ຊາວກະສິກອນ ສະເໜີຄວນມີນະໂຍບາຍເສຍຄ່າໄຟຟ້າ ຕໍ່ຜູ້ທີ່ໄດ້ຮັບຜົນກະທົບນ້ຳຖ້ວມເນື້ອທີ່ການຜະລິດ

1 min


0
92 shares

ປີ 2018 ເປັນ​ປີ​ໜຶ່ງ​ທີ່​ເກີດ​ໄພ­ພິ­ບັດ​ທຳ​ມະ​ຊາດ ຝົນ­ຕົກ​ຫຼາຍ ເກີດ​ນ້ຳ​ຖ້ວມ​ຢູ່​ຫຼາຍ​ແຂວງ ເຮັດ​ໃຫ້​ປະ­ຊາ­ຊົນ​ບັນ­ດາ­ເຜົ່າ​ໄດ້​ຮັບ​ຜົນ​ກະ­ທົບ ເປັນ­ຕົ້ນ ເນື້ອ­ທີ່​ທຳ​ການ​ຜະ­ລິດ​ຂອງ​ປະ­ຊາ­ຊົນ​ຖືກ​ນ້ຳ​ຖ້ວມ​ເສຍ​ຫາຍ​ເປັນ​ຈຳ­ນວນ​ຫຼວງ­ຫຼາຍ ໃນ​ນັ້ນ ຢູ່​ນະ­ຄອນ­ຫຼວງ​ວຽງ​ຈັນ ປະ­ຊາ­ຊົນ​ທີ່​ອາ­ໄສ ແລະ ເຮັດ​ການ​ຜະ­ລິດ​ຢູ່​ລຽບ​ຕາມ​ແຄມ​ແມ່­ນ້ຳ​ຂອງ ແລະ ນ້ຳ​ງື່ມ​ກໍ່​ໄດ້​ຮັບ​ຜົນ​ກະ­ທົບ​ຈາກ​ນ້ຳ​ຍື່ງ​ຂຶ້ນ ຖ້ວມ​ເປັນ​ເວ­ລາ​ຫຼາຍ​ວັນ ເຮັດ​ໃຫ້​ເນື້ອ­ທີ່​ນາ​ເຂົ້າ ພືດ​ຜັກ ໄມ້​ໃຫ້​ໝາກ ແລະ ອື່ນໆ​ຖືກ​ນ້ຳ​ຖ້ວມ​ຕາຍ​ເສຍ​ຫາຍ​ເກືອບ 100% ເພື່ອ​ເປັນ​ການ​ຟື້ນ​ຟູ​ໄພ­ພິ­ບັດ​ຄັ້ງ​ນີ້ ພັກ-ລັດ ກໍ່​ຄື ການ​ນຳ ນວ ແລະ ຂະ­ແໜງ­ການ​ກ່ຽວ­ຂ້ອງ ກໍ່​ໄດ້​ຊຸກ­ຍູ້​ໃຫ້​ປະ­ຊາ­ຊົນ​ເຮັດ​ການ​ຜະ­ລິດ​ກະ­ສິ­ກຳ​ລະ­ດູ­ແລ້ງ ເພື່ອ​ເປັນ​ການ​ທົດ​ແທນ​ເນື້ອ­ທີ່​ເສຍ​ຫາຍ​ຈາກ​ນ້ຳ​ຖ້ວມ ຮັບ­ປະ­ກັນ​ໃຫ້​ມີ​ສະ­ບຽງ​ອາ­ຫານ​ພຽງ­ພໍ​ກັບ​ການ​ບໍ­ລິ­ໂພກ ແລະ ເປັນ​ສິນ­ຄ້າ ພາຍ­ຫຼັງ​ນ້ຳ​ບົກ​ແຫ້ງ​ລົງ​ປະ­ຊາ­ຊົນ ກໍ່​ພ້ອມ​ທີ່​ຈະ​ລົງ­ມື​ເຮັດ​ການ​ຜະ­ລິດ​ຖ້າ​ມີ​ນ້ຳ​ຊົນ­ລະ­ປະ­ທານ​ສະ­ໜອງ​ໃຫ້​ທ່ວງ​ທັນ ແລະ ພຽງ­ພໍ ແຕ່​ບັນ­ຫາ​ໜຶ່ງ​ທີ່​ປະ­ຊາ­ຊົນ​ໄດ້​ສະ­ເໜີ​ມາ​ຍັງ​ພາກ​ລັດ ໃຫ້​ມີ​ນະ­ໂຍ­ບາຍ​ເກັບ​ຄ່າ​ໄຟ­ຟ້າ​ກັບ​ຊາວ​ກະ­ສິ­ກອນ ຜູ້​ທີ່​ໄດ້​ຮັບ​ຜົນ​ກະ­ທົບ​ຈາກ​ນ້ຳ​ຖ້ວມ.

