ປກສ ເມືອງໂພນໂຮງ ມອບລົດຈັກ 3 ຄັນຄືນເຈົ້າຂອງເດີມ

1 min


0
89 shares

ໃນອາທິດທີ່ຜ່ານມາ, ເຈົ້າໜ້າທີ່ ກອງບັນຊາການ ປກສ ເມືອງໂພນໂຮງ ແຂວງວຽງຈັນ ມອບລົດຈັກ ຈຳນວນ 3 ຄັນ ແລະ ເຄື່ອງໃຊ້ໄຟຟ້າ 1 ເຄື່ອງ ຄືນ ເຈົ້າຂອງເດີມ ພາຍຫຼັງທີ່ຈັບຕົວຜູ້ກໍ່ເຫດ ມາດຳເນີນຄະດີ ແລະ ເກັບກູ້ຂອງກາງ ຄືນມາໄດ້ ໃນລະຫວ່າງເດືອນມິຖຸນາ-ຫາສິງຫາ 2018.

ຮອ ວິໄລທອງ ຫຼວງອາໄພ ຮອງພະແນກຕຳຫຼວດ ກອງບັນຊາການ ປກສ ເມືອງໂພນໂຮງ ໃຫ້ຮູ້ວ່າ: ພາຍຫຼັງກັກຕົວຜູ້ຖືກຫາໄດ້ຊື່ ທ້າວ ວິລະສອນ ອາຍຸ 24 ປີ ຢູ່ບ້ານນ້ຳແຈ້ງ ເມືອງໂພນໂຮງ ແຂວງວຽງຈັນ ໃນວັນທີ 11 ສິງ ຫາ 2018 ມາດຳເນີນຄະດີ ໃນຂໍ້ຫາລັກຊັບພົນ ລະເມືອງ, ຈາກການດຳເນີນຄະດີ ສາມາດເກັບກູ້ຂອງກາງເປັນລົດຈັກ 3 ຄັນຄື: ລົດຈັກຮອນດ້າເວບ 100 ສີ ແດງດຳ 1 ຄັນ, ລົດຈັກຮອນດ້າຄິຼກໄອ ສີປອນດຳ 1 ຄັນ, ລົດຈັກເວບຈີນ 1 ຄັນ ແລະ ເຄື່ອງໃຊ້ໄຟຟ້າ 1 ໜ່ວຍ. ດັ່ງນັ້ນ, ຈຶ່ງໄດ້ນຳເອົາຂອງກາງດັ່ງກ່າວມາມອບ ຄືນໃຫ້ເຈົ້າຂອງເດີມ.

ທ່ານ ສຸກັນ ອາຍຸ 50 ປີ ຢູ່ບ້ານໂພນຄ້ອງ ເມືອງໂພນໂຮງ ແຂວງວຽງຈັນ ໜຶ່ງໃນເຈົ້າຂອງລົດຈັກ ໄດ້ສະແດງຄວາມຂອບໃຈມາຍັງເຈົ້າໜ້າທີ່ທີ່ໄດ້ເອົາໃຈໃສ່ໃນການປະຕິບັດໜ້າທີ່ວຽກງານວິຊາສະເພາະຈົນສາມາດເກັບກູ້ເຄື່ອງຂອງກາງ ກໍຄືລົດຈັກຄືນ ແລະ ສາມາດ ກັກຕົວຜູ້ກໍ່ເຫດມາດຳເນີນຄະດີຕາມກົດໝາຍ.

ໂອກາດດຽວກັນນີ້, ເຈົ້າໜ້າທີ່ ປກສ ເມືອງໂພນໂຮງ ຍັງຮຽກຮ້ອງມາຍັງພໍ່-ແມ່ປະຊາຊົນທຸກຊັ້ນຄົນ ຈົ່ງປົກປັກຮັກສາວັດຖຸສິ່ງຂອງທີ່ມີຄ່າໄວ້ໃຫ້ດີ ເພື່ອບໍ່ໃຫ້ຄົນບໍ່ດີສວຍໂອກາດລັກເອົາ ແລະ ຊ່ວຍກັນເປັນຫູເປັນຕາຊ່ວຍເຈົ້າໜ້າທີ່ ຖ້າພົບເຫັນຄົນແປກໜ້າມາຂາຍລົດຈັກທີ່ບໍ່ມີເອກະສານ ຫຼື ມີພິລຸດຖືກສົງໄສສ້າງຄວາມບໍ່ສະຫງົບໃຫ້ກັບສັງຄົມ ແມ່ນໃຫ້ແຈ້ງໃຫ້ເຈົ້າໜ້າທີ່ຢ່າງຮີບດ່ວນ ແລະ ຫ້າມຊື້ຊັບຜິດກົດໝາຍນັ້ນຢ່າງເດັດຂາດ.

ທີ່ມາ ນສພ ຄວາມສະຫງົບ

ໂຄສະນາ


Like it? Share with your friends!

0
89 shares
admin

0 Comments

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້

This site uses Akismet to reduce spam. Learn how your comment data is processed.

ເລືອກຮູບແບບໂພດສ໌
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format