ແຂວງບໍ່ແກ້ວ ພ້ອມເປັນເຈົ້າພາບແຂ່ງຂັນກິລາ ເປຕັງ ຊີງຂັນປະທານສະພາແຫ່ງຊາດ


0
109 shares

ທ່ານ ຈອມສີ ລັດຕະນະປັນ ຮອງເຈົ້າແຂວງບໍ່ແກ້ວ, ຖະແຫລງຂ່າວຕໍ່ສື່ມວນຊົນ ໃນວັນທີ 10 ມັງກອນ 2018 ນີ້ວ່າ: ແຂວງ​ບໍ່​ແກ້ວ ມີ​ຄວາມ​ພ້ອມ​ໃນ​ການເປັນເຈົ້າພາບຈັດງານແຂ່ງຂັນກິລາເປຕັງ ທົ່ວປະເທດ ຄັ້ງ​ທີ VIII ຊິງຂັນ ທ່ານ​ປະທານ​ສະພາ​ແຫ່ງ​ຊາດ ປະຈຳ ປີ 2018, ​ງານແຂ່ງຂັນກິລາເປຕັງຄັ້ງ​ນີ້ ຈະ​ໄດ້​ຈັດ​ຂຶ້ນ ໃນລະຫວ່າງ ວັນທີ 25-27 ມັງກອນ 2018.

ງານ​ແຂ່ງຂັນກິລາ​ເປ​ຕັງ​ທົ່ວ​ປະ​ເທດ ​ແມ່ນ​ງານ​ກິລາ​ລະດັບ​ຊາດ ທີ່​ປະ​ກອບ​ດ້ວຍ​ການ​ແຂ່ງຂັນ​ ລະຫວ່າງ​​ແຂວງ, ນະຄອນ​ຫລວງ, ບັນດາ​ກະຊວງ​, ອົງການ​ທຽບ​ເທົ່າ ​ແລະ ບັນດາ​ສະ​ໂມ​ສອນ​ຕ່າງໆ ໃນ​ທົ່ວ​ປະ​ເທດ ທີ່ສະ​ແດງ​ອອກ​ເຖິງອະລິຍະ​ທຳ​, ມູນ​ເຊື້ອ​ອັນ​ດີ​ງາມຂອງ​ປະຊາຊົນ​ບັນດາ​ເຜົ່າ, ​ເປັນ​ການ​ສົ່ງ​ເສີມ ​ແລະ ພັດທະນາ​ວຽກ​ງານ​ກິລາ​​ແຫ່ງຊາດ ​ໃຫ້​ນັບ​ມື້​ນັບ​ເຂັ້ມ​ແຂງ. ພ້ອມ​ທັງຮັບປະກັນ​ຈຸດປະສົງ ​ແລະ ລະດັບ​ຄາດໝາຍ, ​ເປັນ​ການ​ສົ່ງ​ເສີມ​ຂະ​ຫຍາ​ຍວຽກ​ງານ​ກິລາ​ກາ​ຍະ​ກຳ ເຂົ້າ​ສູ່​ມວນ​ຊົນ​ບັນດາ​ເຜົ່າ​ ໃຫ້ຫັນ​ມາຫລິ້ນ​ກິລາ​ຢ່າງ​ກວ້າງຂວາງ ​ແລະ ຕໍ່​ເນື່ອງ ຍົກ​ສູງ​ສະມັດ​ຕະພາບ​ຂອງ​ຮ່າງ​ກາຍ ​ແລະ ມານະ​ຈິດ​ໃນ​ການ​ຮັບ​ໃຊ້ ​ວຽກ​ງານ​ການ​ພັດທະນາ​ເສດຖະກິດ-​ສັງຄົມ, ການ​ປົກ​ປັກ​ຮັກສາ ​ແລະ ສ້າງ​ສາພັດທະນາປະ​ເທດ​ຊາດ. ​ ທັງ​ເປັນ​ການ​ຮັດ​ແໜ້ນຄວາມ​ສາມັກຄີ​​ ລະຫວ່າງ​ສູນ​ກາງ, ທ້ອງ​ຖິ່ນ, ຂະ​ແໜງ ການ​ຕ່າງໆ​ ໃຫ້​ນັບ​ມື້​ນັບ​ກວ້າງ​ຂວາງ ​ແລະ ​ເລິກ​​ເຊິ່ງ, ​ເປັນ​ການ​ພັດທະນາ ແລະ ຍົກ​ລະດັບຢ່າງຮອບດ້ານ ​ໃນ​ການ​ກະກຽມ​ເປັນ​ເຈົ້າພາບ​ຈັດ​ການ​ແຂ່ງຂັນກິລາ​ນາໆ ຊາດ. ພ້ອມກັນນັ້ນ, ຍັງເປັນການຄັດເລືອກນັກກິລາຜູ້ທີ່ມີສີມື, ຄວາມສາມາດດີເດັ່ນທີ່ເປັນເປົ້າໝາຍ ປະກອບເຂົ້າທີມຊາດໃຫ້ນັບມື້ນັບຫລາຍຂຶ້ນ ເພື່ອເຂົ້າຮ່ວມການແຂ່ງຂັນ ໃນລະດັບພາກພື້ນ ແລະ ລະດັບສາກົນ.

ງານແຂ່ງຂັນກິລາເປຕັງທົ່ວປະເທດໃນຄັ້ງນີ້, ຈະມີການຊິງໄຊເອົາຫລຽນ ແລະ ຂັນກຽດຕິຍົດ ລວມທັງໝົດ 7 ລາຍການ ຄື: ດ່ຽວຍິງ, ດ່ຽວຊາຍ, ຄູ່ຍິງ, ຄູ່ຊາຍ, ທີ​ມຊຸດ​ຍິງ, ທີ​ມຊຸດ​ຊາຍ ແລະ ທີມຄູ່ກິດຕິມະສັກ ລຸ້ນອາຍຸ 45 ປີຂຶ້ນໄປ. ຈະມີຄະນະ​ນຳ, ຄູ​ຝຶກ​ ແລະ ນັກ​ກິລາເຂົ້າຮ່ວມມາ​ຈາກ​ພາກສ່ວນຕ່າງໆ​ 11 ແຂວງ​, 2​ ກະຊວງ,1 ອົງການທຽບເທົ່າ ແລະ ຫລາຍສະໂມສອນ ຈາກບັນດາແຂວງອ້ອມຂ້າງ, ສູນກາງ ເຂົ້າຮ່ວມ.


Like it? Share with your friends!

0
109 shares
admin

0 Comments

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

ເລືອກຮູບແບບໂພດສ໌
ເລື່ອງ
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format