ຈາກຜູ້ເສບກ້າວສູ່ເປັນຜູ້ຂາຍ ຖືກຈັບດຳເນີນຄະດີ

1 min


0
6 shares

ປັດຈຸບັນ, ຄະດີຄ້າຂາຍຢາເສບຕິດເປັນຄະດີທີ່ເກີດຂຶ້ນຫຼາຍເປັນລະດັບຕົ້ນໆຖັດຈາກຄະດີລັກຊັບຂອງພົນລະເມືອງ, ເຊິ່ງໃນຈໍານວນຄະດີເຈົ້າໜ້າທີ່ ປກສ ແກ້ໄຂໄດ້ໄລຍະຜ່ານມາເຫັນໄດ້ວ່າຜູ້ຖືກຫາສ່ວນຫຼາຍ ແມ່ນເລີ່ມຈາກເສບ ແລ້ວມາເຄື່ອນໄຫວຄ້າຂາຍຈາກການຂາຍລາຍຍ່ອຍ ເພື່ອເອົາເງິນເປີເຊັນຈາກການຂາຍເປັນຢາບ້າມາເສບ.

ດັ່ງໃນຄະດີທີ່ເຈົ້າໜ້າທີ່ຕໍາຫຼວດສະກັດກັ້ນ ແລະ ຕ້ານຢາເສດຕິດ ປກສ ເມືອງຫາດຊາຍຟອງ ໄດ້ລົງມ້າງເປົ້າໝາຍ ຄ້າຂາຍຢາເສບຕິດຢູ່ເຂດບ້ານສົມສະໜຸກ ເມືອງຫາດຊາຍຟອງ ສາມາດກັກຕົວຜູ້ຖືກຫາ 1 ຄົນ ພ້ອມຂອງກາງ ຢາບ້າ 165 ເມັດ ໂດຍຜູ້ຖືກຫາດັ່ງກ່າວຍອມຮັບວ່າ ສາເຫດທີ່ຄ້າຂາຍຢາເສບຕິດແມ່ນຍ້ອນຕິດຢາບ້າເປັນອາຈິນ ຈຶ່ງຮັບຢາບ້ານໍາຄົນຮູ້ຈັກກັນໄປຂາຍຕໍ່ ເພື່ອເອົາເປີເຊັນເປັນຢາເສບຕິດມາເສບ.

