ເຈົ້າໜ້າທີ່ໄທຈັບຄົນລາວລັກລອບຂົນເງິນ 38 ລ້ານບາດ ກຽມກັບປະເທດ

1 min


0
268 shares

ທີ່ດ່ານຊາຍແດນສະພານມິດຕະພາບໄທ-ລາວ ແຫ່ງທີ່ 1 ເມືອງໜອງຄາຍ ປະເທດໄທ ທ່ານ ກິດສະດາ ທອງທໍາມະຊາດ ຜູ້ອໍານວຍການສໍານັກງານພາສີ ພາກທີ່ 2 ທ່ານ ນິມິດ ແສງອໍາໄພ ຫົວໜ້າດ່ານພາສີໜອງຄາຍ ແລະ ກວດຄົນເຂົ້າເມືອງໜອງຄາຍ ຮ່ວມກັນຖະແຫຼງການຈັບກຸມຄົນລາວ 3 ຄົນ ເປັນຍິງ 2 ຄົນ ແລະ ຜູ້ຊາຍ 1 ຄົນ ພ້ອມເງິນໄທໃບລະ 1,000 ບາດ ຈໍານວນ 38 ລ້ານບາດ ເຊິ່ງຊຸກເຊື່ອງຢູ່ໃນລົດຍົນເກ໋ງປ້າຍທະບຽນປະເທດ ລາວ ຄວ 9889 ກຳແພງນະຄອນ


ການຈັບກຸມຄັ້ງນີ້ ເຈົ້າໜ້າທີ່ພາສີເຝົ້າລະວັງຂະບວນການລັກລອບນໍາເງິນຕາອອກນອກປະເທດ ໂດຍຜິດກົດໝາຍ ເຊິ່ງລົດເກ໋ງຄັນດັ່ງກ່າວຂັບເຂົ້າອອກປະເທດໄທຫຼາຍຄັ້ງ ຈົນກະທັງເມືອງເວລາປະມານ 20:30 ໂມງ ວັນທີ່ 10 ຕຸລາ 2018 ລົດເກ໋ງຄັນດັ່ງກ່າວຂັບເຂົ້າມາບໍລິເວນດ່ານຊາຍແດນ ແລະ ກໍາລັງຈະອອກນອກປະເທດມຸ່ງໜ້າກັບ ສປປ ລາວ ເຈົ້າໜ້າທີ່ພາສີ ຈຶ່ງໄດ້ເອີ້ນກວດສອບກໍ່ພົບຂອງກາງດັ່ງກ່າວ ໂດຍອໍາພາງໂດຍນໍາເຄື່ອງອຸປະໂພກບໍລິໂພກວາງປົກປິດລໍາໂພງໃນຊ່ອງເກັບເຄື່ອງຢູ່ກະໂປ່ງຫຼັງລົດ


ຈາກການສອບສວນເບື້ອງຕົ້ນ ຜູ້ຕ້ອງຫາ ຊາວລາວ ທັງ 3 ຄົນ ຍອມຮັບສາລະພາບວ່າໄດ້ຊຸກເຊື່ອງເງິນທັງໝົດໄວ້ແທ້ ໂດຍຕ່າງຄົນຕ່າງກໍ່ມີທຸລະກິດເປັນຂອງຕົນເອງ ສ່ວນເງິນທັງໝົດທີ່ຖືກເຈົ້າໜ້າທີ່ກວດຢຶດເປັນເງິນທີ່ໄດ້ຈາກການຂາຍອາຫານສົດ ແລະ ອາຫານແຫ້ງ ລວມທັງເຮັດທຸລະກິດແລກປ່ຽນເງິນຕາໃນນະຄອນຫຼວງວຽງຈັນ ຫຼັງຖືກຈັບກຸມຍິນຍອມລະງັບຄະດີໃນຊັ້ນພາສີ


ຂະນະທີ່ ທ່ານ ກິດສະດາ ທອງທໍາມະຊາດ ຜູ້ອໍານວຍການພາສີພາກທີ່ 2 ກ່າວວ່າ ການກວດຍຶດເງິນໃນຄັ້ງນີ້ເປັນຄັ້ງທີ່ 3 ທີ່ພາສີໜອງຄາຍຈັບກຸມໄດ້ຄັງທໍາອິດ 98 ລ້ານບາດ ຄັ້ງທີ່ສອງ 30 ລ້ານບາດ ແລະ ຄັ້ງນີ້ 38 ລ້ານບາດ ເຊິ່ງການລັກລອບຂົນເງິນອອກນອກປະເທດເປັນຄວາມຜິດຕາມ ພ.ລ.ບ ພາສີ ໂດຍທາງພາສີຈະປະສານກັບ ປປງ ເຮັດການກວດສອບແຫຼ່ງທີ່ມາຂອງເງິນວ່າເປັນເງິນທີ່ກ່ຽວຂ້ອງກັບທຸລະກິດຜິດກົດໝາຍ ແລະ ຢາເສບຕິດຫຼືບໍ່ ແຕ່ຄາດວ່າຈະເປັນຂະບວນການຄ້າເງິນ ເມື່ອຜູ້ກະທໍາຜິດຍອມຮັບຜິດ ແລະ ຍິນຍອມລະງັບຄະດີໃນຊັ້ນພາສີ ກ່ອນຈະຖືກປັບໄໝເງິນຄົນລະ 20,000 ບາດ ແລະ ຄືນເງິນໃຫ້ຄົນລະ 2 ລ້ານບາດຕາມສິດ ສ່ວນເງິນທີ່ເຫຼືອ 32 ລ້ານບາດ ແລະ ລົດເກງຈະຍຶດເຂົ້າຫຼວງ


ດ້ານ ທ່ານ ນິມິດ ແສງອໍາໄພ ຫົວໜ້າດ່ານພາສີໜອງຄາຍ ກ່າວເພີ່ມເຕີມວ່າ ຂະບວນການນໍາເງິນອອກນອກປະເທດທີ່ເຈົ້າໜ້າທີ່ເຝົ້າຕິດຕາມມີທັງໝົດ 5 ກຸ່ມ ຖືກຈັບກຸມແລ້ວ 3 ກຸ່ມ ຍັງເຫຼືອທີ່ຕ້ອງຈັບຕາເບິ່ງພຶດຕິກໍາອີກ 2 ກຸ່ມ ເຊິ່ງກຸ່ມນີ້ຈະດໍາເນີນການເຊັ່ນດຽວກັບສອງກຸ່ມທີ່ຜ່ານມາ ໂດຍການເປັນຊາວຕ່າງຊາດກໍ່ຖືກຄວບຄຸມໄວ້ກ່ອນຈົນກວ່າຄະດີຈະສິ້ນສຸດຈຶ່ງຈະກັບປະເທດໄດ້ ແລະ ຕ້ອງມາໃຫ້ປາກຄໍາກັບເຈົ້າໜ້າທີ່ທຸກຄັ້ງທີ່ໄດ້ຮັບການປະສານ ສ່ວນເງິນຂອງກາງຈະນໍາໄປເກັບຮັກສາໄວ້ທີ່ທະນາຄານກ່ອນຈະໂອນເຂົ້າຄັງຫລວງຕໍ່ໄປ.

ໂຄສະນາ


Like it? Share with your friends!

0
268 shares
admin

0 Comments

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

This site uses Akismet to reduce spam. Learn how your comment data is processed.

ເລືອກຮູບແບບໂພດສ໌
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format