ລັດຖະບານເປັນຜູ້ອະນຸຍາດໃຫ້ຊ່ຽວຊານຈາກລັດເຊຍ ລົງສຳຫຼວດໜອງຟ້າ ເພື່ອຄົ້ນຫາຊັບພະຍາກອນປິດສະໜາ.


0
5 shares

ລັດຖະບານລາວ ກໍ່ຄືອຳນາດການປົກຄອງແຂວງອັດຕະປື ໄດ້ອະນຸຍາດໃຫ້ກອງທັບປະຊາຊົນລາວ ຮ່ວມກັບຊ່ຽວຊານ ຈາກປະເທດລັດເຊຍ ລົງສຳຫຼວດພ້ືນນ້ຳໜອງຟ້າ ເມືອງຊານໄຊ ແຂວງອັດຕະປື ເພື່ອຄົ້ນຫາຊັບພະຍາກອນປິດສະໜາຢູ່ໜອງດັ່ງກ່າວ. ທັງນີ້, ເນື່ອງຈາກວ່າ ຈະມີການພັດທະນາໜອງແຫ່ງນີ້ ໃຫ້ເປັນແຫຼ່ງທ່ຽວທ່ຽວທາງທຳມະຊາດທີ່ສວຍງາມ ອີກແຫ່ງໜຶ່ງຢູ່ແຂວງອັດຕະປື.

ທ່ານ ນາງ ບຸນນານ ບຸນນະແສງ ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງອັດຕະປືໃຫ້ຮູ້ວ່າ: ຜ່ານການສຳຫຼວດຕົວຈິງ ບັນດາຊ່ຽວຊານຢັ້ງຢືນວ່າ ມີຄວາມເລິກ 75 ແມັດ, ທາງຂ້າງອ້ອມຮອບໜອງໄດ້ພົບຫິນເປັນລັກສະນະຫຼາຍຂັ້ນ ແລະ ຢູ່ພື້ນນ້ຳໄດ້ພົບສະເກັດຫິນເປັນສີນ້ຳຕານ ຫຼື ສີເຜົາໄໝ້, ຈາກການເບິ່ງດ້ວຍຕາເປົ່າອາດແມ່ນກ້ອນຫິນທີ່ໄດ້ຜ່ານການເຜົາໄໝ້ຈາກພູໄຟລະເບີດໃນຫຼາຍຮ້ອຍປີກ່ອນ ແລະ ມີຈຳນວນຫຼວງຫຼາຍ ຢູ່ເຕັມພື້ນໜອງ, ແຕ່ບໍ່ພົບສິ່ງແປກປະຫຼາດອື່ນໆ ດັ່ງທີ່ປະຊາຊົນຄິດ ແລະ ສັນນິຖານກັນໄວ້ໃນອະດີດ.

ການລົງສຳຫຼວດໜອງຟ້າຄັ້ງນີ້, ໄດ້ຢືນຢັນທາງວິທະຍາສາດເບື້ອງຕົ້ນວ່າ ບໍ່ມີສິ່ງປິດສະໜາຢູ່ໃນໜອງແຫ່ງນີ້, ເປັນໜອງທຳມະຊາດ ທີ່ສວຍງາມເທົ່ານັ້ນ ແລະ ມີຄວາມເປັນໄປໄດ້ໃນການພັດທະນາເປັນແຫຼ່ງທ່ອງທ່ຽວທຳມະຊາດແບບອານຸລັກສິ່ງແວດລ້ອມ, ເຊິ່ງສອດຄ່ອງກັບແຜນແມ່ບົດການພັດທະນາວຽກງານທ່ອງທ່ຽວຂອງແຂວງ. ດັ່ງນັ້ນ, ຈຶ່ງເຊີນຊວນໃຫ້ນັກລົງທຶນ ຫຼື ຜູ້ປະກອບການສາມາດເຂົ້າມາມີສ່ວນຮ່ວມໃນການພັດທະນາໜອງຟ້າ ເພື່ອດຶງດູດນັກທ່ອງທ່ຽວໃຫ້ເຂົ້າມາທ່ຽວແຂວງອັດຕະປືຫຼາຍຂຶ້ນ.

ໜອງຟ້າ ຕັ້ງຢູ່ຫ່າງຈາກເທດສະບານແຂວງອັດຕະປີປະມານ 178 ກິໂລແມັດ, ເປັນໜອງທີ່ເກີດຈາກທຳມະຊາດຢູ່ເທິງພູສູງເຂດເມືອງຊານໄຊ ໃກ້ກັບຊາຍແດນປະເທດຫວຽດນາມ, ກວ້າງປະມານ 1 ກິໂລແມັດມົນທົນ ທີ່ຍັງລໍຄອຍການມາຢ້ຽມຢາມຂອງນັກທ່ອງທ່ຽວ, ໜອງແຫ່ງນີ້ຜ່ານມາສັນນິຖານກັນວ່າ ອາດເກີດຍ້ອນພູໄຟເກົ່າລະເບີດ ຫຼື ຖືກອຸກກະບາດຕຳໂລກ ທີ່ຍັງບໍ່ທັນມີການພິສູດໄດ້. ສະເພາະລະດູແລ້ງການເດີນທາງໄປສູ່ໜອງຟ້າ ແມ່ນສະດວກສະບາຍສົມຄວນ, ນັກທຸລະກິດ, ນັກທ່ອງທ່ຽວ ແລະ ອື່ນໆທີ່ໄດ້ມີໂອກາດໄປແຂວງອັດຕະປືລອງຫາເວລາໄປແວ່ຊົມຄວາມງາມ ແບບທຳມະຊາດຂອງໜອງຟ້າດ້ວຍ.


Like it? Share with your friends!

0
5 shares
admin

ເລືອກຮູບແບບໂພດສ໌
ເລື່ອງ
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format