ນັກທ່ອງທ່ຽວໜີຕາຍ ! ໜ້າຜາຖະຫລົ່ມ ເຈັບ 7 ຄົນ (ຄລິບ)

1 min


0
98 shares

ສໍານັກຂ່າວຕ່າງປະເທດລາຍງານເມື່ອວັນທີ່ 13 ກັນຍາ ເກີດເຫດຫີນເທິງໜ້າຜາຕົກລົງມາເທິງຊາຍຫາດວາຈີໂອ ອັນມີຊື່ສຽງເທິງເກາະ ຊາຄິນທອສ ຂອງປະເທດກຣີຊ ໃນຂະນະທີ່ນັກທ່ອງທ່ຽວກໍາລັງຫຼີ້ນນໍ້າຢູ່ ເຮັດໃຫ້ຜູ້ຄົນຕ່າງແລ່ນໜີດ້ວຍຄວາມແຕກຕື່ນລ່າສຸດພົບຜູ້ໄດ້ຮັບາດເຈັບ 7 ຄົນ ແຕ່ບໍ່ມີຜູ້ໃດໄດ້ຮັບອັນຕະລາຍເຖິງຊີວິດ


ຜູ້ເຫັນເຫດການລະບຸວ່າ ພວກເຂົາໄດ້ຍິນສຽງດັງ ແລ້ວເຫັນເສດຫີນນ້ອຍໆຕົກລົງມາຈາກໜ້າຜາ ກ່ອນທີ່ແຜ່ນຫີນກ້ອນໃຫຍ່ອີກ 2 ແຜ່ນຈະຕົກລົງມາເທິງຫາດ ແລະ ລົງທະເລຈົນເກີດນໍ້າວົນເຮັດໃຫ້ເຮືອຫຼາຍລໍາພິກຂວໍ້າ


ດ້ານທາງການທ້ອງຖິ່ນເຜີຍວ່າພວກເຂົາບໍ່ໄດ້ຮັບລາຍງານວ່າມີຜູ້ສູນຫາຍ ແຕ່ທີມຄົ້ນຫາ ແລະ ກູ້ໄພທາງນໍ້າ ແລະ ທາງອາກາດຈະອອກປະຕິບັດການຕໍ່ໄປເພື່ອປ້ອງກັນເອົາໄວ້ກ່ອນ ພວກເຂົາຍັງສັ່ງອົບພະຍົບປະຊາຊົນບໍລິເວນທ່າເຮືອຊາຄິນທອສເພາະເຫດຜົນດຽວກັນ


ທັງນີ້ ຫາດນາວາຈິໂອ ມີຊື່ເອີ້ນອີກຢ່າງວ່າ ຫາດຊາກເຮືອແຕກ ເພາະມີຊາກເຮືອແຕກຢູ່ເທິງຫາດ ເຊິ່ງເປັນຈຸດທີ່ດຶງດູດນັກທ່ອງທ່ຽວ ຂະນະທີ່ການເດີນທາງມາຍັງຫາດຕ້ອງໃຊ້ເຮືອເທົ່ານັ້ນເພາະມີໜ້າຜາສູງຊັນອ້ອມຮອບ

ໂຄສະນາ


Like it? Share with your friends!

0
98 shares
admin

0 Comments

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

This site uses Akismet to reduce spam. Learn how your comment data is processed.