You dont have javascript enabled! Please download Google Chrome!

“ອິນໂດເນເຊຍ” ລະທຶກແຜ່ນດິນໄຫວຊໍ້າ ສັ່ນສະເທືອນ “ບາຫຼີ-ປາປົວ”ເສຍຊີວິດ 3 ສົບ

1 min


0
83 shares

ສໍານັກຂ່າວຕ່າງປະເທດລາຍງານຈາກນະຄອນຫລວງຈາກາຣຕາ ປະເທດອິນໂດເນເຊຍ ເມື່ອວັນທີ່ 11 ຕຸລາ 2018 ວ່າ ສໍານັກງານສໍາຫຼວດທໍລະນີວິທະຍາ ສະຫະລັດ (ຢູເອັນຈີເອສ) ກວດພົບການເກີດແຜ່ນດິນໄຫວຮຸນແຮງ 6.0 ຣິກເຕີ ເມື່ອເວລາ 1:00 ໂມງ ຕາມເວລາທ້ອງຖິ່ນຂອງພາກຕາເວັນຕົກອິນໂດເນເຊຍ (00:44 ໂມງ ຕາມເວລາປະເທດລາວ) ໂດຍຈຸດສູນກາງຂອງຂອງແຜ່ນດິນໄຫວຢູ່ເລິກລົງໄປໃຕ້ທະເລບາຫຼີປະມານ 10 ກິໂລແມັດ ແລະ ຫ່າງຈາກແຄມຝັ່ງທາງຕາເວັນອອກສຸດຂອງເກາະຊະວາ ປະມານ 40 ກິໂລແມັດ

ແຮງສັ່ນສະເທືອນສາມາດຮັບຮູ້ໄດ້ເຖິງເມືອງເດນປາຊາຣ ເຊິ່ງເປັນເມືອງເອກຂອງເກາະບາຫຼີ ແລະ ເມືອງສຸຣາຢາບາ ເມືອງໃຫຍ່ອັນດັບ 2 ຂອງປະເທດ ຕັ້ງຢູ່ທາງຕາເວັນອອກຂອງເກາະຊະວາຫຼັງເກີດເຫດສໍານັກງານບໍລິຫານຈັດການໄພພິບັດແຫ່ງຊາດ (ບີເອັນບີພີ) ລາຍງານຈໍານວນຜູ້ເສຍຊີວິດຢ່າງໜ້ອຍ 3 ຄົນ ແລະ ໄດ້ຮັບບາດເຈັບອີກປະມານ 20 ຄົນ

ຂະນະດຽວກັນມີລາຍງານການເກີດອັບເຕີຊ໊ອກ ແຕ່ບີເອັນບີຢືນຢັນວ່າຄວາມເສຍຫາຍທີ່ເກີດຂື້ນຢູ່ໃນວົງຈໍາກັດ ໂດຍສະຖານະການດັ່ງກ່າວເກີດຂື້ນໃນຊ່ວງທີ່ອິນໂດເນເຊຍກຽມຢຸດຕິພາລະກິດຄົ້ນຫາຜູ້ສູນຫາຍຈາກທໍລະນີພິບັດໄພເທິງເກາະສຸລາເວສີ ເຊິ່ງເກີດຂື້ນເມື່ອວັນທີ່ 28 ກັນຍາ ທີ່ຜ່ານມາ ແລະ ຂ້າຊີວິດປະຊາຊົນໄປແລ້ວຫຼາຍກວ່າ 2,000 ຄົນ

ໂຄສະນາ


Like it? Share with your friends!

0
83 shares
admin

0 Comments

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

This site uses Akismet to reduce spam. Learn how your comment data is processed.

error: Alert: Content is protected !!