ຕັດສິນ 7 ປີ ຄະດີຮ່ວມເພດກັບເດັກ

1 min


0
490 shares

ຄະນະສານອາຍາ ສານປະຊາຊົນຂັ້ນຕົ້ນ ນະຄອນຫຼວງວຽງຈັນ ນໍາເອົາຈໍາເລີຍຊື່ ທ້າວ ທອງສີ ອາຍຸ 56 ປີ ເມືອງໄຊທານີ ນະຄອນຫຼວງວຽງຈັນ ຂຶ້ນມາພິຈາລະນາຕັດສິນ ໃນຂໍ້ຫາຮ່ວມ ເພດກັບເດັກ ໂດຍສານລົງໂທດຕັດອິດສະຫຼະພາບ 7 ປີ ໃນວັນທີ 3 ຕຸລາ 2017.

ຕາມຄຳຖະແຫຼງຂອງອົງການໄອຍະການປະຊາຊົນ ນະຄອນຫຼວງວຽງຈັນ, ໃນຫ້ອງປະຊຸມສານວ່າ: ໃນລະຫວ່າງ ປີ 2016-2017 ທ້າວ ທອງສີ ຈຳເລີຍ ໄດ້ຮັບວ່າຮ່ວມເພດກັບ ນາງ ຂ  (ນາມ ສົມມຸດ) ມາແລ້ວ 4 ຄັ້ງ ຄື: ໃນປີ 2016 ຈໍາເລີຍໄດ້ເຫັນ ນາງ ຂ ຢູ່ໜ້າເຮືອນ ຂອງຈໍາເລີຍ ຈຶ່ງໄດ້ຮ້ອງເຂົ້າມາໃນເຮືອນ ແລ້ວໄດ້ກອດຈູບ ແລະ ທໍາສໍາເລົາເດັກ. ແຕ່ບໍ່ສໍາເລັດ ຍ້ອນນາງ ຂ ຍັງນ້ອຍ, ມາໃນເດືອນດຽວກັນ ກໍເຫັນ ນາງ ຂ ຍ່າງກາຍໜ້າເຮືອນ ຈຶ່ງໄດ້ເອີ້ນໃຫ້ເຂົ້າມາຫາຢູ່ໃນເຮືອນ ເພື່ອຈະທໍາສໍາເລົາອີກ ແຕ່ບໍ່ສໍາເລັດ. ມາວັນທີ 8 ສິງຫາ 2017, ຈໍາເລີຍໄດ້ເຫັນ ນາງ ຂ ຍ່າງມາໜ້າເຮືອນ ຈຶ່ງໄດ້ຍ່າງໄປດຶງແຂນເຂົ້າໃນເຮືອນທໍາການຮ່ວມເພດກັບ ນາງ ຂ ຈົນສໍາເລັດ. ຫຼັງຈາກນັ້ນ, ໄດ້ເອົາເງິນໃນ ນາງ ຂ ຈໍາ ນວນ 300.000 ກີບ ພ້ອມທັງເວົ້າວ່າ ບໍ່ໃຫ້ບອກພໍ່-ແມ່; ມາວັນທີ 13 ສິງ ຫາ 2017 ຈໍາເລີຍ ໄດ້ນັ່ງຢູ່ໜ້າເຮືອນ. ຈາກນັ້ນ, ໄດ້ເຫັນ ນາງ ຂ ຍ່າງກາຍໜ້າເຮືອນ ຈຶ່ງໄດ້ດຶງແຂນເຂົ້າໃນເຮືອນ ແລ້ວກໍຮ່ວມເພດອີກຈົນສໍາເລັດ ແລະ ໄດ້ເອົາເງິນໃຫ້ຈໍານວນ 200.000 ກີບ. ຈາກນັ້ນ, ນາງ ຂ ກໍໄດ້ຍ່າງອອກຈາກເຮືອນໃນເວລານັ້ນ, ພໍ່-ແມ່ເຫັນ ຈຶ່ງໄດ້ພາໄປກວດຢູ່ໂຮງໝໍ ຈຶ່ງຮູ້ວ່າ ທ້າວ ທອງສີ ໄດ້ຮ່ວມເພດກັບລູກສາວ ຈຶ່ງໄດ້ແຈ້ງເຈົ້າໜ້າທີ່ກັກຕົວດໍາເນີນຄະດີ.

ຜ່ານການຄົ້ນຄວ້າບັນດາຂໍ້ມູນຫຼັກຖານ, ເອກະສານຕ່າງໆທີ່ປະກອບໃນສໍານວນຄະດີ ແລະ ບວກກັບຄໍາໃຫ້ການ ເຫັນວ່າ: ທ້າວ ທອງສີ ຈໍາເລີຍ ແມ່ນເປັນຜູ້ກະທໍາຜິດທາງອາຍາ ໃນຂໍ້ ຫາການຮ່ວມເພດກັບເດັກ ທີ່ໄດ້ກໍານົດ ໄວ້ໃນມາດຕາ 89 ວັກ 3 ຂອງກົດ ໝາຍອາຍາ ວ່າດ້ວຍການປົກປ້ອງ ແລະ ຜົນປະໂຫຍດຂອງເດັກ ສະບັບປັບປຸງ ປີ 2008, ເຊິ່ງໄດ້ກໍານົດໄວ້ວ່າ: ບຸກຄົນຜູ້ໃດຫາກໄດ້ຮ່ວມເພດກັບເດັກ ຍິງ ຫຼື ເດັກຊາຍ ມີອາຍຸຕໍ່າກວ່າ 12 ປີ ຫາ 15 ປີ ຈະຖືກປັບໃໝ ແຕ່ 7.000.000 ກີບ ຫາ 15.000.000 ກີບ.

ດ້ວຍເຫດນີ້, ຄະນະສານອາຍາ ຈຶ່ງໄດ້ຕັດສິນລົງໂທດ ທ້າວ ທອງສີ ຈໍາເລີຍເປັນຂັ້ນຕົ້ນ ໂດຍຊ້ອງໜ້າໂຈດ ແລະ ຈໍາເລີຍ ໂດຍຕັດສິນຕັດອິດສະຫຼະພາບຈໍາຄຸກ 7 ປີ ພ້ອມປັບໃໝ 7.000. 000 ກີບ ແລະ ເສຍຄ່າປົວແປງຈິດໃຈ, ຄ່າຮີດຄອງປະເພນີ ເປັນເງິນ 45.000. 000 ກີບ ຕາມການໄກ່ເກ່ຍຂອງທັງສອງຝ່າຍ.

ທີ່ມາ ນສພ ຄວາມສະຫງົບ

ໂຄສະນາ


Like it? Share with your friends!

0
490 shares
admin

0 Comments

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

This site uses Akismet to reduce spam. Learn how your comment data is processed.

ເລືອກຮູບແບບໂພດສ໌
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format