You dont have javascript enabled! Please download Google Chrome!

ຂະບວນຄາລາວານ ສະຫະພັນແມ່ຍິງລາວ ຢ້ຽມຢາມກອງກຳລັງປ້ອງກັນ ຜາຖີ່

1 min


0
206 shares

ຂປລ. ໃນວັນທີ 10 ຕຸລາ 2018 ນີ້, ຂະບວນຄາລາວານ ສະຫະພັນແມ່ຍິງລາວ ສູ່ຖານ ທີ່ໝັ້ນຂອງການປະຕິວັດ ເມືອງວຽງໄຊ ແຂວງຫົວພັນ ນຳໂດຍທ່ານ ນາງ ອິນລາວັນ ແກ້ວບຸນພັນ ປະທານສູນກາງສະຫະພັນແມ່ຍິງລາວ, ປະທານຂະບວນຄາລາວານ ໄດ້ເດີນທາງໄປຢ້ຽມຢາມ ໃຫ້ ກຳລັງໃຈກອງກຳລັງປ້ອງກັນ ຊາດ (ກອງຮ້ອຍ 18 ສັງກັດກອງພັນໃຫຍ່ 163) ທີ່ປະຈຳການ ຢູ່ ຜາຖີ່ ເຊິ່ງເປັນຈຸດຍຸດທະສາດການທະຫານ ແລະ ສະຖານທີ່ທ່ອງທ່ຽວທຳມະຊາດ ຕິດພັນກັບປະ ຫວັດສາດ.

ໃນໂອກາດດັ່ງກ່າວ, ທ່ານ ນາງ ນາລີ ສີສຸລິດ ພັນລະຍາທ່ານ ທອງລຸນ ສີສຸລິດ ນາຍົກ ລັດຖະມົນຕີແຫ່ງ ສປປ ລາວ ພ້ອມດ້ວຍຄອບຄົວການນຳພັກ-ລັດ ໄດ້ມອບເຄື່ອງນຸ່ງຫົ່ມຈຳນວນໜຶ່ງ ໃຫ້ກອງກຳລັງທະຫານດັ່ງກ່າວ ແລະ ມອບໃຫ້ປະຊາຊົນບ້ານເມືອງຍືດ ຈຳນວນ 14 ຄອບຄົວ ທີ່ໄດ້ ຮັບຜົນກະທົບຈາກໄພ ພິບັດທາງທຳມະຊາດເມື່ອທ້າຍເດືອນສິງຫາ 2018 ຜ່ານມາ. ໃນຂະນະດຽວກັນ, ທ່ານ ນາງ ອິນລາວັນ ແກ້ວບຸນພັນ ກໍໄດ້ມອບເຄື່ອງຊ່ວຍເຫລືອໃຫ້ກອງຮ້ອຍ 18 ປະຈຳ ຜາຖີ່ ເຊິ່ງປະກອບມີ ໝີ່ຈຳນວນໜຶ່ງ, ຕູ້ລຳໂພງ 1 ຊຸດ ແລະ ເງິນຊຸກຍູ້ຈຳນວນ 10 ລ້ານກີບ; ມອບເຄື່ອງໃຫ້ກອງພັນໃຫຍ່ 163 ປະກອບມີ ໝີ່, ຕູ້ລຳໂພງ 1 ຊຸດ ແລະ ເງິນຊຸກຍູ້ຈຳນວນ 5 ລ້ານກີບ ເພື່ອນຳໄປປັບປຸງບູລະນະຄ້າຍຄູ ແລະ ບໍລິຫານວຽກງານຂອງຕົນໃຫ້ ມີຄວາມສະດວກ ຍິ່ງຂຶ້ນ. ໃນການມອບເຄື່ອງຄັ້ງນີ້ໂດຍການເຂົ້າຮ່ວມຂອງທ່ານ ພູໂຊນ ທຳມະວີໄຊ ຮອງເຈົ້າແຂວງໆ ຫົວພັນ, ບັນດາທ່ານໃນການນຳແຂວງ, ບັນດາພະແນກການ, ກົມກອງ ຕະຫລອດຮອດນັກ ຄາລະ ວານເຂົ້າຮ່ວມນຳ

ຂອບໃຈຂໍ້ມູນ: ຂ່າວສານປະເທດລາວ

ໂຄສະນາ


Like it? Share with your friends!

0
206 shares
admin

0 Comments

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

This site uses Akismet to reduce spam. Learn how your comment data is processed.

error: Alert: Content is protected !!