ທ່ານ ສາຍ​ຄຳ ແພງ​ຄຳ​ມີ ຫົວ­ໜ້າ​ຂະ­ແໜງ​ຊົນ­ລະ­ປະ­ທານ ພະ​ແນກ​ກະ­ສິ­ກຳ ແລະ ປ່າ­ໄມ້ ນະ­ຄອນ­ຫຼວງ​ວຽງ​ຈັນ (ນວ) ໃຫ້​ສຳ­ພາດ​ວັນ​ທີ 3 ຕຸ­ລາ 2018 ວ່າ: ຕາມ​ການ​ໄລ່​ລຽງ​ເຫັນ​ວ່າ​ຄ່າ​ໃຊ້​ຈ່າຍ​ໄຟ­ຟ້າ ເຂົ້າ​ໃນ​ເນື້ອ­ທີ່​ທຳ​ການ​ຜະ­ລິດ​ຖ້າ​ເປັນ​ນ້ຳ​ງື່ມ 2-2,5 ລ້ານ​ກີບ​ຕໍ່​ເຮັກ­ຕາ ແລະ ນ້ຳ­ຂອງ 1-1,5 ລ້ານ​ກີບ​ຕໍ່​ເຮັກ­ຕາ ຖ້າ​ມາ​ສົມ​ທຽບ­ໃສ່​ຜົນ​ຜະ­ລິດ​ເຂົ້າ​ກັບ​ການ​ເສຍ​ຄ່າ​ກະ­ແສ​ໄຟ­ຟ້າ ເຫັນ​ວ່າ​ບາງ​ເຂດ​ທີ່​ໃຫ້​ຜົນ​ຜະ­ລິດ​ຕ່ຳ​ແມ່ນ​ຂາດ­ທຶນ​ຍ້ອນ​ຄ່າ​ກະ­ແສ​ໄຟ­ຟ້າ​ສູງ ແລະ ໃນ​ປີ­ຜ່ານ­ມາ ໄດ້​ມີ​ຊາວ​ກະ­ສິ­ກອນ​ຈຳ­ນວນ​ໜຶ່ງ​ຍັງ​ມີ​ໜີ້​ສິນ​ຊຳ­ລະ​ຄ່າ​ກະ­ແສ​ໄຟ­ຟ້າ ແລະ ປີ​ນີ້​ຜັດ​ມີ​ໄພ­ພິ­ບັດ​ນ້ຳ​ຖ້ວມ​ເກີດ​ຂຶ້ນ​ອີກ ເຮັດ​ໃຫ້​ເນື້ອ­ທີ່​ການ​ຜະ­ລິດ​ຖືກ​ນ້ຳ​ຖ້ວມ​ເສຍ​ຫາຍ ຍິ່ງ​ເຮັດ​ໃຫ້​ມີ​ໜີ້​ສິນ​ເພີ່ມ​ຂຶ້ນ​ບາງ​ຄອບ­ຄົວ ດັ່ງ­ນັ້ນ ຊາວ​ກະ­ສິ­ກອນ​ທີ່​ໄດ້­ຜົນ​ກະ­ທົບ​ນ້ຳ​ຖ້ວມ​ຈຳ­ນວນ​ໜຶ່ງ ໄດ້​ສະ­ເໜີ​ຜ່ານ​ຂະ­ແໜງ​ຊົນ­ລະ­ປະ­ທານ​ໄປ​ຍັງ​ຂັ້ນ​ເທິງ​ໃຫ້​ມີ​ນະ­ໂຍ­ບາຍ ຄ່າ​ໄຟ­ຟ້າ​ໃຫ້​ກັບ​ຊາວ​ກະ­ສິ­ກອນ ແລະ ຜູ້­ນຳ​ໃຊ້​ນ້ຳ ເພື່ອ​ເປັນ​ການ​ຫຼຸດ­ຜ່ອນ​ການ​ໃຊ້​ຈ່າຍ​ເຂົ້າ​ໃນ​ການ​ຜະ­ລິດ ນອກ­ຈາກ​ຊາວ​ກະ­ສິ­ກອນ​ຜູ້​ທີ່​ຖືກ​ຜົນ​ກະ­ທົບ​ນ້ຳ​ຖ້ວມ ທີ່​ສະ­ເໜີ​ໃຫ້​ມີ​ນະ­ໂຍ­ບາຍ​ຄ່າ​ກະ­ແສ​ໄຟ­ຟ້າ​ເທົ່າ​ນັ້ນ ແຕ່​ຊາວ​ກະ­ສິ­ກອນ​ທົ່ວ​ໄປ ກໍ່​ສະ­ເໜີ​ໃຫ້​ຂັ້ນ​ເທິງ​ມີ​ນະ­ໂຍ­ບາຍ​ເກັບ​ຄ່າ​ກະ­ແສ​ໄຟ­ຟ້າ ຮັບ​ໃຊ້​ການ​ຜະ­ລິດ​ຫຼຸດ​ລົງ​ຕື່ມ​ອີກ ຈາກ​ປັດ­ຈຸ­ບັນ​ທີ່​ເຫັນ​ວ່າ​ຍັງ​ສູງ​ໂພດ ມັນ​ໄດ້​ກະ­ທົບ​ຕໍ່​ຊາວ​ກະ­ສິ­ກອນ ກໍ່​ຄື ຜູ້­ນຳ​ໃຊ້​ນ້ຳ​ຊົນ­ລະ­ປະ­ທານ

ຂໍ້ມູນ: ນສພ ວຽງຈັນໃຫ່ມ

ໂຄສະນາ


Like it? Share with your friends!

0
92 shares
admin

0 Comments

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

This site uses Akismet to reduce spam. Learn how your comment data is processed.

ເລືອກຮູບແບບໂພດສ໌
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format