ຄວສ ເອົາໃຈໃສ່ສ້າງອາຈານ ແລະ ນັກສຶກສາໃຫ້ມີຄວາມຮູ້ໃກ້ຄຽງກັບສາກົນ

1 min


0
1.3k shares

ຄະ­ນະ​ວິ­ສະ­ວະ­ກຳ​ສາດ (ຄວ​ສ) ມະ­ຫາ­ວິ­ທະ­ຍາ­ໄລ​ແຫ່ງ​ຊາດ (ມຊ) ຈັດ​ພິ­ທີ​ສະ­ຫຼຸບ​ສົກ​ສຶກ​ສາ 2017-2018 ແລະ ເປີດ​ສົກ​ສຶກ​ສາ 2018-2019 ຂຶ້ນ​ວັນ​ທີ 11 ຕຸ­ລາ 2018 ຢູ່​ຄະ­ນະ​ດັ່ງ­ກ່າວ ໂດຍ​ມີ​ທ່ານ ສົມ​ສີ ຍໍ​ພັນ​ໄຊ ວ່າ­ການ​ອະ­ທິ­ການ​ບໍ­ດີ ມຊ ພ້ອມ​ດ້ວຍ​ຄະ­ນະ­ບໍ­ດີ-ຮອງ​ຄະ­ນະ­ບໍ­ດີ ຄວ​ສ ອາ­ຈານ ແລະ ນັກ​ສຶກ​ສາ​ເຂົ້າ​ຮ່ວມ.

 

ທ່ານ ບົວ​ລິນ ສ້ອຍ​ສຸ­ວັນ ຄະ­ນະ­ບໍ­ດີ ຄວ​ສ ກ່າວ​ວ່າ: 1 ປີ​ຜ່ານ ຄວ​ສ ໄດ້​ຊີ້​ນຳ-ນຳ­ພາ ແລະ ເອົາ­ໃຈ­ໃສ່​ສຶກ​ສາ​ອົບ­ຮົມ​ການ­ເມືອງ-ແນວ​ຄິດ​ໃຫ້​ຄູ-ອາ­ຈານ ຕະ­ຫຼອດ​ຮອດ​ນັກ​ສຶກ​ສາ​ຢ່າງ​ຕໍ່​ເນື່ອງ ເຮັດ​ໃຫ້​ສະ­ພາບ​ທຸກ​ດ້ານ​ມີ​ຄວາມ​ສະ­ຫງົບ ສະ­ຖຽນ​ລະ​ພາບ ແລະ ສາ­ມາດ​ເຮັດ​ຫຼ້ອນ​ໜ້າ­ທີ່​ຕາມ​ການ​ມອບ​ໝາຍ ສົກ​ສຶກ​ສາ 2017-2018 ມີ​ນັກ​ສຶກ​ສາ​ລະ­ດັບ​ປະ­ລິນ­ຍາ​ຕີ 1.230 ຄົນ ສຳ­ເລັດ​ການ​ສຶກ​ສາ ແລະ ໄດ້​ຮັບ​ໃບ​ປະ​ກາ​ສະ​ນິ​ຍະ​ບັດ 1.078 ຄົນ ເທົ່າ​ກັບ 87,64% ນັກ​ສຶກ​ສາ​ປະ­ລິນ­ຍາ​ໂທ 124 ຄົນ ສຳ­ເລັດ​ການ​ສຶກ​ສາ 54 ຄົນ.

