ຟ່ານປິງປິງຄິດໜັກ! ປະກາດຂາຍດ່ວນອາພາດເມັ້ນ 41 ຫ້ອງຈ່າຍຄ່າປັບໄຫມ

1 min


0
189 shares

ເມື່ອວັນທີ່ 9 ຕຸລາ 2018 ສຳນັກຂ່າວຕ່າງປະເທດລາຍງານວ່າ ຟ່ານ ປິງປິງ ຊຸບເປີສະຕາຍິງຄົນດັງ ຊາວຈີນໄວ 37 ປີ ກໍາລັງປະກາດຂາຍດ່ວນ ອາພາດເມັ້ນເຖິງ 41 ຫ້ອງ ເພື່ອນໍາເງີນໄປຈ່າຍພາສີຍ້ອນຫຼັງ ແລະ ເງິນຄ່າປັບໃໝລວມແລ້ວເຖິງ 880 ລ້ານຢວນ ຕາມຄໍາສັ່ງຂອງກົມພາສີ-ອາກອນຈີນ ຕາມລາຍງານຂອງສື່ໃນຮົງກົງ ຍັງເຜີຍວ່າ ຟ່ານ ປິງປິງ ໄດ້ປະກາດຂາຍອາພາດເມັ້ນທີ່ນາງເປັນເຈົ້າຂອງກໍາມະສິດ ຈໍານວນ 41 ຫ້ອງ ແລະ ບໍ່ມີຕິດສິນເຊື່ອກັບທະນາຄານ ຜ່ານຕະຫຼາດຊື້ຂາຍອະສັງຫາລິມະຊັບ ເຊິ່ງມີລາຄາຖືກລົງປະມານ 30%

ຂ່າວແຈ້ງວ່າຫາກ ຟ່ານ ປິງປິງ ປະສົບຄວາມສໍາເລັດໃນການຂາຍອາພາດເມັ້ນໄດ້ທັງໝົດ 41 ຫ້ອງ ຈະເຮັດໃຫ້ໄດ້ເງິນປະມານ 1,000 ລ້ານຢວນ ເຊິ່ງພຽງພໍກັບການນໍາໄປຈ່າຍເງິນໃຫ້ກັບລັດຈຳນວນ 880 ລ້ານຢວນ ໂດຍບໍ່ມີບັນຫາໃດໆ

ນອກຈາກນັ້ນ ຫລີ່ ເຈິນ ນັກສະແດງ ແລະ ແຟນໜຸ່ມຂອງຟານ ປິງປິງ ຍັງບໍ່ປະຖິ້ມແຟນສາວ ປະກາດຂາຍບ້ານຫຼູຂອງຕົນໃນປັກກິ່ງ ເພື່ອຫາເງິນຊ່ວຍ ຟ່ານ ປິງປິງ ໂດຍລາຄາບ້ານຫຼູ ຂອງຫລີ່ ເຈິນ ທີ່ປະກາດຂາຍ ມີລາຄາສູງກວ່າ 100 ລ້ານຢວນ

ດ້ານໜັງສືພິມ The Economic Observer ໃນຈີນ ລາຍງານດ້ວຍວ່າກ່ອນໜ້ານີ້ ກົມພາສີ-ອາກອນຈີນ ຕັ້ງກໍານົດເວລາໃຫ້ຟ່ານ ປິງປິງ ນໍາເງິນຈ່າຍຄ່າພາສີຍ້ອນຫຼັງລວມຄ່າປັບໃໝຈໍານວນ 880 ພາຍໃນ 15 ວັນ ແຕ່ທາງເຈົ້າໜ້າທີ່ພາສີ-ອາກອນໄດ້ທົບທວນໃໝ່ ເນື່ອງຈາກເຫັນວ່າເປັນເງິນຈໍານວນຫຼາຍ ຈຶ່ງຜ່ອນຜັນຍືດເວລາໃຫ້ຟ່ານ ປິງປິງ ຈົນເທິງທ້າຍປີນີ້

ຕາມລາຍງານ ຟ່ານ ປິງປິງ ມີຊັບສິນປັດຈຸບັນ ເປັນມູນຄ່າປະມານ 7 ພັນລ້ານຢວນ ແຕ່ການຂາຍຊັບສິນໃນເວລາສັ້ນໆ ເພື່ອຫາເງິນຈໍານວນນີ້ບໍ່ແມ່ນເລື່ອງງ່າຍ ທັງນີ້ ຟ່ານ ປິງປິງ ໄດ້ຕົກເປັນຂ່າວຄຶກໂຄມ ຫຼັງຫາຍໂຕໄປຢ່າງລຶກລັບໃນເວລາ 3 ເດືອນ ກ່ອນຕໍ່ມາທາງການຈີນໄດ້ອອກມາປ່ອຍຕົວນາງວ່າ ກົມພາສີອາກອນຈີນ ໄດ້ສັ່ງໃຫ້ ຟ່ານ ປິງປິງ ຈ່າຍເງິນພາສີຍ້ອນຫຼັງ ລວມຄ່າປັບ 880 ລ້ານຢວນ ຈາກການທີ່ຊຸບເປີສະຕາຍິງຄົນດັງ ບໍ່ແຈ້ງລາຍໄດ້ທີ່ແທ້ຈິງ ເພື່ອຈ່າຍພາສີໃຫ້ລັດ ເປັນເງິນ 248 ລ້ານຢວນ.

ໂຄສະນາ


Like it? Share with your friends!

0
189 shares
admin

0 Comments

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

This site uses Akismet to reduce spam. Learn how your comment data is processed.

ເລືອກຮູບແບບໂພດສ໌
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format