ຮອງຫົວໜ້າກົມ ຕມ ພົບປະເຮັດວຽກຢູ່ ປກສ ແຂວງອຸດົມໄຊ


0
2 shares

ພັທ ຄຳພອນ ສິງທິລາດ ຮອງຫົວໜ້າກົມຕໍາຫຼວດກວດຄົນເຂົ້າ-ອອກເມືອງ (ກົມ ຕມ) ກົມໃຫຍ່ສັນຕິບານ ກະຊວງ ປກສ ພ້ອມດ້ວຍຄະນະ ໄດ້ເຄື່ອນໄຫວ, ຊຸກຍູ້ ແລະ ຊີ້ນໍາວຽກງານວິຊາສະເພາະຢູ່ ປກສ ແຂວງອຸດົມໄຊ ໃນວັນທີ 28 ພຶດສະພາ 2018, ຕ້ອນຮັບ ໂດຍ ພັທ ສຸບິນ ຄີມມະວົງ ຮອງຫົວໜ້າຫ້ອງສັນຕິບານ ປກສ ແຂວງອຸດົມໄຊ, ມີຄະນະພັກ-ຄະນະຫ້ອງ ແລະ ພະນັກ-ງານນັກຮົບເຂົ້າຮ່ວມ.

ພັທ ສຸບິນ ຄີມມະວົງ ໄດ້ຂຶ້ນຜ່ານບົດສະຫຼຸບການເຄື່ອນໄຫວວຽກງານຂອງພະແນກ ຕມ ປກສ ແຂວງອຸດົມໄຊ ໃນ 1 ປີ ຜ່ານມາ, ໄດ້ເອົາໃຈໃສ່ສຶກສາອົບຮົມການເມືອງ-ນຳພາແນວຄິດໃຫ້ແກ່ສະມາຊິກພັກ, ພະນັກງານ-ນັກຮົບ ໃຫ້ມີຄຸນທາດການເມືອງໜັກແໜ້ນ, ມີຄຸນສົມບັດສິນທຳປະຕິວັດ ຕິດພັນກັບການຈັດຕັ້ງປະຕິບັດໜ້າທີ່ວິຊາສະເພາະຢ່າງມີຄວາມຮັບຜິດຊອບສູງ ແລະ ຖືກຕ້ອງສອດຄ່ອງກັບແນວທາງຂອງພັກ, ລະບຽບກົດໝາຍຂອງລັດ ແລະ ຂອງກໍາລັງ; ໃນ 1 ປີຜ່ານມາ ໄດ້ກວດກາພົບເຫັນນໍາຕົວ ແລະ ຈັດສົ່ງຜູ້ຖືກຫາລະເມີດລະບຽບກົດໝາຍກັບຄືນປະເທດ ໄດ້ 16 ຄົນ, ເຂົ້າຮ່ວມປ້ອງກັນງານບຸນຕ່າງໆ ໄດ້ 26 ຄັ້ງ, , ເຂົ້້າຮ່ວມ ກອງປະຊຸມຂັ້ນຕ່າງໆ ໄດ້ 32 ຄັ້ງ, ອອກກວດກາແຮງງານຕ່າງປະເທດທີ່ເຄື່ອນ ໄຫວໃນແຂວງ ໄດ້ 13 ຄັ້ງ, ບໍລິການແຈ້ງຄົນລາວ-ຊາວຕ່າງປະເທດເຂົ້າ-ອອກເມືອງ, ດ່ານ ແລະ ສະໜາມບິນໄດ້ທັງໝົດ 19.007 ຄົນ ຍິງ 4.219 ຄົນ, ບໍລິການແຈ້ງລົດເຂົ້າ-ອອກດ່ານ ແລະ ສະໜາມບິນ ໄດ້ 6.087 ຄັນ, ລົດຕ່າງປະເທດມີ 1.443 ຄັນ, ບໍລິການແຈ້ງຖ້ຽວບິນ ໄດ້ 519 ຖ້ຽວ; ໃນນີ້, ຖ້ຽວບິນລາວສະກາຍເວ ໄດ້ 358 ຖ້ຽວ, ຄົນລາວ-ຊາວຕ່າງປະເທດເຂົ້າ-ອອກເມືອງ 4.761 ຄົນ, ຄົນຕ່າງປະເທດ 755 ຄົນ, ອອກປຶ້ມຜ່ານແດນລາວຈີນ ໄດ້ 1.616 ຫົວ ແລະ ບັນຫາທີ່ພົ້ນເດັ່ນແມ່ນການຍົກຍ້າຍດ່ານຈຸດເກົ່າໄປຫາຈຸດໃໝ່ ແລະ ໄດ້ເຄື່ອນໄຫວຕາມຫຼັກການວິຊາສະເພາະ ໄດ້ກວດກາພົບເຫັນການລັກລອບເຄື່ອນຍ້າຍສິ່ງເກືອດຫ້າມ ປະເພດໄມ້ ໄດ້ 12,5 ແມັດກ້ອນ.

ພັທ ຄຳພອນ ສິງທິລາດ ຮອງກົມໃຫຍ່ຕໍາຫຼວດ ກວດຄົນເຂົ້າ-ອອກເມືອງ ໄດ້ໂອ້ລົມ ແລະ ຊີ້ນຳຕໍ່ກອງປະຊຸມ; ເຊິ່ງກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ພະແນກ ຕມ ຫ້ອງສັນຕິບານ ປກສ ແຂວງອຸດົມໄຊ ຍາດມາໄດ້ຕະຫຼອດໄລຍະຜ່ານມາ. ພ້ອມນັ້ນ, ທ່ານຍັງໄດ້ເນັ້ນຕໍ່ການຊີ້ນໍາ-ນຳພາຂອງຄະນະພັກ-ຄະນະຫ້ອງສັນຕິບານ ເປັນຕົ້ນແມ່ນວຽກງານປ້ອງກັນຊາດ-ປ້ອງກັນຄວາມສະຫງົບ ຕາມຊາຍແດນ, ດ່ານ ແລະ ການບໍລິການການເຂົ້າ-ອອກເມືອງ ທີ່ມີຄວາມສະຫງົບ-ປອດໄພດີ, ເອົາໃຈໃສ່ອຳນວຍຄວາມສະດວກໃຫ້ຄົນລາວ-ຊາວຕ່າງປະເທດທີ່ມາເຄື່ອນໄຫວຢູ່ໃນແຂວງ ເປັນຕົ້ນ.


Like it? Share with your friends!

0
2 shares
admin

0 Comments

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

This site uses Akismet to reduce spam. Learn how your comment data is processed.

ເລືອກຮູບແບບໂພດສ໌
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format