ກວດຄົ້ນລົດໂຕໂຍຕາ ຟໍຈູນເນີ ພົບຢາບ້າ ແລະ ຢາໄອສ໌

1 min


0
245 shares

ເຈົ້າໜ້າທີ່ໜ່ວຍທາງສະກັນກັ້ນ ແລະ ຕ້ານຢາເສບຕິດ ປກສ ເມືອງປາກລາຍ ໃຫ້ຮູ້ວ່າ: ຫຼັງຈາກສືບຮູ້ເປົ້າໝາຍພົວພັນກັບຢາເສບຕິດ ກຳລັງຈະຂັບຂີ່ລົດໄປຕາມຖະ ໜົນ 4R ຂອບເຂດບ້ານຫ້ວຍລາຍ ນ້ອຍ ເມືອງປາກລາຍ ແຂວງໄຊຍະບູລີ ຈຶ່ງໄດ້ວາງແຜນການຈັບກຸມ ມາຮອດ ເວລາປະມານ 17:00 ໂມງ ຂອງວັນທີ 12 ກັນຍາ 2018, ເຈົ້າໜ້າທີ່ພົບເຫັນລົດເປົ້າໝາຍສົງໄສ ຍີ່ຫໍ້ໂຕໂຍຕາ ຟໍຈູນເນີ ສີ ປອນເງິນ ໝາຍເລກທະບຽນ ກຕ 679 6 ກຳແພງນະຄອນ ຈຶ່ງລັດລົດກັກຕົວຜູ້ຖືກສົງໄສ ຊື່ທ້າວ ໂງ່ນ ອາຍຸ 60 ປີ ຢູ່ບ້ານເມືອງວາ ເມືອງປາກລາຍ ແຂວງໄຊຍະບູລີ ພ້ອມກວດຄົ້ນຕົນຕົວ ແລະ ລົດຂອງຜູ້ກ່ຽວ ພົບຂອງກາງຢາບ້າທີ່ຊຸກເຊື່ອງໄວ້ໃນຖົງໂສ້ງ ແລະ ຕັບໂບຼລົດ ຈຳນວນ 570 ເມັດ, ຢາໄອສ໌ ຈຳນວນ 4 ຖົງນ້ອຍ ເທົ່າກັບ 4 ກຼາມ, ປືນສັ້ນດັດແປງຍິງລູກແວງ  1 ກະບອກ, ພ້ອມລູກປືນແວງ ຈຳນວນ 6 ລູກ ແລະ ໂທລະສັບ 1 ໜ່ວຍ. ເຈົ້າໜ້າທີ່ຈຶ່ງຄຸມຕົວເປົ້າໝາຍໄປດໍາເນີນຄະດີ.

ຜ່ານການສອບສວນຂອງເຈົ້າໜ້າທີ່, ຜູ້ຖືກຫາສາລະພາບວ່າ: ຢາບ້າຈຳນວນດັ່ງກ່າວ ໄດ້ຊື້ນໍາຄົນໜຶ່ງບໍ່ຮູ້ຊື່ຢູ່ເສັ້ນທາງພູໃຫຍ່ ເຂດເມືອງຊະນະຄາມ ແຂວງວຽງຈັນ, ຊື້ຄັ້ງທີ 1 ໃນວັນ ທີ 16 ສິງຫາ 2018, ຈໍານວນ 5 ຖົງ ເທົ່າກັບ 1.000 ເມັດ, ພາຍຫຼັງໄດ້ຢາບ້າ ແລ້ວ ໄດ້ເອົາມາແບ່ງຂາຍໃຫ້ຜູ້ມົ້ວສຸມຢູ່ບ້ານເມືອງວາ ຈົນໝົດ. ມາຮອດ ວັນທີ 8 ກັນຍາ 2018, ໄດ້ໄປຊື້ຢາບ້ານຳຄົນຜູ້ເກົ່າຢູ່ເຂດພູໃຫຍ່ອີກ ຈຳນວນ 5 ຖົງ ເທົ່າກັບ 1.000 ເມັດ ແລະ ເອົາໄປແບ່ງຂາຍຄືເກົ່າ ຍັງບໍ່ທັນໝົດ ແລະ ຈະນໍາເອົາຢາບ້າສ່ວນທີ່ເຫຼືອ ຈຳນວນ 570 ເມັດ ເພື່ອກະ ກຽມຈະ ໄປສົ່ງໃຫ້ຜູ້ມົ້ວສຸມຢາເສບຕິດ ແຕ່ໄປບໍ່ລອດ ຖືກເຈົ້າໜ້າທີ່ສືບຮູ້ ແລະ ກັກຕົວພ້ອມຂອງກາງ.

ທີ່ມາ ນສພ ຄວາມສະຫງົບ

ໂຄສະນາ


Like it? Share with your friends!

0
245 shares
admin

0 Comments

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

This site uses Akismet to reduce spam. Learn how your comment data is processed.

ເລືອກຮູບແບບໂພດສ໌
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format