ຈັບພັນລະຍາ ທ່ານ “ນາຈິບ ຣາຊັກ” ອາດີດນາຍົກ ມາເລເຊຍ ຂື້ນສານຄະດີຟອກເງີນ

1 min


0
124 shares

ສໍານັກງານຂ່າວຕ່າງປະເທດລາຍງານ ໃນວັນທີ 4 ຕຸລາ 2018 ວ່າ ເຈົ້າໜ້າທີ່ຂອງຄະນະກໍາມະການຕໍ່ຕ້ານການສໍ້ລາດບັງຫລວງແຫ່ງປະເທດມາເລເຊຍ (MACC) ດໍາເນີນການຈັບກຸມທ່ານນາງ ຣອສມາ ມານເຊີຣ ພັນລະຍາ   ຂອງ ທ່ານ ນາຈິບ ຣາຊັກ ອາດີດນາຍົກລັດຖະມົນຕີແຫ່ງມາເລເຊຍ ໃນວັນພຸດທີ່ 3 ຕຸລາ 2018 ກ່ອນຈະຖືກນໍາຕົວຂື້ນສານເພື່ອຕັ້ງຂໍ້ຫາຄະດີຟອກເງີນໃນວັນຕໍ່ມາ


MACC ອອກຖະແຫຼງການໃນວັນພຸດລະບຸວ່າ ທ່ານນາງ ຣອສມາ ຈະຖືກຟ້ອງຮ້ອງຫຼາຍຂໍ້ຫາ ພາຍໃຕ້ກົດໝາຍຕໍ່ຕ້ານການຟອກເງີນ ແລະ ການກະທໍາຜິດອື່ນໆ ໂດຍຕອນນີ້ທ່ານຖືກກັກໂຕຢູ່ທີ່ສໍານັກງານໃຫຍ່ຂອງ MACC ແລະ ຖືກສອບປາກຄໍາກ່ຽວກັບການຍັກຍອກເງີນຈາກກອງທືນຂອງລັດ ‘1MDB’ ເປັນຄັ້ງທີ່ 3

ດ້ານແຫຼ່ງຂ່າວໃນ MACC ຢືນຢັນກັບສື່ທ້ອງຖິ່ນວ່າ ທ່ານນາງ ຣອສມາ ເດີນທາງມາເຖິງສໍານັກງານໃຫຍ່ຂອງ MACC ໃນເວລາ 10:45 ໂມງ ແລະ ຖືກຈັບກຸມໃນເວລາ 15:20 ນາທີ ໂດຍທີ່ທາງ MACC ບໍ່ໄດ້ລະບຸຂໍ້ຫາຟອກເງີນຂອງທ່ານນາງ ຣອສມາ ກ່ຽວຂ້ອງກັບຄະດີຍັກຍອກເງີນກອງທືນ 1MDB ທີ່ສາມີຂອງທ່ານກໍາລັງຖືກສອບສວນຫຼືບໍ່


ກ່ອນໜ້ານີ້ ທ່ານ ນາຈິບ ໃນໄວ 64 ປີ ເດີນທາງໄປພະແນກຕໍ່ຕ້ານການຟອກເງີນ ແລະ ການກໍ່ການຮ້າຍທາງການເງີນຂອງສໍານັກງານຕໍາຫຼວດມາເລເຊຍ ເພື່ອໃຫ້ເຈົ້າໜ້າທີ່ສອບປາກຄໍາເພີ່ມເຕີມໃນຄະດີການຟອກເງີນ ແລະ ກຽມຂື້ນສານໃນວັນພະຫັດເພື່ອຮັບຊາບຂໍ້ກ່າວຫາທີ່ກ່ຽວຂ້ອງກັບກອງທຶນ 1MDB ອີກ

ທັງນີ້ ທ່ານ ນາຈິບ ເຊິ່ງພ່າຍແພ້ໃນການເລືອກຕັ້ງໃຫຍ່ຂອງມາເລເຊຍຢ່າງພິກຄວາມຄາດໝາຍເມື່ອເດືອນ ພຶດສະພາ ຖືກຕັ້ງຂໍ້ຫາ 32 ກະທົງຕັ້ງແຕ່ເລື່ອງການຟອກເງີນໄປຈົນເຖິງການໃຊ້ອໍານາດໜ້າທີ່ໂດຍບໍ່ຊອບ ເພື່ອປົກປິດເລື່ອງທີ່ເງີນຫຼາຍພັນລ້ານໂດລາສະຫະລັດ ຫາຍໄປຈາກກອງທຶນ 1MDB

ສື່ສະຫະລັດ ລາຍງານເມື່ອປີ 2015 ວ່າ ເງິນຈາກກອງທຶນດັ່ງກ່າວ 700 ລ້ານໂດລາສະຫະລັດ ຖືກໂອນເຂົ້າບັນຊີສ່ວນໂຕຂອງ ທ່ານ ນາຈິບ ຂະນະທີ່ ທ່ານນາງ ຣອສມາ ຕົກເປັນເປົ້າສາຍຕາຂອງສັງຄົມຫຼັງຈາກມີການແພ່ພາບກະເປົາຖື, ເຄື່ອງປະດັບຈໍານວນມະຫາສານຂອງນາງ.

ໂຄສະນາ


Like it? Share with your friends!

0
124 shares
admin

0 Comments

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

This site uses Akismet to reduce spam. Learn how your comment data is processed.

ເລືອກຮູບແບບໂພດສ໌
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format