ເຈົ້າໜ້າທີ່ຕໍາຫຼວດສະກັດກັ້ນ ແລະ ຕ້ານຢາເສດຕິດ ປກສ ເມືອງຫາດຊາຍຟອງໃຫ້ຮູ້ວ່າ: ໃນຕົ້ນເດືອນພຶດສະພາ 2018 ໄດ້ຮັບລາຍງາຍວ່າມີການລັກລອບຄ້າ ຂາຍຢາເສບຕິດຢູ່ເຂດບ້ານສົມສະໜຸກ; ຈາກນັ້ນ, ໄດ້ມອບໃຫ້ເຈົ້າ ໜ້າທີ່ວິຊາສະເພາະລົງຕິດຕາມເປົ້າໝາຍມາຮອດວັນທີ 29 ພຶດ ສະພາ 2018 ຈຶ່ງຮູ້ວ່າເປົ້າໝາຍມີການເຄື່ອນ ໄຫວຂາຍຢາ ຈຶ່ງໄດ້ກັກຕົວ ທ້າວ ປານ້ອຍ ຫຼື ປາ ອາຍຸ 28 ປີ ທີ່ເປັນເປົ້າໝາຍຢູ່ບ້ານສົມສະໜຸກ ເມືອງຫາດ ຊາຍຟອງ ນະຄອນຫຼວງວຽງຈັນ ພ້ອມຢາບ້າຈໍານວນ 165 ເມັດ.
ຈາກການສອບສວນຂະຫຍາຍຜົນ ທ້າວ ປານ້ອຍ ໃຫ້ການໃນເບື້ອງຕົ້ນວ່າ: ຜູ້ກ່ຽວເລີ່ມເສບຢາເສບຕິດມາແຕ່ປີ 2017, ເສບມື້ ລະ 2-3 ເມັດ ຢາບ້າທີ່ນໍາມາເສບ ແມ່ນຊື້ນໍາໄວລຸ້ນມົ້ວສຸມຢາເສບຕິດຢູ່ພາຍໃນບ້ານ. ມາເດືອນພະ ຈິກ 2017 ກໍເລີ່ມເຄື່ອນໄຫວຄ້າຂາຍຢາເສບຕິດ, ເຊິ່ງຢາບ້າທີ່ນໍາມາຂາຍໃນແຕ່ລະຄັ້ງແມ່ນຊື້ນໍາຊາຍບໍ່ຮູ້ຊື່ ຄັ້ງລະ 10-20 ເມັດ ພາຍຫຼັງໄດ້ຢາບ້າມາແລ້ວກໍນໍາມາແບ່ງເສບຄັ້ງລະ 4-5 ເມັດ ສ່ວນທີ່ເຫຼືອແມ່ນນໍາໄປຂາຍໃຫ້ພວກ ໄວລຸ້ນເສບຢາບ້າຢູ່ພາຍໃນບ້ານ ແລະ ບ້ານໃກ້ ຄຽງ. ມາປີ 2018 ໄດ້ໄປຊື້ຢາບ້ານໍາ ທ້າວ ຕັ້ງ ອາຍຸປະມານ 26 ປີ ຢູ່ ເຂດບ້ານຖິ່ນຕົມ ເມືອງຫາດຊາຍຟອງ ນະຄອນຫຼວງວຽງຈັນ ຈໍານວນຫຼາຍຄັ້ງ, ຄັ້ງລະ 100-200 ເມັດ ພາຍຫຼັງໄດ້ ຢາບ້າມາແລ້ວ ກໍນໍາມາເສບຄັ້ງລະ 3-4 ເມັດ ສ່ວນທີ່ເຫຼືອກໍນໍາໄປຂາຍໃຫ້ກັບ ໄວລຸ້ນພາຍໃນບ້ານ.

ມາວັນທີ 29 ພຶດສະພາ 2019, ໄດ້ໂທລະສັບໃຫ້ ທ້າວ ຕັ້ງ ເອົາຢາ ບ້າມາສົ່ງໃຫ້ຢູ່ເຮືອນຈໍານວນ 1 ຖົງ ເທົ່າກັບ 200 ເມັດ ພາຍຫຼັງໄດ້ຢາບ້າກໍນໍາໄປຂາຍຈໍານວນ 35 ເມັດ ຍັງເຫຼືອ 165 ເມັດ.ກໍ ເອົາມາຊຸກເຊື່ອງໄວ້ໃນເຮືອນຕໍ່ ມາໄດ້ມີເຈົ້າໜ້າທີ່ ປກສ ເຂົ້າກວດ ຄົ້ນເຮືອນພົບເຫັນຢາບ້າໃນກະເປົ້າພາຍ ຈຶ່ງຖືກກັກຕົວໄປດໍາເນີນຄະດີ.

ປັດຈຸບັນ, ຄະດີດັ່ງກ່າວເຈົ້າໜ້າທີ່ ປກສ ເມືອງຫາດຊາຍຟອງ ພວມສືບຕໍ່ສອບສວນຂະຫຍາຍຜົນ ເພື່ອສະຫຼຸບ ສໍານວນຄະດີສົ່ງ ໃຫ້ໄອຍະການດໍາເນີນຄະດີຂັ້ນຕໍ່ໄປ. ສ່ວນ ທ້າວ ຕັ້ງ ທີ່ຖືກຊັດທອດຫາແມ່ນເຈົ້າໜ້າທີ່ໄດ້ຂຶ້ນບັນ ຊີຕິດຕາມຜູ້ກ່ຽວຖ້າມີການກະທໍາຜິດແທ້ກໍຈະໄດ້ກັກຕົວມາດໍາເນີນຄະດີຕາມພາຍຫຼັງ.

ໂຄສະນາ


Like it? Share with your friends!

0
6 shares
admin

0 Comments

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

This site uses Akismet to reduce spam. Learn how your comment data is processed.

ເລືອກຮູບແບບໂພດສ໌
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format