You dont have javascript enabled! Please download Google Chrome!

ມອບ-ຮັບໂຄງການກໍ່ສ້າງອາຄານ ປກສ ເມືອງໂພນທອງ ຫຼັງໃໝ່

1 min


0
3 shares

ພິທີມອບ-ຮັບໂຄງການກໍ່ສ້າງອາຄານຫ້ອງການ ປກສ ເມືອງໂພນທອງ ແຂວງຈຳປາສັກ ຫຼັງໃໝ່ ໄດ້ຈັດຂຶ້ນໃນວັນທີ 25 ພຶດສະພາ 2018, ເຂົ້າຮ່ວມເປັນປະທານໂດຍ ພົຈວ ສີພັນ ວົງເຮືອງຄຳ ຫົວໜ້າກອງບັນຊາການ ປກສ ແຂວງຈຳປາສັກ, ມີຜູ້ຕາງໜ້າອຳນວຍການບໍລິສັດ ຄຳພັນກໍ່ສ້າງ, ມີບັນດາຫ້ອງອ້ອມຂ້າງກອງບັນຊາການ ປກສ ແຂວງ, ຄະນະພັກກອງບັນຊາການ ປກສ ເມືອງ ຕະຫຼອດຮອດພະນັກງານຫຼັກແຫຼ່ງ ແລະ ພະນັກງານ-ນັກຮົບເຂົ້າຮ່ວມ.

ໃນພິທີໄດ້ມີການລາຍງານຜົນຂອງໂຄງການກໍ່ສ້າງອາຄານຫ້ອງການ ປກສ ເມືອງ ແມ່ນໄດ້ລົງມືກໍ່ສ້າງແຕ່ປີ 2014 ເປັນອາຄານ 2 ຊັ້ນ, ມີຫ້ອງເຮັດວຽກ, ຫ້ອງປະຊຸມ, ຫ້ອງນ້ຳ, ລະບົບໄຟຟ້າ, ນ້ຳປະປາຄົບຊຸດ, ເປັນຫ້ອງການຖາວອນ ໂດຍແມ່ນ ບໍລິສັດ ຄຳພັນກໍ່ສ້າງ ຮັບເໝົາກໍ່ສ້າງໂດຍກົງລວມມູນຄ່າທັງໝົດ 4 ຕື້ກວ່າກີບ ເປັນທຶນຂອງລັດ.

ໃນວັນດຽວກັນນີ້, ກອງບັນຊາການ ປກສ ເມືອງຈຳປາສັກ ໄດ້ຈັດພິທີມອບ-ຮັບໂຄງການກໍ່ສ້າງຫ້ອງການ ປກສ ເມືອງຫຼັງໃໝ່ ເຊິ່ງໄດ້ເລີ່ມລົງມືກໍ່ສ້າງແຕ່ປີ 2013 ໂດຍແມ່ນ ບໍລິສັດ ຄຳພັນກໍ່ສ້າງ ເປັນຜູ້ຮັບເໝົາເຊັ່ນດຽວກັນ ໂຄງການກໍ່ສ້າງດັ່ງກ່າວແມ່ນອອກແບບດຽວກັນໂດຍການເຂົ້າຮ່ວມຂອງ ພົຈວ ສີພັນ ວົງເຮືອງຄຳ ຫົວໜ້າກອງບັນຊາການ ປກສ ແຂວງຈຳປາສັກ ແລະ ພະນັກງານຫຼັກແຫຼ່ງເປັນສັກຂີພະຍານ.

ໂຄສະນາ


Like it? Share with your friends!

0
3 shares
admin

0 Comments

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

This site uses Akismet to reduce spam. Learn how your comment data is processed.

error: Alert: Content is protected !!