ເຈວີຊີ ຊ່ວຍ 2 ເມືອງຢູ່ສະຫວັນນະເຂດ ຜະລິດ ສະບຽງອາຫານ -ບໍລິຫານຊັບພະຍາກອນທຳມະຊາດ


0
5 shares

ໂຄງການ ອາສາສະໝັກຍີ່ປຸ່ນ ປະຈຳລາວ(JVC) ໄດ້ສືບຕໍ່ ໃຫ້ການຊ່ວຍເຫລືອ ແຂວງ ສະຫວັນນະເຂດ ໄລຍະທີ 3 (2018-2021) ຈໍານວນ 482.000 ໂດລາ ສະຫະລັດ ໂດຍສະເພາະ ແມ່ນພັດທະນາວຽກງານ ການຜະລິດກະສິກຳ ແລະ ການບໍລິຫານ ຊັບພະຍາກອນ ທຳມະຊາດ ຢູ່ເມືອງ ອາດສະພັງທອງ ແລະ ເມືອງພີນ ພາຍຫລັງສິ້ນ​ສຸດໂຄງການ ໄລຍະທີ 2 ໃນທ້າຍປີ 2016 (2013-2016) ໃນ ວົງເງິນ 311.000 ໂດລາສະຫະລັດ. ເຊິ່ງໄດ້ເຮັດໃຫ້ການ ຄໍ້າປະກັນສະບຽງອາຫານ ເພື່ອປັບປຸງຊີວິດການເປັນຢູ່ ຂອງປະຊາຊົນບ້ານ ໂດຍການ ເຮັດກະສິກຳແບບຍືນຍົງ ແລະ ອີງໃສ່ ການບໍລິ ຫານຊັບພະຍາກອນທຳມະຊາດ ຂອງຊຸມຊົນ.

ທ່ານ Kenichiro IWATA ຜູ້ຕາງໜ້າ ອົງການ JVC ໃຫ້ສຳພາດວ່າ: ອົງການຈັດຕັ້ງດັ່ງກ່າວ ແມ່ນອົງການໜຶ່ງ ທີ່ບໍ່ຂຶ້ນກັບລັດຖະບານ ໂດຍເລີ່ມເຂົ້າມາຈັດຕັ້ງ ປະຕິບັດໂຄງການຢູ່ແຂວງ ສະຫວັນນະເຂດ ແຕ່ປີ 2008-2011 ເປັນ ໄລຍະທີ 1 ເຊິ່ງເວລານັ້ນ ເປັນໂຄງການອະນຸລັກທີ່ດິນ ແລະ ປ່າໄມ້ ເພື່ອປັບປຸງຊີວິດການເປັນຢູ່ ໃຫ້ຍືນຍົງ ແລະ ໄດ້ຖືກຈັດຕັ້ງ ປະຕິບັດຢູ່ເມືອງພີນ ແລະ ເມືອງອາດສະພອນ ອັນໄດ້ເຮັດໃຫ້ວຽກ ງານພັດທະນາບ້ານ ແລະ ວຽກງານປ່າໄມ້ຊຸມຊົນດີຂຶ້ນ ໂດຍໃຊ້ ງົບປະມານ 120.000 ໂດລາສະຫະລັດ. ຈາກການປະເມີນ ໃນການຈັດຕັ້ງປະຕິບັດ ໂຄງການທີ່ຜ່ານມາ ເຫັນໄດ້ວ່າ ກິດຈະກຳຕ່າງໆ ມີຜົນປະໂຫຍດ ຕໍ່ຊຸມຊົນຫລາຍກວ່າ. ຈາກນີ້ກໍມີບາງກິດຈະກຳ ຍັງເຫັນວ່າບໍ່ທັນເໝາະສົມ ແລະ ຜົນໄດ້ຮັບບໍ່ໄດ້ເທົ່າທີ່ຄວນ ກໍຕ້ອງໄດ້ປັບປຸງໃນ ໄລຍະທີ 3 ເຊິ່ງເປັນໂຄງການຄໍ້າປະກັນ ສະບຽງອາຫານ ຕິດພັນກັບການເຮັດກະສິກໍາ ແລະ ບໍລິຫານຊັບພະຍາກອນ ທຳມະຊາດ.

ໂຄງການດັ່ງກ່າວ ຈະສຸມໃສ່ 3 ວຽກໃຫຍ່ ຄື: ການຝຶກອົບຮົມ ທາງດ້ານເຕັກນິກວິຊາການປູກ, ການລ້ຽງ ແລະ ການສະໜັບສະໜູນກິດຈະກຳ ໃນວຽກງານປູກຝັງ, ວຽກງານລ້ຽງສັດ ແລະ ສັດຕະວະແພດ, ການສ້າງຊົນລະປະທານ ຂອງຊຸມຊົນຂະໜາດນ້ອຍ; ການສ້າງຄວາມເຂັ້ມແຂງທາງດ້ານ ການບໍລິຫານຊັບພະຍາກອນທຳມະຊາດ ແລະ ບົດບາດຍິງຊາຍ ເຊິ່ງກວມເອົາວຽກງານການຈັດສັນທີ່ດິນ ຂັ້ນບ້ານ, ວຽກງານປ່າໄມ້ຊຸມຊົນ, ວຽກງານ ການອະນຸລັກສັດນໍ້າ-ສັດປ່າ, ການສ້າງວັງສະຫງວນ ຂອງບ້ານ ແລະ ບັນດານິຕິກຳທີ່ກ່ຽວຂ້ອງ ກັບບົດບົດບາດຍິງ-ຊາຍ; ການການກໍ່ສ້າງຫ້ອງປະຊຸມ, ສູນບໍລິການເຕັກນິກ-ກະສິກຳ ຢູ່ເຂດ ຫ້ວຍຫອຍທູນຂາມ ເມືອງພີນ ແລະ ກໍ່ສ້າງໂຮງຮຽນຊາວນາ ຢູ່ເມືອງອາດສະພັງທອງ.


Like it? Share with your friends!

0
5 shares
admin

ເລືອກຮູບແບບໂພດສ໌
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format