ກຳມະການ ປກສ ແຂວງຄຳມ່ວນ ສະຫຼຸບຂະບວນການແຂ່ງຂັນ 5 ເປັນເຈົ້າ ປີ 2017

1 min


0
1 share

ກໍາມະບານຮາກຖານກອງບັນຊາການ ປກສ ແຂວງຄຳມ່ວນ ໄດ້ເປີດກອງປະຊຸມສະຫຼຸບການເຄື່ອນໄຫວຂະບວນການແຂ່ງຂັນ 5 ເປັນເຈົ້າ ປະຈໍາປີ 2017 ແລະ ວ່າງທິດທາງແຜນການ ປະຈໍາປີ 2018, ໂດຍການເຂົ້າຮ່ວມຂອງ ທ່ານ ໂຕເຊີນ ອຸດທັດສີ ຄະນະບໍລິຫານງານສູນກາງກຳມະບານລາວ ປະທານສະຫະພັນກຳມະບານ ແຂວງຄຳມ່ວນ ແລະ ພັທ ຄຳສິງ ນົນທະສອນ ຮອງຫົວໜ້າກອງບັນຊາການ ປກສ ແຂວງຄຳມ່ວນ, ມີປະທານຄະນະກຳມະບານຮາກຖານ ປກສ ແຂວງ, ຄະນະໜ່ວຍກຳມະບານ ຕະຫຼອດຮອດພະນັກງານ-ນັກຮົບ, ສະມາຊິກກຳມະບານເຂົ້າຮ່ວມ.

ພັທ ບຸນກອງ ສີສຸຂະລາດ ຄະນະປະທານກຳມະບານຮາກຖານ ກອງບັນຊາການ ປກສ ແຂວງຄໍາມ່ວນ ໄດ້ຜ່ານບົດສະຫຼຸບການເຄື່ອນໄຫວວຽກງານຂະບວນການແຂ່ງຂັນ 5 ເປັນເຈົ້າ ປະຈໍາປີ 2017; ໃນໜຶ່ງປີຜ່ານ ມາ, ໄດ້ເອົາໃຈໃສ່ສຶກສາອົບຮົມການເມືອງນຳພາ-ແນວຄິດໃຫ້ພະນັກງານ, ສະມາຊິກກຳມະບານຢ່າງເນື່ອງນິດລຽນຕິດ, ໄດ້ເຂົ້າຮ່ວມດໍາເນີນຊີວິດການເມືອງ ແລະ ຮ່ວມຊີວິດກຳມະບານ, ສໍາຫຼວດກວດກາສຶກສາອົບຮົມເປັນປົກກະຕິ, ໂຄສະນາເຜີຍແຜ່ປາຖະກະຖາເລົ່າມູນເຊື້ອວັນສຳຄັນຕ່າງໆຂອງຊາດ, ຂອງພັກມູນເຊື້ອວັນສ້າງຕັ້ງກຳມະບານລາວ, ວັນກຳມະກອນສາກົນ ໄດ້ 10 ຄັ້ງ, ມີຜູ້ເຂົ້າຮ່ວມ 400 ສະຫາຍ, ເຂົ້າຮ່ວມຂະບວນການອະນາໄມລວມຢູ່ອານຸສອນສະຖານ ປະທານ ໄກສອນ ພົມວິຫານ ແລະ ປະທານ ສຸພານວົງ ໄດ້ 10 ຄັ້ງ, ອອກແຮງອະນາໄມລວມຂອບເຂດຄວາມຮັບຜິດຊອບອ້ອມຂ້າງກອງບັນຊາການ ປກສ ແຂວງ ໄດ້ 48 ຄັ້ງ, ເຂົ້າຮ່ວມການຍ່າງອອກກຳລັງກາຍໃນວັນສຳຄັນຂອງພັກ-ຂອງຊາດ ໄດ້ 2 ຄັ້ງ, ມີຈຳນວນ 50 ຄົນ ແລະ ເຂົ້າຮ່ວມການສ້າງຂະບວນການກິລາປະເພດຕ່າງໆຢ່າງເປັນຂະບວນຟົດຟື້ນ ເນື່ອງໃນໂອກາດວັນສ້າງຕັ້ງກຳມະບານ, ວັນກຳມະກອນສາກົນ ແລະ ກິລາໃນວັນສຳຄັນຂອງພັກ, ຂອງຊາດໄດ້ 12 ຄັ້ງ, ມີຈຳນວນ 600 ກ່ວາຄົນ, ຈັດຕັ້ງບໍລິຈາກເລືອດ ໄດ້ 2 ຄັ້ງ, ໄດ້ຮັບເລືອດ 33 ຖົງ, ເລື່ອນສະມາຊິກພັກສຳຮອງຂຶ້ນສົມບູນ ໄດ້ 66 ສະຫາຍ ຍິງ 19 ສະຫາຍ, ຂະຫຍາຍມະຫາຊົນກ້າວໜ້າເຂົ້າເປັນສະມາຊິກພັກສຳຮອງ ໄດ້ 30 ສະຫາຍ ຍິງ 8 ສະຫາຍ, ປະຕິບັດນະໂຍບາຍພະນັກງານ-ນັກຮົບ ກໍຄືສະມາຊິກກຳມະບານໄດ້ຢ່າງທົ່ວເຖິງ.