 

ນອກ​ຈາ​ການ​ຮຽນ-ການ​ສອນ​ແລ້ວ ອາ­ຈານ​ຈຳ­ນວນ​ໜຶ່ງ​ຍັງ​ໄດ້​ສຸມ​ໃສ່​ວຽກ​ງານ​ຄົ້ນ­ຄວ້າ​ວິ­ທະ­ຍາ­ສາດ ແລະ ບໍ­ລິ­ການ​ວິ­ຊາ​ການ​ໄດ້​ຮັບ​ທຶນ​ການ​ຄົ້ນ­ຄວ້າ 3 ຫົວ­ຂໍ້ ນອກ​ນີ້​ຍັງ​ໄດ້​ຮ່ວມ​ມື​ກັບ​ຕ່າງ­ປະ­ເທດ 18 ໂຄງ­ການ​ເຊັ່ນ: ຮ່ວມ​ມື​ກັບ​ມະ­ຫາ­ວິ­ທະ­ຍາ­ໄລ​ຄິງ​ມຸງ­ກຸດ​ລາດ​ກະ­ບັງ ຈຸ­ລາ​ລົງ​ກອນ ວິ­ທະ­ຍາ­ໄລ siegen ມະ­ຫາ­ວິ­ທະ­ຍາ­ໄລ​ເຕັກ​ໂນ​ໂລ​ຊີ Dresden ແລະ ອື່ນໆ ດ້ວຍ​ການ​ຄົ້ນ­ຄວ້າ​ຮ່ວມ​ມື ແລກ­ປ່ຽນ​ຈັດ​ເຝິກ­ອົບ­ຮົມ​ລະ­ຫວ່າງ​ອາ­ຈານ ນັກ​ສຶກ​ສາ​ໃນ​ພາກ​ວິ­ຊາ​ຕ່າງໆ ເພື່ອ​ສົ່ງ­ເສີມ​ອາ­ຈານ ນັກ​ສຶກ​ສາ​ໃຫ້​ເປັນ​ນັກ​ວິ­ສະ­ວະ­ກຳ​ໃນ​ອະ­ນາ­ຄົດ ແລະ ເປັນ​ວິ­ສະ­ວະ­ກອນ​ໜຸ່ມ​ທີ່​ມີ​ຫົວ­ຄິດ​ປະ­ດິດ​ສ້າງ ສຳ­ລັບ​ສົກ​ສຶກ​ສາ 2018-2019 ຈະ​ສືບ­ຕໍ່​ພັດ­ທະ­ນາ​ຄະ­ນະ​ໃຫ້​ເປັນ​ຄະ­ນະ​ທີ່​ມີ​ມາດ­ຕະ­ຖານ​ໃກ້​ຄຽງ​ກັບ​ພາກ​ພື້ນ ແລະ ສາ­ກົນ ສ້າງ​ວິ­ຊາ​ການ​ທີ່​ມີ​ຄວາມ​ສາ­ມາດ​ສອດ­ຄ່ອງ​ກັບ​ຄວາມ​ຕ້ອງ­ການ​ຂອງ​ຜູ້­ນຳ​ໃຊ້​ແຮງ​ງານ ສ້າງ​ນັກ​ສຶກ​ສາ​ໃຫ້​ມີ​ຄວາມ​ຮູ້-ຄວາມ​ສາ­ມາດ​ຢ່າງ​ແທ້​ຈິງ ສາ­ມາດ​ສືບ­ຕໍ່​ການ​ສຶກ​ສາ​ລະ­ດັບ​ສູງ​ຢູ່​ພາຍ​ໃນ ແລະ ຕ່າງ­ປະ­ເທດ ສ້າງ​ຄະ­ນະ​ໃຫ້​ເປັນ​ສູນ​ກາງ​ຄັງ​ຄວາມ​ຮູ້ ແລະ ຄົ້ນ­ຄວ້າ​ວິ­ທະ­ຍາ­ສາດ​ທີ່​ມີ​ໝາກ­ຜົນ​ໃຫ້​ແກ່​ການ​ພັດ­ທະ­ນາ​ປະ­ເທດ​ຊາດ.

ຂ່າວ: ນສພ ວຽງຈັນໃຫ່ມ

ໂຄສະນາ


Like it? Share with your friends!

0
1.3k shares
admin

0 Comments

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

This site uses Akismet to reduce spam. Learn how your comment data is processed.

ເລືອກຮູບແບບໂພດສ໌
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format