ຕຳຫລວດ ເມັກຊິໂກ ຈັບຜົວເມຍໂຫດ ຂາຍຊິ້ນສ່ວນມະນຸດ ສາລະພາບຂ້າເຫຍື່ອມາແລ້ວຫຼາຍຄົນ

1 min


0
166 shares

ເມື່ອວັນທີ່ 9 ຕຸລາ 2018 ສໍານັກຂ່າວ ບີບີຊີ ລາຍງານວ່າເກີດເຫດສະເທືອນຂວັນ ຕໍາຫຼວດແມັກຊິໂກຈັບກຸມ ທ້າວ ຮວນ ຄາຣລອສ ແລະ ແພດຣິເຊຍ (ບໍ່ເປີດເຜີຍນາມສະກຸນ) ສອງຜົວ-ເມຍ ໃນຂໍ້ຫາລັກລອບຂົນຊິ້ນສ່ວນຮ່າງກາຍຂອງມະນຸດໂດຍໃສ່ໄວ້ໃນລົດເດັກ ເຊິ່ງຊິ້ນສ່ວນມະນຸດເຫຼົ່ານີ້ ເປັນຂອງເຫຍື່ອເຄາະຮ້າຍຢ່າງໜ້ອຍ 10 ຄົນ ທີ່ຖືກຄາດຕະກໍາ ໃນຂະນະທີ່ຝ່າຍຊາຍຮັບສະລະພາບລະຫວ່າງການພິຈາລະນາຄະດີໃນສານວ່າ ເຂົາໄດ້ລົງມືຂ້າຜູ້ຍິງເຖິງ 20 ຄົນ ໃນບໍລິເວນເຂດຊານນະຄອນແມັກຊິໂກ ຊິຕີ້


ຕໍາຫຼວດສືບສວນແມັກຊິໂກ ຍັງພົບຊິ້ນສ່ວນຮ່າງກາຍຂອງມະນຸດໃນທີ່ພັກຂອງສອງຜົວ-ເມຍຄູ່ນີ້ ລວມເຖິງບໍລິເວນເດີ່ນທີ່ຢູ່ໃກ້ຄຽງອີກນຳ ຂະນະທີ່ທີມໄອຍະການຍັງລະບຸວ່າ ສອງຜົວ-ເມຍຍັງໄດ້ຂາຍຊິ້ນສ່ວນຮ່າງກາຍມະນຸດນຳ ແຕ່ບໍ່ຮູ້ແນ່ຊັດວ່າຂາຍໃຫ້ກັບໃຜ


ບີບີຊີ ລາຍງານອີກວ່າ ເພື່ອນບ້ານບອກກົງກັນວ່າ ເມື່ອໃດກໍ່ຕາມທີ່ເຫັນຜົວ-ເມຍຄູ່ນີ້ ກໍາລັງຍູ້ລົດເດັກ ເຊິ່ງເປັນຄັນທີ່ຕໍາຫຼວດພົບຊິ້ນສ່ວນມະນຸດ ໂດຍສາເຫດທີ່ຕໍາຫຼວດເອີ້ນໃຫ້ທັງສອງຢຸດ ແລະ ກວດຄົ້ນທັງຄູ່ເນື່ອງຈາກມີການແຈ້ງຄວາມວ່າ ຍິງສາວແມັກຊິໂກຊື່ Nancy Huitron ແລະ ລູກສາວໄວ 2 ເດືອນຂອງເຂົາໄດ້ຫາຍຕົວໄປຢ່າງໄຮ້ຮ່ອງຮອຍຕັ້ງແຕ່ເມື່ອເດືອນກັນຍາທີ່ຜ່ານມາ


ໃນລະຫວ່າງການພິຈາລະນາຄະດີ ຜູ້ຕ້ອງຫາຊາຍທີ່ມີການເປີດເຜີຍຊື່ວ່າ ຮວນ ຄາຣລອສ ໄດ້ສາລະພາບວ່າເຂົາໄດ້ຂ້ານາງ Huitron ແລະ ເຫຍື່ອສາວອີກ 2 ຄົນຄື Arlet Olguín ອາຍຸ 23 ປີ ແລະ Evelyn Rojas ອາຍຸ 29 ປີ ໂດຍ ທ້າວ ຄາຣລອສ ຍັງຮັບສາລະພາບອີກວ່າ ເຂົາໄດ້ລ່ວງລະເມີດທາງເພດເຫຍື່ອບາງຄົນທີ່ເຂົາລົງມືຂ້າ ແລະ ນໍາຊັບສິນຂອງເຫຍື່ອໄປຂາຍ ລວມທັງຂາຍຊິ້ນສ່ວນອະໄວຍະວະຂອງເຫຍື່ອນຳ ໂດຍຍິງທັງ 3 ຄົນທີ່ຖືກຂ້ານີ້ ເປັນ “ຊິງເກິລ ມັມ” ຫຼື ຍິງທີ່ລ້ຽງລູກຄົນດຽວ ເພາະເລີກລາກັບສາມີ


ຕໍາຫຼວດສືບສວນ ເຜີຍວ່າ ຍິງທີ່ຕົກເປັນເຫຍື່ອ ຮູ້ຈັກ ທ້າວ ຮວນ ຄາຣລອສ ແລະ ແພດຣິເຊຍ ຈາກການທີ່ທັງຄູ່ໄດ້ຂາຍເສື້ອຜ້າ ແລະ ອາຫານ ກ່ອນທີ່ຜົວ-ເມຍ ຄູ່ນີ້ໄດ້ວາງແຜນລໍ່ລວງໃຫ້ເຫຍື່ອມາຍັງທີ່ພັກຂອງພວກຕົນ ໂດຍອ້າງວ່າໃຫ້ມາເບິ່ງສິນຄ້າຫຼາກຫຼາຍ ໂດຍຫຼັງຈາກຕໍາຫຼວດຈັບກຸມສອງຜົວ-ເມຍ ນີ້ແລ້ວ ທ້າວຄາຣລອສຍັງຂໍຕໍາຫຼວດອະນຸຍາດໃຫ້ເຂົາອາບນໍ້າ ແລະ ໃສ່ເສື້ອສູດ ກ່ອນຖືກນໍາຕົວໄປສະຖານີຕໍາຫຼວດ ແລະ ຕ້ອງເຈິກັບນັກຂ່າວ ໂດຍບອກວ່າເພາະເຂົາບໍ່ແມ່ນ “ອາດຊະຍາກໍາທີ່ສົກກະປົກ”

ທັງນີ້ລັດແມັກຊິໂກ ເປັນລັດທີ່ມີຜູ້ຍິງຫາຍໄປຢ່າງໄຮ້ຮ່ອງຮອບທີ່ສູງທີ່ສຸດໃນປະເທດແມັກຊິໂກ ໂດຍລະຫວ່າງເດືອນມັງກອນ- ເມສາ ປີນີ້ ມີຄົນສູນຫາຍເຖິງ 395 ຄົນ ແລະ ໃນຈໍານວນນີ້ເປັນຍິງ 207 ຄົນ ສ່ວນໃຫຍ່ກ່ຽວຂ້ອງກັບແກ໊ງອາດຊະຍາກອນ ເຊິ່ງຕໍາຫຼວດບໍ່ກ້າຫຍຸ້ງ.

ໂຄສະນາ


Like it? Share with your friends!

0
166 shares
admin

0 Comments

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

This site uses Akismet to reduce spam. Learn how your comment data is processed.

ເລືອກຮູບແບບໂພດສ໌
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format