You dont have javascript enabled! Please download Google Chrome!

5 ວິທີ​ ແກ້​ບັນຫາ​ເຂົ້າ​ຈ້າວບູດ​ໄວ​ ໄດ້​ຜົນ​ 100%

1 min


0
101 shares

ທຸກ​ວິທີ​ແມ່ນ​ໃຫ້​ເຮັດ​ຄວາມ​ສະ​ອາດ​ໝໍ້​ຫຸງ​ເຂົ້າ​ດ້ວຍ​ນ້ຳ​ຢາ​ລ້າງ​ຖ້ວຍ​ກັບ​ນ້ຳ​ສະ​ອາດ​ ຕາມ​ວິທີ​ປົກກະຕິ​ກ່ອນ​ 1 ຄັ້ງ
ວິທີ​ທີ່​ 1 ນຳ​ເອົາໝໍ້​ຫຸງເຂົ້າ​ທີ່​ລ້າງ​ສະ​ອາດ​ ໃສ່​ນ້ຳ​ 1/3 ຫລື​ ¼ ຂອງ​ໝໍ້​ ແລ້ວ​ຕື່ມ​ນ້ຳ​ສົ້ມ​ສາຍ​ຊູລົງໄປ​ 2 ບ່ວງແກງ ນຳ​ໄປ​ໃສໃນ​ໝໍ້​ເຮັດຄື​ຈະ​ຫຸງ​ເຂົ້າ​ ກົດ​ Cook ລໍຖ້າ​ໃຫ້​ນ້ຳ​ເດືອດດີ​ ແລ້ວ​ນຳ​ໝໍ້​ອອກ​ມາ​ລ້າງ​ໃຫ້​ສະ​ອາດ​ ແລ້ວກໍ່ນຳ​ໄປ​ຫຸງ​ເຂົ້າ​ໄດ້​ທັນ​ທີ​
ວິທີ​ທີ່​ 2 ວິທີ​ນີ້​ໃຊ້​ເມື່ອ​ມີ​ເວລາ​ຫລາຍ​ໆ​ ນຳ​ໝໍ້ຫຸງ​ເຂົ້າ​ທີ່​ລ້າງ​ສະ​ອາດແລ້ວ​ໄປ​ຄວ່ຳ​ຕາກ​ແດດ​ແຮງ​ໆ​ ໄວ້​ 1 ແດດ​ (ຕັ້ງ​ແຕ່​ເຊົ້າ​ທີ່​ແດດ​ເລີ່ມ​ແຮງ​ຈົນຮອດ​ແລງ​ແດດ​ອ່ອນ) ຫຼັງ​ຈາກ​ນັ້ນ​ນຳ​ໝໍ້​ມາ​ລ້າງ​ໃຫ້​ສະ​ອາດ​ອີກ​ເທື່ອ​ໜຶ່ງ ຫຸງ​ເຂົ້າ​ໄດ້​ເລີຍ


ວິທີ​ທີ່​ 3 ຫຸງ​ເຂົ້າ​ພ້ອມ​ໃສ່​ນ້ຳ​ສົ້ມ​ສາຍ​ຊູລົງ​ໄປ​ 1 ບ່ວງກາເຟ ແລ້ວ​ກໍ​ຫຸງ​ຕາມ​ປົກກະຕິ​ ຕາມທີ່ເຄີຍ​ທົດລອງ​ຫຸງ​ເຂົ້າ​ 2 ຖ້ວຍ​ ຣົດ​ຊາດ​ກໍ​ບໍ່​ມີ​ຫຍັງ​ປ່ຽນ​ໄປ​ ບໍ່​ຣົດຊາດ​ສົ້ມ​ ເຂົ້າ​ຈະ​ຢູ່ໃນ​ອຸນຫະພູມ​ຫ້ອງ​ໄດ້​ 4-5 ມື້​ ໂດຍ​ທີ່​ບໍ່​ມີກິ່ນ​ ບໍ່​ບູດ​
ວິທີ​ທີ່​ 4 ໃສ່​ເກືອ​ ລົງ​ໃນ​ໝໍ້​ທາ​ເກືອ​ໃຫ້​ທົ່ວ​ໝໍ້​ແລ້ວ​ຖິ້ມ​ໄວ້​ປະ​ມານ​ 1-2 ຊົ່ວ​ໂມງ​ ແລ້ວ​ນຳ​ໝໍ້​ມາ​ລ້າງ​ໃຫ້​ສະ​ອາດ​ ນຳ​ໄປ​ຫຸງ​ເຂົ້າໄດ້ເລີຍຕາມປົກກະຕິ ເທື່ອ​ຕໍ່ໄປ​ຈະ​ລ້າງ​ໝໍ້​ໃສ່​ເກືອ​ປະສົມ​ກັບ​ນ້ຳ​ລ້າງ​ຕາມ​ປົກກະຕິ​ ປະ​ມານ​ 2-3 ເທື່ອ​ ໝໍ້​ທີ່​ບູດ​ກໍ​ຈະບໍ່​ບູດ​ອີກ


ວິທີ​ທີ່​ 5 ຕື່ມ​ນ້ຳ​​ລົງ​ໃນ​ໝໍ້​ຫຸງ​ເຂົ້າ​ປະ​ມານ​ 2 ຖ້ວຍ​ ແລະ​ ກົດ​ປຸ່ມ​ Cook ເປັນ​​ເວລາ​ 15 ນາ​ທີ​ (ສຳລັບ​ໝໍ້​ຫຸງ​ເຂົ້າ​ຂະໜາດ​ຄົວ​ເຮືອນ​) ຈະ​ສາມາດ​ຊ່ວຍ​ທຳລາຍ​ເຊື້ອ​ຈຸລິນຊີ​ທີ່​ຄ້າງ​ຢູ່​ໄດ້​ ແລະ ​ຊ່ວຍ​ແກ້​ບັນຫາ​ເຂົ້າ​ບູດ​​ງ່າຍ​ກວ່າປົກກະ​ຕິ​

ໂຄສະນາ


Like it? Share with your friends!

0
101 shares
admin

0 Comments

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

This site uses Akismet to reduce spam. Learn how your comment data is processed.

error: Alert: Content is protected !!