ສອງເກົາຫຼີ ຕົກລົງຟື້ນຟູລະບົບໂຄງສ້າງພື້ນຖານຂ້າມຊາຍແດນ

1 min


0
91 shares

ສໍານັກຂ່າວຕ່າງປະເທດລາຍງານຈາກນະຄອນໂຊລ ປະເທດເກົາຫຼີໃຕ້ ເມື່ອວັນທີ່ 16 ຕຸລາ 2018 ວ່າ ກະຊວງລວມຊາດຂອງເກົາຫຼີໃຕ້ເປີດເຜີຍຜົນການພົບຫາລືລະຫວ່າງເຈົ້າໜ້າທີ່ລະດັບສູງຂອງລັດຖະບານໂຊລກັບລັດຖະບານປຽງຢາງ ນໍາໂດຍ ທ່ານ ໂຊ ມະຢອງ-ກະຢອນ ລັດຖະມົນຕີກະຊວງລວມຊາດຂອງເກົາຫຼີໃຕ້ ແລະ ທ່ານ ຣີ ຊອນ-ກະວອນ ຜູ້ອໍານວຍການສໍານັກງານກິດຈະການລະຫວ່າງສອງເກົາຫຼີຂອງລັດຖະບານປຽງຢາງ ໂດຍການປະຊຸມມີຂື້ນທີ່ອາຄານສັນຕິພາບຂອງໝູ່ບ້ານປັນມຸນຈອມຝັ່ງເກົາຫຼີໃຕ້ ເມື່ອວັນຈັນທີ່ຜ່ານມາ ວ່າທັງສອງປະເທດເຫັນດີເຫັນຊອບຮ່ວມກັນເບື້ອງຕົ້ນ ໃນການຟື້ນຟູລະບົບໂຄງສ້າງພື້ນຖານລະຫວ່າງປະເທດທັງເສັ້ນທາງລົດໄຟ ແລະ ທາງຫຼວງ


ທັງນີ້ໂຄງການຟື້ນຟູເສັ້ນທາງຄົມມະນາຄົມທີ່ຕັດຂາດໄປຕັ້ງແຕ່ສະໄໝສົງຄາມເກົາຫຼີລະຫວ່າງປີ 1950 ເຖິງ 1953 ໜ້າຈະເລີ່ມຂື້ນຢ່າງເປັນທາງການຊ່ວງທ້າຍເດືອນພະຈິກ ຫຼື ຕົ້ນເດືອນທັນວາ ນີ້ ຂະນະທີ່ກ່ອນໜ້ານັ້ນລັດຖະບານຂອງສອງປະເທດຈະຮ່ວມກັນວາງແຜນ ແລະ ລົງພື້ນທີ່ພາກສະໜາມເພື່ອສຶກສາສະພາບແວດລ້ອມ

ນອກຈາກນີ້ ສອງເກົາຫຼີຍັງເຫັນດີເອກະພາບໃຫ້ຈັດການຫາລືອີກຄັ້ງຊ່ວງທ້າຍເດືອນນີ້ ເພື່ອກຽມການສະເໜີຊື່ຂໍຮັບການພິຈາລະນາຈາກຄະນະກໍາມະການໂອແລມປິກສາກົນ (ໄອໂອຊີ) ໃນການເປັນເຈົ້າພາບຈັດການແຂ່ງຂັນໂອແລມປິກລະດູຮ້ອນປະຈໍາປີ 2032 ແລະ ການກຽມການສໍາລັບການຈັດງານລວມຍາດພີ່ນ້ອງສອງເກົາຫຼີຜ່ານລະບົບວິດີໂອຄອລໃນຊ່ວງເດືອນພະຈິກນີ້

ໃນອີກດ້ານໜຶ່ງ ປະທານາທິບໍດີມຸນ ແຈ-ອິນ ຜູ້ນໍາເກົາຫຼີໃຕ້ ເຊິ່ງຢູ່ລະຫວ່າງການຢ້ຽມຢາມຝຣັ່ງກ່າວກັບປະທານາທິບໍດີມານູເອລ ມາຄຣົງ ວ່າ ຄະນະມົນຕີຄວາມໝັ້ນຄົງແຫ່ງສະຫະປະຊາຊາດ (ຢູເອັນເອສຊີ) ທີ່ຝຣັ່ງເປັນໜຶ່ງໃນສະມາຊິກຖາວອນ ຄວນສະແດງ “ບົດບາດທີ່ສ້າງສັນ” ຫຼາຍກວ່ານີ້ ທີ່ລວມເຖິງການຜ່ອນຄາຍມາດຕະການຂວໍ້າບາດບາງສ່ວນ ເພື່ອເພີ່ມຄວາມເຊື່ອໝັ້ນໃຫ້ເກົາຫຼີເໜືອ ວ່າຂະບວນການປົດນິວເຄຼຍທີ່ກໍາລັງດໍາເນີນການຢູ່ນັ້ນ “ມາຖືກທາງແລ້ວ”

ໂຄສະນາ


Like it? Share with your friends!

0
91 shares
admin

0 Comments

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

This site uses Akismet to reduce spam. Learn how your comment data is processed.

ເລືອກຮູບແບບໂພດສ໌
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format