You dont have javascript enabled! Please download Google Chrome!

ເປີດໂຕຢ່າງເປັນທາງການຜູ້ເຂົ້າປະກວດ 20 ຄົນ Miss Tourism Queen Laos 2018

4 min


0
566 shares

ເມື່ອວັນສຸກທີ 5 ຕຸລາ 2018 ທີ່ຜ່ານມາ ທີ່ສູນການຄ້າໄອເຕັກມໍ ນະຄອນຫຼວງວຽງຈັນ ກອງປະກວດ Miss Tourism Queen Laos ໄດ້ຈັດງານມອບສາຍສະພາຍ ແລະ ມຸງກຸດ ໃຫ້ແກ່ທູດວັດທະນະທຳ ແດນຈຳປາ ຈຳນວນ 20 ນາງສາວຈາກແຕ່ລະແຂວງທົ່ວປະເທດລາວ ເຊິ່ງເຂົ້າຮ່ວມໃນການປະກວດເວທີດັ່ງກ່າວນີ້ຢ່າງເປັນທາງການ ໂດຍການເຂົ້າຮ່ວມຂອງພາກລັດ ບໍ່ວ່າຈະເປັນ ສູນກາງຊາວໜຸ່ມ ປະຊາຊົນ ປະຕິວັດລາວ, ກົມໂຄສະນາການທ່ອງທ່ຽວ ກະຊວງຖະແຫຼງຂ່າວ, ວັດທະນະທຳ ແລະ ການທ່ອງທ່ຽວ, ກົມໂຄສະນາອົບຮົມ ແລະ ວັດທະນະທຳ, ສູນກາງສະຫະພັນແມ່ຍິງລາວ.

ທັງນີ້ ນາງງາມຜູ້ເຂົ້າປະກວດໂຄງການ Miss Tourism Queen Laos ປະຈຳປີ 2018 ນີ້ ແມ່ນເປັນຕົວແທນຈາກ 17 ແຂວງ ແລະ ນະຄອນຫຼວງ (ເຊິ່ງມີ 3 ນາງສາວ) ເພື່ອສ້າງກິດຈະກຳໃຫ້ບັນດານາງສາວເຊິ່ງເປັນນາງງາມທູດວັດທະນະທຳປະຈຳແຂວງໄດ້ແນະນຳຕົວ ແລະ ນຳສະເໜີວັດທະນະທຳການທ່ອງທ່ຽວປະຈຳແຂວງຂອງຕົນເອງ, ທ່ານ ນາງ ຂັນທອງ ວົງຄີລີ ປະທານໂຄງການປະກວດ ແລະ ປະທານບໍລິສັດ ທົວຣິສຊຶມ ຄວີນ ລາວ ຈຳກັດ ກ່າວໃນພິທີ.

ພ້ອມນີ້ ທາງໂຄງການຍັງຈະໄດ້ຈັດກິດຈະກຳເຄື່ອນໄຫວຕ່າງໆເຊັ່ນ: ກິດຈະກຳການທ່ອງທ່ຽວລາວ, ກິດຈະກຳ roadshow ໃນເທດສະການບຸນນະມັດສະການພະທາດຫຼວງວຽງຈັນ ເພື່ອໃຫ້ປະຊາຊົນໄດ້ມີສ່ວນຮ່ວມ ແລະ ເຮັດບຸນຮ່ວມກັນ.

ສ່ວນການປະກວດຮອບສຸດທ້າຍນັ້ນ ຈະຈັດຂຶ້ນທີ່ສູນການຄ້າໄອເຕັກມໍ ໃນຄໍ່າຄືນຂອງວັນທີ 23 ພະຈິກ 2018 ເຊິ່ງເປັນໄລຍະດຽວກັບບຸນນະມັດສະການພະທາດຫຼວງວຽງຈັນ ເລີ່ມຕັ້ງແຕ່ ເວລາ 18:00 – 22:00 ໂມງ.

ໂຄສະນາ


Like it? Share with your friends!

0
566 shares
admin

0 Comments

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

This site uses Akismet to reduce spam. Learn how your comment data is processed.

error: Alert: Content is protected !!