ໃນ 1 ປີຜ່ານມາ, ສາມາດຕີລາຄາ ແລະ ປະເມີນຜົນການແຂ່ງຂັນ 5 ເປັນເຈົ້າຂອງກຳມະບານຮາກຖານກອງບັນຊາການ ປກສ ແຂວງຄໍາມ່ວນ ໃນ 4 ໜ່ວຍ ສາມາດຕີລາຄາໄດ້ 92%. ນອກນັ້ນ, ສະແດງອອກກອງປະຊຸມຍັງໄດ້ ຜ່ານຂໍ້ຕົກລົງຂອງປະທານສະຫະພັນກຳມະບານ ແຂວງຄຳມ່ວນ ສະບັບເລກທີ 129 /ສກຂ ຄມ, ລົງວັນທີ 5 ກຸມພາ 2018 ວ່າດ້ວຍການຍ້ອງຍໍ, ຢັ້ງຢືນກົມກອງລວມໝູ່ ແລະ ບຸກຄົນດີເດັ່ນໃນຂະບວນການແຂ່ງຂັນ 5 ເປັນເຈົ້າ ລວມມີກົມກອງລວມໝູ່ ມີ 1 ຮາກຖານ, ຍ້ອງຍໍກົມກອງລວມໝູ່ ມີ 4 ໜ່ວຍ, ຍ້ອງຍໍບຸກຄົນດີເດັ່ນໃນການປະຕິບັດຕາມຂໍ້ແຂ່ງຂັນ 5 ເປັນເຈົ້າ ມີ 144 ສະຫາຍ ຍິງ 40 ສະຫາຍ ແລະ ຢັ້ງຢືນບຸກຄົນດີເດັ່ນຂອງສະມາຊິກກຳມະບານທີ່ມີມາດຖານເງື່ອນໄຂໃນການປະຕິບັດຕາມຂໍ້ແຂ່ງຂັນ 5 ເປັນເຈົ້າ ມີ 19 ສະຫາຍ ຍິງ 9 ສະຫາຍ ໂດຍການມອບໃບຍ້ອງຍໍ, ຢັ້ງຢືນກົມກອງລວມໝູ່ ແລະ ບຸກຄົນດີເດັ່ນ 5 ເປັນເຈົ້າ ປະຈໍາປີ 2017.

ໂຄສະນາ


Like it? Share with your friends!

0
1 share
admin

0 Comments

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

This site uses Akismet to reduce spam. Learn how your comment data is processed.

ເລືອກຮູບແບບໂພດສ໌
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format