ເຈົ້າໜ້າທີ່ກອງບັນຊາການ ປກສ ເມືອງສີໂຄດຕະບອງ ນະຄອນຫຼວງ ວຽງຈັນ ນໍາເອົາລົດຈັກຈໍານວນ 15 ຄັນ ທີ່ເຈົ້າໜ້າທີ່ວິຊາສະເພາະຕິດຕາມເກັບກູ້ຈາກຄົນຮ້າຍທີ່ລັກໄປຄືນໃຫ້ເຈົ້າຂອງເດີມ ໃນທ້າຍອາທິດຜ່ານມາ.
ເຈົ້າໜ້າທີ່ວິຊາສະເພາະ ໃຫ້ຮູ້ວ່າ: ຈໍານວນລົດດັ່ງກ່າວແມ່ນສືບເນື່ອງມາຈາກການມ້າງຄະດີກຸ່ມແກ້ງລັກຊັບພົນ ລະເມືອງ ໃນກາງເດືອນພຶດສະພາ 2017 ທີ່ຜ່ານມາ, ໃນຄັ້ງນັ້ນ ຈັບຜູ້ຖືກຫາ ຈໍານວນ 7 ຄົນ ຊື່ທ້າວສະເຫຼີມສຸກ ຫຼື ເປ່ເລ່ ອາຍຸ 26 ປີ, ທ້າວຄໍາເພັດ ຫຼື ແຫຼ້ ອາຍຸ 26 ປີ, ທ້າວພອນປະເສີດ ອາຍຸ 19 ປີ, ທ້າວ ສຸກສາຄອນ ຫຼື ຊ້າງ ອາຍຸ 16 ປີ ທັງສາມຢູ່ບ້ານດົງນາໂຊກໃຕ້ ເມືອງສີໂຄດຕະບອງ, ທ້າວນົກ ອາຍຸ 24 ປີ, ທ້າວໄມໂຄ ອາຍຸ 17 ປີ ທັງ ສອງຢູ່ບ້ານໜອງແຕ່ງ ເມືອງສີໂຄດຕະບອງ ແລະ ທ້າວພຸດສະດີ ອາຍຸ 22 ປີ ບ້ານທາດຫຼວງໃຕ້ ເມືອງໄຊເສດຖາ ທັງໝົດຢູ່ນະຄອນຫຼວງວຽງຈັນ.

ໃຫ້ກຽດມອບໂດຍ ພັທ ວຽງທອງ ຜາງພິລາວົງ ຮອງຫົວໜ້າກອງບັນຊາການ ປກສ ເມືອງສີໂຄດຕະບອງ ແລະ ຕາງໜ້າຮັບໂດຍທ້າວສອນໄຊ ໃສຍະມາ ບ້ານພະຂາວ ເມືອງໄຊທານີ ນະຄອນຫຼວງວຽງຈັນ.
ພາບ ແລະ ຂ່າວ: ນສພ ຄວາມສະຫງົບ

——————————————



Source

LEAVE A REPLY

Please enter your comment!
Please enter your name here