ຈຳຄຸກ 6 ປີ ໂທດຖານຄ້າຂາຍສິ່ງເສບຕິດ ແລະມີວັດຖຸລະເບີດໄວ້ໃນຄອບຄອງ.

1 min


0
157 shares

ໂດຍປະຕິບັດຕາມມາດຕາ 2 ຂອງກົດໝາຍ ວ່າດ້ວຍສານປະຊາຊົນ ສະບັບປັບປຸງປີ 2009, ມາດຕາ 214 ກົດໝາຍ ວ່າດ້ວຍການດໍາເນີນຄະດີອາຍາ ສະບັບປັບປຸງປີ 2012; ແລະ ອິງຕາມສໍານວນຄະດີ ເລກທີ 076/ຂຕ.ອ ລົງວັນທີ 08 ຕຸລາ 2018 ; ດັ່ງນັ້ນໃນວັນທີ 15 ຕຸລາ 2018 ຢູ່ທີ່ຫ້ອງປະຊຸມສານປະຊາຊົນຂັ້ນຕົ້ນ ແຂວງອຸດົມໄຊ ໄດ້ນຳເອົາໃບສັ່ງຟ້ອງຂອງອົງການໄອຍະການປະຊາຊົນແຂວງທີ່ເປັນໂຈດ ຂຶ້ນມາໄຕ່ຕອງ ແລະ ພິຈາລະນາຢ່າງລະອຽດຖີ່ຖ້ວນ ລວມທັງຂໍ້ມູນຫຼັກຖານການກະທຳຜິດ, ເອກະສານ ແລະ ຄໍາຮັບສາລະພາບຂອງຈຳເລີຍໃນມາດຕາ 146 ວ່າດ້ວຍບຸກຄົນ ຫຼື ກຸ່ມຄົນ ທີ່ພົ່ວພັນຢາເສບຕິດ ຂອງກົດໝາຍອາຍາ ແຫ່ງສາທາລະນະລັດ ປະຊາທິປະໄຕ ປະຊາຊົນລາວ ໂດຍຊ່ອງໜ້າຈໍາເລີຍ ຄື: ທ້າວ ຊຽງຊາດ; ອາຍຸ 44 ປີ, ອາຊີບ ເຮັດສວນ, ຢູ່ບ້ານໂຮມໄຊ, ເມືອງ ນາໝໍ້, ແຂວງອຸດົມໄຊ ຖືກກັກຕົວຄັ້ງວັນທີ 15 ສິງຫາ 2017 ຂໍ້ຫາຄ້າຂາຍຢາເສບຕິດ, ມີຢາເສບຕິດໄວ້ໃນຄອບຄອງ ແລະ ມີວັດຖຸລະເບີດໄວ້ໃນຄອບຄອງ ໂດຍບໍ່ຖືກຕ້ອງຕາມກົດໝາຍ

ເຄື່ອງຂອງກາງມີຢາບ້າ ຈຳນວນ 39 ເມັດ, ນໍ້າໜັກ 3,9 ກຣາມ, ບັ້ງເສບຢາບ້າຈຳນວນ 1 ບັ້ງ ແລະ ກ້ອນສີດຳຈຳນວນ 1 ກ້ອນ ນໍ້າໜັກ 22,5 ກຣາມ, ແກັບໝາກຟ້າຈຳນວນ 10 ດອກ, ໝື້ໝາກຟ້າຈຳນວນ 10 ຫຼອດ, ຕາດຽງ 1 ອັນ, ເຄື່ອງຕິດຕົວມີໂທລະສັບມືຖືຢີ້ຫໍ້ (NCKLA) ສີມ່ວງຈຳນວນ 1 ເຄື່ອງ ແລະ ໂມງໃສ່ແຂວງຍີ່ຫໍ້ (QDORA) ຈຳນວນ 1 ໜ່ວຍ; ສານລົງໂທດຕັດອິດສະຫຼະພາບທ້າວຊຽງຊາດ(ຈຳເລີຍ) ໃນການຄ້າຂາຍຢາເສບຕິດ ປະເພດຢາບ້າ ແລະ ມີຢາເສບຕິດປະເພດຢາບ້າໄວ້ໃນຄອບຄອງ 5 ປີ, ປັບໃໝ 10.000.000 ກີບ; ການມີວັດຖຸລະເບີດໃນຄອບຄອງ ໂດຍບໍ່ຖືກຕ້ອງ 6 ເດືອນ, ປັບໃໝ 500.000ກີບ ແລະ ການຊື້ອາວຸດ ຫຼືວັດຖຸລະເບີດ 1.000.000 ກີບ; ລວມໂທດຕັດອິດສະຫຼະພາບທ້າວຊຽງຊາດ(ຈຳເລີຍ) 6 ປີ ແລະ ປັບໃໝ 11.500.000 ກີບ; ຮິບຢາເສບຕິດປະເພດຢາບ້າ ຈຳນວນ 39 ເມັດ, ນໍ້າໜັກ 3,9 ກຣາມ, ບັ້ງເສບຢາບ້າຈຳນວນ 1 ບັ້ງ ແລະ ກ້ອນສີດຳຈຳນວນ 1 ກ້ອນ ນໍ້າໜັກ 22,5 ກຣາມຂອງຈຳເລີຍມາທຳລາຍຖີ້ມ ແລະຮິບແກັບໝາກຟ້າຈຳນວນ 10 ດອກ, ໝື້ໝາກຟ້າຈຳນວນ 10 ຫຼອດ, ຕາດຽງ 1 ອັນຂອງຈຳເລີຍມາເປັນຂອງລັດ; ສວນໂທລະສັບມືຖື ແລະ ໂມງແມ່ນສົ່ງຄືນໃຫ້ແກ່ຈຳເລີຍ.

ຂ່າວ: ນ.ພຸດສະພອນ

ໂຄສະນາ


Like it? Share with your friends!

0
157 shares
admin

0 Comments

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

This site uses Akismet to reduce spam. Learn how your comment data is processed.

ເລືອກຮູບແບບໂພດສ໌
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format