You dont have javascript enabled! Please download Google Chrome!

ສຸດສະຫຼົດ!! 6 ນັກດໍານໍ້າມາເລເຊຍ ຈົມນໍ້າວົນເສຍຊີວິດ ຂະນະຊ່ວຍໄວລຸ້ນຕົກສະ

1 min


0
427 shares

ສໍານັກຂ່າວຕ່າງປະເທດລາຍງານໃນວັນທີ 6 ຕຸລາ 2018 ວ່າ ນັກດໍານໍ້າ 6 ຄົນຈາກໜ່ວຍກູ້ໄພຂອງປະເທດມາເລເຊຍຈົ່ມນໍ້າເສຍຊີວິດ ຂະນະພະຍາຍາມຄົ້ນຫາຮ່າງຂອງໄວລຸ້ນຊາຍໄວ 17 ປີ ເຊິ່ງເຊື່ອວ່າເຂົາຕົກລົງໄປໃນອ່າງເກັບນໍ້າທີ່ບໍ່ໄດ້ໃຊ້ແລ້ວຂອງບໍ່ແຮ່ແຫ່ງໜຶ່ງໃນເມືອງປູຊອງ ໃນເຂດເຊປັງ ລັດລັງງໍ ແລະ ຈົນເຖິງຕອນນີ້ຍັງຫາຮ່າງຂອງເຂົາບໍ່ພົບ


ເຫດການນີ້ເກີດຂື້ນເມື່ອວັນພຸດທີ່ຜ່ານມາ (3 ຕຸລາ) ໂດຍຂ່າວລະບຸວ່າ ໄວລຸ້ນຊາຍດັ່ງກ່າວໄປກັບໝູ່ ໄປຕຶກເບັດທີ່ອ່າງເກັບນໍ້າ ກ່ອນທີ່ເດັກໜຸ່ມໄວ 17 ປີ ຈະຕົກລົງນໍ້າ
ດ້ານ ທ່ານ ອັບດຸລ ອາຊິຊ ຜູ້ບັນຊາການຕໍາຫຼວດເຂດເຊປັງ ເຜີຍກັບສໍານັກຂ່າວ ເບີຣນາມາວ່າ ນັກດໍານໍ້າລົງໄປຄົ້ນຫາໃນສະເວລາປະມານ 21:15 ໂມງ ຂະນະມີຝົນຕົກແຮງ ໂດຍພວກເຂົາສວມໃສ່ອຸປະກອນດໍານໍ້າເຕັມຮູບແບບ ມີເຊືອກ 1 ເສັ້ນຜູກຕິດຕົວເອງເອົາໄວ້ ແລະ ປະຕິບັດຕາມມາດຕະຖານການກູ້ໄພທຸກຢ່າງ ກ່ອນທີ່ຢູ່ໆຈະເກີດນໍ້າວົນດູດພວກເຂົາເຂົ້າໄປ ຈົນທັງ 6 ຄົນໝູນວົນຢູ່ໃນນໍ້າ ຄື້ນທີ່ຮຸນແຮງຍັງເຮັັດໃຫ້ອຸປະກອນບາງຢ່າງຂອງເຈົ້າໜ້າທີ່ຫຼຸດອອກມາອີກ


ນັກດໍານໍ້າທັງ 6 ຄົນພະຍາຍາມດິ້ນຮົນຈາກກະແສນໍ້າວົນປະມານ 30 ນາທີ ຂະນະທີ່ເຈົ້າໜ້າທີ່ຄົນອື່ນໆ ພະຍາຍາມຊ່ວຍເຫຼືອພວກເຂົາກັບຂື້ນມາຈົນຄົບ ແຕ່ທຸກຄົນຢູ່ໃນສະພາບໝົດສະຕິ ທີມແພດພະຍາຍາມເຮັດການຊີພີອາຣແຕ່ກໍ່ບໍ່ສາມາດຊ່ວຍຊີວິດທັງ 6 ຄົນເອົາໄວໄດ້


ທັງນີ້ ຜູ້ເສຍຊີວິດທັງ 4 ຄົນເປັນນັກດໍານໍ້າຈາກທີມກູ້ໄພທາງນໍ້າຂອງສະຖານີກູ້ໄພ ແລະ ດັບເພິງເມື່ອງພອຣດກລັງ ໄດ້ແກ່ ໂມດ ຟາຕາ ຮາຊິມ ອາຍຸ 34 ປີ, ອິຊາຕຸລ ອັກມາ ວັນ ອິບຣາຮິບ ອາຍຸ 32 ປີ , ມາຊລານ ໂອມາບາກີ ອາຍຸ 25 ປີ ແລະ ຢາຫຍາ ອາລີ ອາຍຸ 24 ປີ ສ່ວນອີກສອງຄົນເປັນສະມາຊິກທີມກູ້ໄພທາງນໍ້າຂອງສະຖານີກູ້ໄພ ແລະ ດັບເພິງເມືອງຊາອລາມ ຊື່ ອັດນາມ ໂອດມານ ອາຍຸ 33 ປີ ແລະ ມູຮັມໝັດ ຮິຟດຊຸລ ມາລິກ ຊາຣີ ອາຍຸ 25 ປີ

ທ່ານ ໂມຮັມໝັດ ຮັມດານ ວາຮິດ ຜູ້ອໍານວຍການສໍານັກງານກູ້ໄພ ແລະ ດັບເພິງມາເລເຊຍ ຖະແຫຼງຫຼັງເກີດເຫດວ່າ ນີ້ເປັນຄັ້ງທໍາອິດທີ່ມີເຈົ້າໜ້າທີ່ເສຍຊີວິດ 6 ຄົນໃນການປະຕິບັດໜ້າທີ່ດຽວກັນ ຫຼັງກ່ອນໜ້ານີ້ມີກໍລະນີເຈົ້າໜ້າທີ່ເສຍຊີວິດພ້ອມກັນ 2 ຄົນມາແລ້ວ ແລະ ພວກເຂົາກໍາລັງພິຈາລະນາເລື່ອງສະຫວັດດີພາບຂອງຄອບຄົວຜູ້ເສຍຊີວິດທັງເລື່ອງເງິນຊົດເຊຍ ແລະ ເງິນປະກັນຊີວິດອີກດ້ວຍ.

ໂຄສະນາ


Like it? Share with your friends!

0
427 shares
admin

0 Comments

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

This site uses Akismet to reduce spam. Learn how your comment data is processed.

error: Alert: Content is protected !!