປກສ ຊັ້ນກາງ ເລກ IV ຮຸ່ນທີ 1 ຢູ່ແຂວງອຸດົມໄຊ, ເຂົ້າຮ່ວມໂດຍ ພັທ ອິນສົມ ທຳລະສິນ ຮອງຫົວໜ້າກອງບັນຊາການ ປກສ ແຂວງຫຼວງນໍ້າທາ, ມີຄະນະພະແນກຈັດຕັ້ງກໍ່ສ້າງກໍາລັງ, ພະນັກງານ-ນັກຮົບຜູ້ທີ່ຖືກສົ່ງໄປຄົ້ນຄວ້າຮໍ່າຮຽນ ເຂົ້າຮ່ວມ 35 ສະຫາຍ ຍິງ 4 ສະຫາຍ.

ພັທ ອິນສົມ ທຳລະສິນ ກ່າວວ່າ: ການສົ່ງພະນັກງານ-ນັກຮົບໄປຍົກລະດັບການສຶກສາຄັ້ງນີ້ ແມ່ນເປັນການຍົກສູງຄວາມຮູ້-ຄວາມສາມາດວຽກງານວິຊາສະເພາະໃນດ້ານຕ່າງໆ ໃຫ້ມີຄວາມຊຳນິ-ຊຳນານ, ມີຄວາມຄ່ອງແຄ້ວຕໍ່ການປະຕິບັດໃຫ້ຖືກຕ້ອງຕາມຫຼັກການ ແລະ ວິທີການ ເພື່ອຮັບປະກັນໃຫ້ວຽກງານຢູ່ແຕ່ລະຂົງເຂດວຽກງານວິຊາສະເພາະມີປະສິດທິພາບ; ໃນນີ້, ມີນັກຮຽນມາຈາກກອງບັນຊາການ ປກສ ແຂວງ 16 ສະຫາຍ, ປກສ ເມືອງສິງ 7 ສະຫາຍ, ປກສ ເມືອງລອງ 3 ສະຫາຍ, ປກສ ເມືອງຫຼວງນ້ຳທາ 3 ສະຫາຍ, ປກສ ເມືອງວຽງພູຄາ 4 ສະຫາຍ ແລະ ປກສ ເມືອງນາແລ 2 ສະຫາຍ.

ໂອກາດດັ່ງກ່າວ, ພັທ ອິນສົມ ທຳລະສິນ ໄດ້ສະແດງຄວາມຊົມເຊີຍຕໍ່ບັນດາສະຫາຍທີ່ມີເງື່ອນໄຂ ແລະ ມີຄວາມຕື່ນຕົວຫ້າວຫັນຄົ້ນຄວ້າຮ່ຳຮຽນຍົກລະດັບທາງດ້ານວິຊາສະເພາະຕຳຫຼວດໃນຊຸດນີ້ ພ້ອມທັງຮຽກຮ້ອງໃຫ້ຜູ້ທີ່ຖືກແຕ່ງຕັ້ງເປັນຫົວໜ້າຄະນະນັກສຶກສາ ປກສ ແຂວງຫຼວງນ້ຳທາ ຈົ່ງເອົາໃຈໃສ່ຄຸ້ມຄອງຕິດຕາມກວດກາການປະຕິບັດລະບຽບຂອງໂຮງຮຽນໃຫ້ເຂັ້ມງວດ, ຄ່ຽງຄູ່ກັນນັ້ນ, ຕ້ອງເອົາໃຈໃສ່ເຕົ້າໂຮມຄວາມສາມັກຄີຮັກແພງພາຍໃນໃຫ້ໜັກແໜ້ນ, ຊ່ວຍເຫຼືອເຊິ່ງກັນແລະກັນໃນທຸກດ້ານ ເພື່ອພ້ອມກັນຄົ້ນຄວ້າຮ່ຳຮຽນໃຫ້ຈົບຕາມຫຼັກສູດການຮຽນ-ການສອນຂອງໂຮງຮຽນວາງອອກຢ່າງຖືກຕ້ອງ ພ້ອມທັງປະຕິບັດລະບຽບວິໄນທີ່ໂຮງຮຽນໄດ້ກຳນົດ ເພື່ອເຮັດໃຫ້ຕົນເອງກາຍເປັນນັກຮຽນດີ-ຮຽນເກັ່ງ ແລ້ວນຳມາກໍ່ສ້າງກົມກອງຕົນເອງສັງກັດໃຫ້ມີຄວາມກ້າວໜ້າຂຶ້ນເລື້ອຍໆ.

ໂຄສະນາ


Like it? Share with your friends!

0
1 share
admin

0 Comments

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

This site uses Akismet to reduce spam. Learn how your comment data is processed.

ເລືອກຮູບແບບໂພດສ໌
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format